1 Chronicles.

1ܐܕܡ ܫܝܬ ܐܢܘܫ

2ܩܝܢܢ ܡܗܠܠܐܝܠ ܝܪܕ

3ܚܢܘܟ ܡܬܘܫܠܚ ܠܡܟ

4ܢܘܚ ܫܝܡ ܚܡ ܘܝܦܬ

5ܒ̈ܢܝ ܝܦܬ ܓܡܪ ܘܡܓܘܓ ܘܡܕܝ ܘܝܘܢ ܘܬܘܒܝܠ ܘܡܝܫܟ ܘܬܝܪܣ

6ܒ̈ܢܝ ܓܡܪ ܐܫܟܢܙ ܘܕܝܦܪ ܘܬܘܪܓܡܐ

7ܘܒܢ̈ܝ ܝܘܢ ܐܠܝܫܐ ܘܬܪܫܝܫ ܘܟܬܝܡ ܘܕܘܪܢܝܡ

8ܘܒ̈ܢܝ ܚܡ܉ ܟܘܫ ܘܡܨܪܝܡ· ܘܦܘܛ· ܘܟܢܥܢ·

9ܘܒ̈ܢܝ ܟܘܫ· ܫܒܐ· ܘܚܘܝܠܐ· ܘܣܒܬܐ · ܘܪܥܡܐ· ܘܣܒܬܟܐ· ܘܒ̈ܢܝ ܪܥܡܐ܉ ܫܒܐ· ܘܕܪܢ·

10ܘܟܘܫ ܐܘܠܕ ܠܢܡܪܘܕ ܗܘ ܫܪܝ ܕܢܗܘܐ ܓܢܒܪܐ ܒܐܪܥܐ

11ܘܡܨܪܝܡ ܐܘܠܕ ܠܠܘܕܝܡ ܘܠܝܥܒܝܡ ܘܠܠܗܒܝܡ ܘܠܝܦܬܘܚܝܡ

12ܘܠܦܬܪܘܣܝܡ ܘܠܟܣܠܘܚܝܡ ܕܢܦܩܘ ܡܢ ܬܡܢ ܦܠܫ̈ܬܝܐ ܘܩܦܘܕ̈ܩܝܐ

13ܘܟܢܥܢ ܐܘܠܕ ܠܨܝܕܘܢ ܒܘܟܪܗ ܘܠܚ̈ܬܝܐ

14ܘܠܝܒܘܣ̈ܝܐ ܘܠܐܡܘܪ̈ܝܐ ܘܠܓܪ̈ܓܘܣܝܐ

15ܘܠܚ̈ܘܝܐ ܘܠܥܪ̈ܩܝܐ ܘܠܣ̈ܝܢܝܐ

16ܘܠܐܪ̈ܘܕܝܐ ܘܠܨܡܪ̈ܝܐ ܘܠܚܡ̈ܬܝܐ

17ܒ̈ܢܝ ܫܝܡ ܥܝܠܡ ܘܐܫܘܕ ܘܐܪܦܟܫܪ ܘܠܘܕ ܘܐܪܡ ܘܥܘܨ ܘܚܘܠ ܘܓܬܪ ܘܡܫ

18ܘܐܪܦܟܫܪ ܐܘܠܕ ܠܫܠܚ ܘܫܠܚ ܐܘܠܕ ܠܥܒܪ

19ܘܠܥܒܪ ܐܬܝܠܕܘ ܬܪ̈ܝܢ ܒܢ̈ܝܢ ܫܡܗ ܕܚܕ ܦܠܓ ܡܛܠ ܕܒܝܘܡ̈ܬܗ ܐܬܦܠܓܬ ܐܪܥܐ ܘܫܡܐ ܕܐܚܘܗܝ ܝܩܛܢ

20ܘܝܩܛܢ ܐܘܠܕ ܠܐܠܡܘܕܕ ܘܠܝܫܦܠ ܘܠܚܨܪܡܘܬ ܘܠܝܪܚ

21ܘܠܗܕܘܪܡ ܘܠܐܘܙܠ ܘܠܕܩܠܐ

22ܘܠܥܒܠ ܘܠܐܒܝܡܠ ܘܠܫܒܐ

23ܘܠܐܘܦܝܪ ܘܠܚܘܝܠܐ ܘܠܝܘܒܒ ܟܠܗܘܢ ܗܠܝܢ ܒܢ̈ܘܗܝ ܕܝܩܛܢ

24ܫܝܡ ܐܪܦܟܫܪ ܫܠܚ

25ܥܒܪ ܦܠܓ ܐܪܥܘ

26ܣܪܘܓ ܢܚܘܪ ܬܪܚ

27ܐܒܪܡ ܕܗܘ ܐܒܪܗܡ

28ܘܗܠܝܢ ܒܢ̈ܘܗܝ ܕܐܒܪܗܡ ܐܝܣܚܩ ܘܐܝܫܡܥܐܝܠ

29ܘܗܠܝܢ ܬܘܠܕܬ̈ܗܘܢ ܒܘܟܪܗ ܕܐܝܫܡܥܝܠ ܢܒܝܘܬ ܘܩܪܕ ܘܐܪܒܠ ܘܡܒܣܡ

30ܘܡܫܡܥ ܘܪܘܡܐ ܘܡܣܐ ܘܗܕܕ ܘܬܝܡܐ

31ܘܢܛܝܪ ܘܢܦܫ ܘܐܩܕܡܐ ܗܠܝܢ ܐܢܘܢ ܒܢ̈ܘܗܝ ܕܐܝܫܡܥܝܠ

32ܘܒܢ̈ܝܗ̇ ܕܩܢܛܘܪܐ ܕܪܘܟܬܗ ܕܐܒܪܗܡ ܙܡܪܢ ܘܝܩܫܢ ܘܡܕܢ ܘܡܕܝܢ ܘܐܫܒܩ ܘܫܘܚ ܘܒܢ̈ܘܗܝ ܕܝܩܫܢ ܫܒܐ ܘܕܪܢ

33ܘܒ̈ܢܝ ܡܕܝܢ ܥܦܐ ܘܐܥܦܪ ܘܚܢܘܟ ܘܐܒܝܕܥ ܘܐܠܪܥܐ ܗܠܝܢ ܟܠܗܘܢ ܒܢ̈ܝܗ̇ ܕܩܢܛܘܪܐ

34ܘܐܘܠܕ ܐܒܪܗܡ ܠܐܝܣܚܩ ܒܢ̈ܘܗܝ ܕܐܝܣܚܩ ܥܣܘ ܘܐܝܣܪܝܠ

35ܒܢ̈ܘܗܝ ܕܥܣܘ ܐܠܝܦܙ ܘܪܥܘܐܝܠ ܘܝܥܘܫ ܘܝܥܠܝܡ ܘܩܘܪܚ

36ܘܒܢ̈ܘܗܝ ܕܐܠܝܦܙ ܬܝܡܢ ܘܐܘܡܪ ܘܝܨܦܘ ܘܓܥܬܡ ܘܩܢܙ ܘܬܡܢܥ ܘܥܡܠܝܩ

37ܒܢ̈ܘܗܝ ܕܪܥܘܐܝܠ ܢܚܬ ܘܙܪܚ ܘܫܡܐ ܘܡܙܐ

38ܘܒܢ̈ܘܗܝ ܕܣܥܝܪ ܠܘܛܢ ܘܫܘܒܠ ܘܨܒܥܘܢ ܘܥܢܐ ܘܕܝܫܘܢ ܘܐܨܪ ܘܕܝܫܢ

39ܘܒܢ̈ܘܗܝ ܕܠܘܛܢ ܚܘܪܝ ܘܗܘܡܡ ܘܚܬܗ ܕܠܘܛܢ ܬܡܢܥ

40ܘܒܢ̈ܘܗܝ ܕܫܘܒܠ ܥܠܝܐܢ ܘܡܢܚܬ ܘܥܘܒܠ ܘܫܦܪ ܘܐܘܝܡ ܘܒܢ̈ܘܗܝ ܕܨܒܥܘܢ ܐܢܐ ܘܥܢܐ

41ܘܒܢ̈ܘܗܝ ܕܥܢܐ ܕܝܫܘܢ ܘܒܢ̈ܘܗܝ ܕܕܝܫܘܢ ܚܡܪܢ ܘܐܫܒܢ ܘܝܬܪܢ ܘܟܪܢ

42ܒܢ̈ܘܗܝ ܕܐܨܪ ܟܠܗܢ ܘܙܥܘܢ ܘܥܩܢ ܘܒܢ̈ܘܗܝ ܕܕܝܫܘܢ ܥܘܨ ܘܐܪܡ

43ܘܗܠܝܢ ܡ̈ܠܟܐ ܕܐܡܠܟܘ ܒܐܪܥܐ ܕܐܕܘܡ ܩܕܡ ܕܢܡܠܟ ܡܠܟܐ ܠܒ̈ܢܝ ܐܝܣܪܝܠ ܐܡܠܟ ܒܐܕܘܡ ܒܠܥ ܒܪ ܒܥܘܪ ܘܫܡܐ ܕܩܪܝܬܗ ܕܝܗܒ

44ܘܡܝܬ ܒܠܥ ܘܐܡܠܟ ܒܬܪܗ ܝܘܒܒ ܒܪ ܙܪܚ ܡܢ ܒܘܨܪ

45ܘܡܝܬ ܝܘܒܒ ܘܐܡܠܟ ܒܬܪܗ ܚܘܫܡ ܡܢ ܐܪܥܐ ܕܬܝܡܢܐ

46ܘܡܝܬ ܚܘܫܡ ܘܐܡܠܟ ܒܬܪܗ ܗܕܕ ܒܪ ܒܕܕ ܕܚܪܒ ܠܡܕܝܢ̈ܝܐ ܒܚܩ̈ܠܬܐ ܕܡܘܐܒ̈ܝܐ ܘܫܡܐ ܕܩܪܝܬܗ ܓܘܝܬ

47ܘܡܝܬ ܗܕܕ ܘܐܡܠܟ ܒܬܪܗ ܣܡܠܐ ܡܢ ܡܣܪܩܐ

48ܘܡܝܬ ܣܡܠܐ ܘܐܡܠܟ ܒܬܪܗ ܫܐܘܠ ܡܢ ܪܚܒܘܬ ܢܗܪܐ

49ܘܡܝܬ ܫܐܘܠ ܘܐܡܠܟ ܒܬܪܗ ܒܥܠܚܢܢ ܒܪ ܥܒܟܘܪ

50ܘܐܡܠܟ ܒܬܪܗ ܗܕܕ ܘܫܡܐ ܕܩܪܝܬܗ ܦܥܘ ܘܫܡܐ ܕܐܢܬܬܗ ܡܗܛܒܐܝܠ ܒܪܬ ܡܛܪܝܕ ܒܪ ܡܝܙܗܒ

51ܘܡܝܬ ܗܕܕ ܘܗܘܘ ܪ̈ܘܪܒܢܐ ܕܐܕܘܡ ܪܒܐ ܬܡܢܥ ܪܒܐ ܥܢܐ ܪܒܐ ܐܝܬܝܬ

52ܪܒܐ ܐܗܠܝܒܡܐ ܪܒܐ ܐܝܠܐ ܪܒܐ ܦܝܢܘܢ

53ܪܒܐ ܩܢܙ ܪܒܐ ܬܝܡܢ ܪܒܐ ܡܒܨܪ

54ܪܒܐ ܡܓܕܝܠ ܪܒܐ ܓܝܪܡ ܗܠܝܢ ܪ̈ܘܪܒܢܐ ܕܐܕܘܡ

1ܘܗܠܝܢ ܒ̈ܢܝ ܐܝܣܪܝܠ ܪܘܒܝܠ ܫܡܥܘܢ ܠܘܝ ܝܗܘܕܐ ܐܝܣܟܪ ܙܒܘܠܘܢ

2ܕܢ ܝܘܣܦ ܒܢܝܡܝܢ ܢܦܬܠܝ ܓܕ ܐܫܝܪ

3ܒ̈ܢܘܗܝ ܕܝܗܘܕܐ ܥܝܪ ܘܐܘܢܢ ܘܫܠܐ ܗܠܝܢ ܬܠܬܐ ܐܬܝܠܕܘ ܠܗ ܡܢ ܒܬܫܘܥ ܟܢܥܢܝܬܐ ܘܗܘܐ ܥܝܪ ܒܘܟܪܗ ܕܝܗܘܕܐ ܒܝܫ ܩܕܡ ܡܪܝܐ ܘܩܛܠܗ

4ܘܬܡܪ ܟܠܬܗ ܝܠܕܬ ܠܗ ܠܦܪܨ ܘܠܙܪܚ ܟܠܗܘܢ ܒ̈ܢܝ ܝܗܘܕܐ ܚܡܫܐ

5ܒܢ̈ܘܗܝ ܕܦܪܨ ܚܨܪܘܢ ܘܚܡܘܠ

6ܘܒܢ̈ܘܗܝ ܕܙܪܚ ܙܡܪܝ ܘܐܬܢ ܘܗܡܢ ܘܟܠܟܠ ܘܕܪܕܥ ܟܘܠܗܘܢ ܚܡܫܐ

7ܘܒܢܘ̈ܗܝ ܕܟܪܡܝ ܥܟܪ ܥܘܟܪܗ ܕܐܝܣܪܝܠ ܕܐܥܠܝ ܒܚܪܡܐ

8ܘܒܢ̈ܘܗܝ ܕܐܬܢ ܥܙܪܝܐ

9ܘܒܢ̈ܘܗܝ ܕܚܨܪܘܢ ܕܐܬܝܠܕܘ ܠܗ ܪܚܡܐܝܠ ܘܪܡ ܘܣܠܟܝ

10ܘܪܡ ܐܘܠܕ ܠܥܡܝܢܕܒ ܘܥܡܝܢܕܒ ܐܘܠܕ ܠܢܚܫܘܢ ܪܒܐ ܕܒ̈ܢܝ ܝܗܘܕܐ

11ܘܢܚܫܘܢ ܐܘܠܕ ܠܣܠܡܐ ܘܣܠܡܐ ܐܘܠܕ ܠܒܥܙ

12ܘܒܥܙ ܐܘܠܕ ܠܥܘܒܪ ܘܥܘܒܪ ܐܘܠܕ ܠܐܝܫܝ

13ܘܐܝܫܝ ܐܘܠܕ ܠܒܘܟܪܗ ܠܐܠܝܒ ܘܠܐܒܝܢܕܒ ܬܢܝܢܐ ܘܫܡܐ ܬܠܝܬܝܐ

14ܘܐܬܢܐܝܠ ܪܒܝܥܝܐ ܘܕܕܝ ܚܡܝܫܝܐ

15ܘܐܘܨܡ ܫܬܝܬܝܐ ܘܐܠܝܗܘ ܫܒܝܥܝܐ ܘܕܘܝܕ ܬܡܝܢܝܐ

16ܘܬܪܬܝܢ ܐܚܘ̈ܬܗܘܢ ܨܘܪܝܐ ܘܐܒܝܓܠ ܘܒܢ̈ܝܗ̇ ܕܨܘܪܝܐ ܐܒܝܫܝ ܘܝܘܐܒ ܘܥܫܐܝܠ ܬܠܬܐ

17ܘܐܒܝܓܠ ܝܠܕܬ ܠܥܡܣܐ ܘܐܒܘܗܝ ܕܥܡܣܐ ܝܬܪ

18ܘܟܠܒ ܒܪ ܚܨܪܘܢ ܐܘܠܕ ܡܢ ܥܪܘܒܐ ܐܢܬܬܗ ܠܝܕܝܥܘܬ ܘܗܠܝܢ ܒܢ̈ܝܗ̇ ܕܟܪ ܐܫܪ ܘܫܘܒܒ ܘܐܕܘܢ

19ܘܡܝܬܬ ܥܪܘܒܐ ܘܢܣܒ ܠܗ ܟܠܒ ܠܐܦܪܬ ܘܝܠܕܬ ܠܗ ܠܚܘܪ

20ܘܚܘܪ ܐܘܠܕ ܠܐܘܪܝ ܘܐܘܪܝ ܐܘܠܕ ܠܒܨܠܝܐܝܠ

21ܘܒܬܪ ܗܠܝܢ ܥܠ ܚܨܪܘܢ ܥܠ ܒܪܬ ܡܟܝܪ ܐܒܘܗܝ ܕܓܠܥܕ ܘܢܣܒܗ̇ ܘܗܘ ܐܝܬܘܗܝ ܗܘܐ ܒܪ ܫ̈ܢܝܢ ܫܬܝܢ ܘܝܠܕܬ ܠܗ ܠܣܓܘܒ

22ܘܣܓܘܒ ܐܘܠܕ ܠܝܐܝܕ ܘܗ̈ܘܝ ܠܗ ܥܣܪ̈ܝܢ ܘܬܠܬ ܩܘܪ̈ܝܐ ܒܐܪܥܐ ܕܓܠܥܕ

24ܘܡܢ ܒܬܪ ܗܠܝܢ ܡܝܬ ܚܨܪܘܢ ܒܐܪܥܐ ܕܟܠܒ ܒܐܦܪܬ ܘܝܠܕܬ ܗܘܬ ܠܗ ܒ̈ܢܝܐ ܐܫܬܘܝܪ ܐܒܘܗܝ ܕܬܩܘܥ

25ܘܗܘܘ ܒܢܘ̈ܗܝ ܕܝܪܚܡܠ ܒܘܟܪܗ ܕܚܨܪܘܢ ܐܪܡ ܘܒܥܢܐ ܘܐܪܢ ܘܐܨܡ ܚܬܗܘܢ

26ܘܗܘܬ ܐܢܬܬܐ ܐܚܪܬܐ ܠܝܪܚܡܠ ܘܫܡܗ̇ ܥܛܪܐ ܗܝ ܗܘܬ ܐܡܗ ܕܐܘܢܝܡ

27ܘܗܘܘ ܒܢ̈ܘܗܝ ܕܐܪܡ ܒܘܟܪܗ ܕܝܪܚܡܠ ܡܥܨ ܘܢܒܝܢ ܘܥܛܪ

28ܘܗܘܘ ܒܢ̈ܘܗܝ ܕܐܘܢܝܡ ܣܒܝ ܘܝܘܕܥ ܘܒ̈ܢܝ ܣܒܝ ܢܕܒ ܘܐܒܝܫܘܪ

29ܘܫܡܐ ܕܐܢܬܬܗ ܕܐܒܝܫܘܪ ܐܒܝܚܠ ܘܝܠܕܬ ܠܗ ܠܐܚܒܢ ܘܠܡܘܠܝܕ

30ܘܒܢ̈ܘܗܝ ܕܢܕܒ ܣܠܕ ܘܦܠܪܝܡ ܘܡܝܬ ܣܠܕ ܕܠܐ ܒ̈ܢܝܢ

31ܘܒ̈ܢܘܗܝ ܕܦܠܪܝܡ ܐܝܫܥܝܐ ܘܒ̈ܢܘܗܝ ܕܐܝܫܥܝܐ ܫܘܫܢ ܘܒܢ̈ܘܗܝ ܕܫܘܫܢ ܐܚܠܝ

32ܘܒܢ̈ܘܗܝ ܕܝܘܕܥ ܐܚܘܗܝ ܕܣܒܝ ܝܬܪ ܘܝܘܢܬܢ ܘܡܝܬ ܝܬܪ ܕܠܐ ܒ̈ܢܝܢ

33ܘܒ̈ܢܘܗܝ ܕܝܘܢܬܢ ܠܦܬ ܘܐܘܙܐ ܗܠܝܢ ܗܘܘ ܒ̈ܢܘܗܝ ܕܝܪܚܡܠ

34ܘܠܐ ܗܘܘ ܠܫܘܫܢ ܒ̈ܢܝܐ ܕܟܪ̈ܐ ܐܠܐ ܐܢ ܒܢ̈ܬܐ ܢܩ̈ܒܬܐ ܘܠܫܘܫܢ ܗܘܐ ܠܗ ܓܒܪܐ ܚܕ ܚܬܢܐ ܡܢ ܡܨܪܐ ܘܫܡܗ ܝܪܕܚܐ

35ܘܝܗܒ ܠܗ ܫܘܫܢ ܒܪܬܗ ܠܐܢܬܬܐ ܘܝܠܕܬ ܠܗ ܠܥܬܝ

36ܘܥܬܝ ܐܘܠܕ ܠܢܬܢ ܘܢܬܢ ܐܘܠܕ ܠܕܒܝܪ

37ܘܕܒܝܪ ܐܘܠܕ ܠܐܦܝܠ ܘܐܦܝܠ ܐܘܠܕ ܠܝܘܒܒ

38ܘܝܘܒܒ ܐܘܠܕ ܠܝܗܘ ܘܝܗܘ ܐܘܠܕ ܠܥܙܪܝܐ

39ܘܥܙܪܝܐ ܐܘܠܕ ܠܚܠܨ ܘܚܠܨ ܐܘܠܕ ܠܐܠܥܣܐ

40ܘܐܠܥܣܐ ܐܘܠܕ ܠܣܡܣܝ ܘܣܡܣܝ ܐܘܠܕ ܠܫܠܘܡ

41ܘܫܠܘܡ ܐܘܠܕ ܠܐܠܩܡܝܐ ܘܐܠܩܡܝܐ ܐܘܠܕ ܠܐܠܝܫܡܥ

42ܘܒܢ̈ܘܗܝ ܕܟܠܒ ܐܚܘܗܝ ܕܝܪܚܡܠ ܐܠܚܡܫܝ ܒܘܟܪܗ ܗܘ ܐܒܘܗܝ ܕܙܝܦ ܘܒܢ̈ܘܗܝ ܕܡܐܪܫܐ ܐܒܘܗܝ ܕܚܒܪܘܢ

43ܩܘܪܚ ܘܬܦܘܚ ܘܪܩܡ ܘܫܡܥ

44ܘܫܡܥ ܐܘܠܕ ܠܪܚܡ ܐܒܘܗܝ ܕܝܪܩܥܡ ܘܝܪܩܥܡ ܐܘܠܕ ܠܣܡܝ

46ܘܥܘܦܢܐ ܕܪܘܟܬܗ ܕܟܠܒ ܝܠܕܬ ܠܚܘܪܢ ܘܚܘܪܢ ܐܘܠܕ ܠܓܘܙ

50ܗܠܝܢ ܗܘܘ ܒܢ̈ܘܗܝ ܕܟܠܒ ܒܪ ܚܘܪ ܒܘܟܪܗ ܕܐܦܪܬ ܫܒܠ ܐܬܝܠܕ ܒܩܘܪܝܬ ܢܥܪܝܢ

51ܣܡܠܐ ܐܬܝܠܕ ܒܝܬ ܠܚܡ ܐܒܝ ܐܬܝܠܕ ܒܓܕܪ

52ܘܗܘܘ ܒܢ̈ܝܐ ܠܫܒܠ ܒܩܘܪܝܬ ܢܥܪܝܢ

54ܥܛܪܘܬ ܝܘܒܠ ܚܨܪ ܣܦܪܝܡ ܢܘܛܦܬ ܣܡܠܐ ܫܡܘܥܬܝܡ ܫܟܒ ܚܡܐ ܗܠܝܢ ܟܠܗܘܢ ܒ̈ܢܝܐ ܗܘܘ ܠܫܒܠ ܒܩܘܪܝܬ ܢܥܪܝܢ

1ܘܗܠܝܢ ܒ̈ܢܝܐ ܗܘܘ ܠܕܘܝܕ ܒܚܒܪܘܢ ܫܡܐ ܕܒܪܗ ܒܘܟܪܗ ܚܡܢܘܢ ܡܢ ܐܚܝܢܥܡ ܕܡܢ ܐܝܙܪܥܝܠ ܬܢܝܢܐ ܟܠܒ ܡܢ ܐܒܝܓܠ ܐܢܬܬܗ ܕܢܒܠ ܕܡܢ ܛܘܪ ܟܪܡܠܐ

2ܬܠܝܬܝܐ ܐܒܝܫܠܘܡ ܒܪ ܡܥܟܐ ܒܪܬ ܬܘܠܡܝ ܡܠܟܐ ܕܓܫܘܪ ܪܒܝܥܝܐ ܐܕܘܢܝܐ ܒܪ ܚܓܝܬ

3ܚܡܝܫܝܐ ܫܦܛܝܐ ܒܪ ܐܦܝܛܠ ܫܬܝܬܝܐ ܝܬܪܥܡ ܕܡܢ ܥܓܠܐ ܐܢܬܬܗ ܕܕܘܝܕ

4ܗܠܝܢ ܒ̈ܢܝܐ ܫܬܐ ܐܬܝܠܕܘ ܠܕܘܝܕ ܒܚܒܪܘܢ ܘܐܡܠܟ ܬܡܢ ܫܒܥ ܫ̈ܢܝܢ ܘܫܬܐ ܝܪ̈ܚܝܢ ܘܬܠܬܝܢ ܘܬܠܬ ܫ̈ܢܝܢ ܐܡܠܟ ܒܐܘܪܫܠܡ

5ܘܗܠܝܢ ܫܡ̈ܗܐ ܕܒܢ̈ܝܐ ܕܐܬܝܠܕܘ ܠܗ ܒܐܘܪܫܠܡ ܫܡܘܥ ܘܫܟܘܒ ܘܢܬܢ ܘܫܠܝܡܘܢ

6ܘܝܒܚܪ ܘܐܠܝܫܡܥ

7ܘܢܘܓܗ ܘܢܦܓ ܘܢܦܝܥ

8ܘܐܠܝܕܥ ܘܐܠܝܦܛ

9ܗܠܝܢ ܟܠܗܘܢ ܒ̈ܢܝ ܕܘܝܕ ܘܬܡܪ ܚܬܗܘܢ

10ܘܒܢ̈ܘܗܝ ܕܫܠܝܡܘܢ ܪܚܒܥܡ ܒܪܗ ܐܒܝܐ ܒܪܗ ܐܣܐ ܒܪܗ ܝܘܫܦܛ ܒܪܗ

11ܝܘܗܪܡ ܒܪܗ ܐܚܙܝܐ ܒܪܗ ܝܘܐܫ ܒܪܗ

12ܐܡܘܨܝܐ ܒܪܗ ܥܘܙܝܐ ܒܪܗ ܝܘܬܡ ܒܪܗ

13ܐܚܙ ܒܪܗ ܚܙܩܝܐ ܒܪܗ ܡܢܫܐ ܒܪܗ

14ܐܡܘܢ ܒܪܗ ܝܘܫܝܐ ܒܪܗ

15ܘܒܢ̈ܘܗܝ ܕܝܘܫܝܐ ܒܘܟܪܗ ܝܘܚܢܢ ܬܢܝܢܐ ܝܘܝܩܝܡ ܬܠܝܬܝܐ ܨܕܩܝܐ ܪܒܝܥܝܐ ܫܠܘܡ

16ܘܒܢܘ̈ܗܝ ܕܝܘܝܩܝܡ ܝܘܟܢܝܐ ܒܪܗ ܨܕܩܝܐ ܒܪܗ

17ܘܒܪܗ ܕܝܘܟܢܝܐ ܐܣܕܫܐܝܠ ܒܪܗ

18ܘܡܠܟܘܡ ܒܪܗ ܘܦܪܝܐ ܒܪܗ ܘܫܥܨܪ ܒܪܗ ܘܢܩܡܝܐ ܒܪܗ ܘܫܡܘܥ ܒܪܗ ܘܢܕܒܝܐ ܒܪܗ

19ܘܒܢ̈ܘܗܝ ܕܢܕܒܝܐ ܙܘܪܒܒܠ ܘܫܡܥܝ ܘܒ̈ܢܝ ܙܘܪܒܒܠ ܡܫܠܡ ܘܚܢܢܝܐ ܘܣܠܩܬ ܚܬܗܘܢ

20ܘܚܫܒܐ ܘܝܗܘܐܝܠ ܘܒܪܝܥܐ ܘܚܣܕܝܐ

21ܒ̈ܢܝ ܚܢܢܝܐ ܦܠܛܝܐ ܘܐܘܫܥܝܐ ܐܪܦܝܐ ܒܪܗ ܐܪܢܘܢ ܒܪܗ ܥܘܒܕܝܐ ܒܪܗ ܕܐܘܫܥܝܐ

22ܘܒܪܗ ܕܫܟܢܝܐ ܫܡܥܝܐ ܘܒܪܗ ܕܫܡܥܝܐ ܚܛܘܫ ܘܢܓܐܝܠ

23ܘܥܙܪܝܐ ܘܚܙܩܝܐ

24ܘܗܘܕܝܐ ܘܠܫܝܒ ܘܦܠܝܐ ܘܝܥܩܘܒ ܘܝܘܚܢܢ ܘܕܠܝܐ ܘܥܝܢ

1ܘܗܠܝܢ ܒܢܘ̈ܗܝ ܕܝܗܘܕܐ ܦܪܨ ܘܚܨܪܘܢ ܘܟܪܡܝ ܘܝܥܘܪ ܘܫܘܒܠ

2ܘܠܐܝܐ ܒܪ ܫܘܒܠ ܐܘܠܕ ܠܢܚܬ ܘܢܚܬ ܐܘܠܕ ܠܐܚܝܡܝ ܘܝܠܕ ܗܠܝܢ ܫܪ̈ܒܬܐ ܕܪܚܒܥܡ

3ܘܗܠܝܢ ܒܢ̈ܘܗܝ ܕܐܒܝܢܕܒ ܐܗܙܪܥܝܠ ܘܢܫܡܐ ܘܕܝܒܫ

4ܘܦܓܘܐܝܠ ܘܚܘܫܝܐ ܘܗܠܝܢ ܒܢ̈ܘܗܝ ܕܚܘܪ ܒܘܟܪܗ ܕܐܦܪܬ ܕܗܘܐ ܐܒܘܗܝ ܡܢ ܒܝܬ ܠܚܡ

5ܘܠܐܫܝܚܘܪ ܐܒܘܗܝ ܕܬܩܘܥ ܗ̈ܘܝ ܠܗ ܬܪܬܝܢ ܢܫ̈ܝܢ

6ܘܝܠܕܬ ܚܕܐ ܡܢܗܝܢ ܠܐܚܝܪܡ ܘܠܬܦܪ ܘܠܬܝܡܢ ܘܠܚܪܫܬܪ ܗܠܝܢ ܗܘܘ ܒ̈ܢܝܗ̇ ܕܚܕܐ ܡܢܗܝܢ

9ܘܗܘܐ ܚܕ ܡܢܗܘܢ ܪܚܝܡ ܥܠ ܐܡܗ ܘܥܠ ܐܒܘܗܝ ܘܩܪܐ ܫܡܗ ܥ̈ܝܢܝ

10ܘܐܡܪ ܠܗ ܡܒܪܟܘ ܢܒܪܟܟ ܡܪܝܐ ܘܢܣܓܐ ܬܚܘܡܟ ܘܬܗܘܐ ܐܝܕܗ ܥܡܟ ܘܢܦܪܩܟ ܡܢ ܒܝ̣ܫܐ ܕܠܐ ܢܫܬܠܛ ܒܟ ܘܢܬܠ ܠܟ ܡܐ ܕܫ̇ܐܠ ܐܢܬ ܠܗ

11ܘܟܠܒ ܐܚܘܗܝ ܕܐܚܝܐ ܐܘܠܕ ܠܡܚܝܪ ܗܘ ܗܘܐ ܐܒܘܗܝ ܕܐܫܬܘܢ

12ܘܐܫܬܘܢ ܐܘܠܕ ܠܪܘܦܐ ܘܪܘܦܐ ܐܘܠܕ ܠܦܣܝܚ ܘܦܣܝܚ ܐܘܠܕ ܠܬܚܝܐ ܘܬܚܝܐ ܐܘܠܕ ܠܝܥܙܝܪ ܗܠܝܢ ܗܘܘ ܒܢ̈ܘܗܝ ܕܦܠܘ

15ܘܒܢ̈ܘܗܝ ܕܟܠܒ ܒܪ ܝܘܦܢܐ ܫܡܐ ܕܒܪܗ ܒܘܟܪܗ ܐܠܐ ܘܫܡܐ ܕܬܢܝܢܐ ܢܥܡ ܘܫܡܐ ܕܬܠܝܬܝܐ ܩܢܙ ܘܫܡܗ ܕܪܒܝܥܝܐ ܐܫܝܦ ܘܫܡܗ ܕܚܡܝܫܝܐ ܝܘܐܝܠ ܘܫܡܗ ܕܫܬܝܬܝܐ ܝܗܪܘܒ ܗܠܝܢ ܒ̈ܢܝܐ ܗܘܘ ܠܟܠܒ ܒܪ ܝܘܦܢܐ

19ܘܒ̈ܢܝ ܐܢܬܬ ܗܘܪܝܐ ܚܬܗ ܕܢܚܘܡ ܐܒܘܗܝ ܕܩܥܝܠܐ ܙܡܪܝ ܘܐܫܬܡܘܥ ܘܡܟܝܬ ܘܐܫܬܡܥ ܘܐܫܝܡܘܢ

20ܘܒܢܘ̈ܗܝ ܕܐܫܝܡܘܢ ܐܡܘܢ ܘܕܘܡܝܐ ܘܙܪܚ ܘܫܠܐ ܗܠܝܢ ܒܢܘ̈ܗܝ ܕܝܗܘܕܝܐ ܐܚܘܗܝ ܕܢܚܘܡ ܐܒܘܗܝ ܕܩܥܝܠܐ

21ܘܒܢ̈ܝ ܫܠܐ ܒܪܗ ܕܝܗܘܕܐ

24ܝܡܘܐܝܠ ܘܝܡܝܢ ܘܐܗܪ ܘܝܟܝܢ ܘܨܚܪ ܘܝܪܒ ܘܙܪܚ ܘܫܐܘܠ ܗܠܝܢ ܒܢ̈ܝܐ ܕܫܠܐ ܒܪܗ ܕܝܗܘܕܐ

25ܘܒܢ̈ܘܗܝ ܕܫܡܥܘܢ ܡܒܣܡ ܒܪܗ ܡܫܡܥ ܒܪܗ

26ܫܡܥܬܝ ܒܪܗ ܚܡܠ ܒܪܗ ܙܟܝ ܒܪܗ ܫܡܥܝ ܒܪܗ

27ܘܗܘܘ ܠܫܡܥܝ ܒܢ̈ܝܐ ܫܬܬܥܣܪ ܘܫܬ ܒܢ̈ܬܐ ܘܠܐܚܘܗܝ ܠܐ ܗܘܘ ܠܗ ܒܢ̈ܝܐ ܣ̈ܓܝܐܐ ܘܟܠ ܫܪ̈ܒܬܗܘܢ ܠܐ ܣܓܝ ܥܕܡܐ ܕܐܬܘ ܠܘܬܗ ܒ̈ܢܝ ܝܗܘܕܐ

28ܘܝܬܒܘ ܒܒܪ ܫܒܥ ܘܒܡܘܠܕܐ ܘܒܕܪܬ ܫܘܥ

29ܘܒܠܗܐ ܘܒܥܨܡ ܘܒܐܠܬܠܕ

30ܘܒܢܣܠ ܘܒܚܪܡܐ

31ܘܒܚܨܪܓܕܐ ܘܒܚܫܡܘܢ ܘܒܚܬܦܠܛ ܘܒܨܢܓܓ ܘܒܡܪܡܢܐ ܘܣܡܣܠܐ ܗܠܝܢ ܩܘܪ̈ܝܐ ܥܕܡܐ ܠܡܠܟܐ ܕܘܝܕ

32ܘܟܦܪ̈ܘܢܝܗܝܢ ܥܩܝܡ ܘܥܩܝܢ ܘܪܡܘܢ ܘܐܬܟܢ ܘܐܥܫܢ ܩܘܪ̈ܝܐ ܚܡܫ

33ܘܟܠ ܟܦܪ̈ܘܢܐ ܕܐܝܬ ܚܕܪ̈ܝ ܩܘܪ̈ܝܐ ܗܠܝܢ ܕܥܪ̈ܩܝܐ ܗܠܝܢ ܩܘܪ̈ܝܐ ܕܡܘܬܒܗܘܢ ܘܗܘܐ ܠܗܝܢ ܫܡ ܪܒ ܘܡܘܬܒܗܝܢ ܫܦܝܪ ܘܫܠܝܐ ܘܫܝܢܐ ܐܝܬ ܚܕܪ̈ܝܗܝܢ

38ܘܗܠܝܢ ܫܡ̈ܗܐ ܕܪ̈ܘܪܒܢܐ ܕܐܝܬ ܬܡܢ ܠܫܪ̈ܒܬܗܘܢ ܘܒܒܝܬ ܐܒܗܝ̈ܗܘܢ

39ܘܐܬܘ ܠܡܥܠܢܐ ܕܓܕܪ ܥܕܡܐ ܠܡܕܢܚܝܗ ܕܢܚܠܐ ܠܡܒܥܐ ܪܥܝܐ ܠܥܢܗܘܢ

40ܘܐܫܟܚܘ ܪܥܝܐ ܕܛܒ ܘܫܡܝܢ ܘܐܪܥܐ ܪܒܐ ܘܛܒܐ ܘܫܝܢܐ ܘܫܠܡܐ ܐܝܬ ܬܡܢ ܡܛܠ ܕܗܢܘܢ ܝ̇ܬܒܝܢ ܗܘܘ ܒܗ̇ ܡܢ ܠܘܩܕܡ

41ܘܐܝܬܝܘ ܗܠܝܢ ܓܒܪ̈ܐ ܕܟܬܝܒܝܢ ܗܘܘ ܒܫ̈ܢܝܐ ܕܚܙܩܝܐ ܡܠܟܐ ܕܒܝܬ ܝܗܘܕܐ ܘܚܪܒ ܝܬ ܡܫ̈ܟܢܝܗܘܢ ܘܟܠ ܡܒ̈ܘܥܐ ܕܡ̈ܝܐ ܕܐܝܬ ܬܡܢ ܛܡܡܘ ܐܢܘܢ ܥܕܡܐ ܠܝܘܡܢܐ ܘܝܬܒܘ ܒܕܘܟܬܗܘܢ ܡܛܠ ܕܪܥܝܐ ܕܥܢܗܘܢ ܫܦܝܪ ܗܘܐ ܛܒ

42ܘܡܢܗܘܢ ܡܢ ܒܢ̈ܝ ܫܡܥܘܢ ܐܙܠܘ ܠܛܘܪܐ ܕܓܒܠ ܓܒܪ̈ܐ ܚܡܫܡܐܐ ܘܗܠܝܢ ܫܡܗ̈ܐ ܕܓܒܪ̈ܐ ܕܐܙܠܘ ܒܪܫܗܘܢ ܦܠܛܝܐ ܘܡܬܝܬܐ ܘܪܦܝܐ ܘܥܘܙܐܝܠ ܗܠܝܢ ܐܪ̈ܒܥܐ ܓܒܪ̈ܝܢ ܒ̈ܢܝ ܐܢܫܥܝ ܐܙܠܘ ܒܪܝܫܗܘܢ

43ܘܚܪܒܘ ܟܘܠ ܫܪܟܐ ܕܐܫܬܚܪܘ ܠܥܡ̈ܠܩܝܐ ܘܝܬܒܘ ܒܕܘܟܬܗܘܢ ܥܕܡܐ ܠܝܘܡܢܐ

1ܘܒܢ̈ܘܗܝ ܕܪܘܒܝܠ ܒܘܟܪܗ ܕܐܝܣܪܝܠ ܡܛܠ ܕܗܘ ܗܘܐ ܒܘܟܪܗ ܕܐܒܘܗܝ ܘܨܥܪ ܬܫܘܝܬܗ ܕܐܒܘܗܝ ܐܬܝܗܒܬ ܒܘܟܪܘܬܗ ܠܝܘܣܦ ܐܚܘܗܝ ܒܪ ܐܝܣܪܝܠ ܘܥܠ ܗܠܝܢ ܬܪ̈ܝܗܘܢ ܐܬ̈ܝܢ ܒܘܪ̈ܟܬܐ ܡܢ ܟܠܗܘܢ ܫܒ̈ܛܐ ܕܐܝܣܪܝܠ

2ܡܢ ܝܗܘܕܐ ܢܦܘܩ ܡܠܟܐ ܡܫܝܚܐ ܘܒܘܟܪܘܬܐ ܬܬܝܗܒ ܠܝܘܣܦ

3ܒܢܘ̈ܗܝ ܕܪܘܒܝܠ ܒܘܟܪܗ ܕܐܝܣܪܝܠ ܚܢܘܟ ܘܦܠܘ ܘܚܨܪܘܢ ܘܟܪܡܝ

4ܘܒܢ̈ܘܗܝ ܕܟܪܡܝ ܫܡܥܝܐ ܒܪܗ ܕܘܐܓ ܒܪܗ ܫܡܥܝ ܒܪܗ

5ܡܝܟܐ ܒܪܗ ܐܘܪܝܐ ܒܪܗ ܒܠܥ ܒܪܗ

6ܐܒܕܝܐ ܒܪܗ ܕܓܠܝ ܬܓܠܬܦܠܣܪ ܡܠܟܐ ܕܐܬܘܪ ܗܘ ܗܘܐ ܪܝܫܐ ܕܫܒܛܐ ܕܒܝܬ ܪܘܒܝܠ

7ܘܐܚܘ̈ܗܝ ܠܫܪ̈ܒܬܗܘܢ ܘܟܕ ܐܫܬܪܒܘ ܒܛܘܗ̈ܡܝܗܘܢ ܪܫܗܘܢ ܥܙܪܐܝܠ ܬܢܝܢܐ ܙܟܪܝܐ

8ܘܒܠܥ ܒܪ ܥܘܙܝ ܒܪ ܫܡܥܝ ܒܪ ܝܘܐܝܠ ܗ̣ܘ ܝ̇ܬܒ ܗܘܐ ܒܥܕܘܥܝܪ ܘܥܕܡܐ ܠܢܒܘ ܘܥܠ ܦܩܥܬܐ ܕܡܥܘܢ

9ܘܠܡܕܢܚܝܗ̇ ܥܕܡܐ ܠܬܚܘܡܐ ܕܡܕܒܪܐ ܕܡܢ ܢܗܪܐ ܦܪܬ ܡܛܠ ܕܣܓܝܘ ܗܢܘܢ ܘܩܢܝܢܗܘܢ ܒܐܪܥܐ ܕܓܠܥܕ

10ܘܒܝܘܡ̈ܘܗܝ ܕܫܐܘܠ ܥܒܕܘ ܩܪܒܐ ܥܡ ܥܪ̈ܒܝܐ ܥܡܪ̈ܝ ܣܩܐ ܘܐܬܝܗܒܘ ܒܐܝ̈ܕܝܗܘܢ ܘܝܬܒܘ ܒܡܫ̈ܟܢܝܗܘܢ ܥܠ ܟܠ ܐ̈ܦܝ ܡܕܢܚܐ ܕܐܪܥܐ ܕܓܠܥܕ

11ܘܒܢ̈ܘܗܝ ܕܓܕ ܝܬܒܘ ܠܘܩܒܠܗܘܢ ܒܐܪܥܐ ܕܡܬܢܝܢ ܥܕܡܐ ܠܬܚܘܡܐ ܕܣܠܒܐ

12ܘܝܘܐܝܠ ܢܦܩ ܒܪܫܗܘܢ ܘܗܘܐ ܕܐ̇ܢ ܠܗܘܢ ܘܡܠܦ ܠܗܘܢ ܟܬܒ̈ܐ ܫܦܝܪ

14ܗܠܝܢ ܒܢܘ̈ܗܝ ܕܐܒܝܚܠ ܒܪ ܚܘܪ ܒܪ ܙܪܚ ܒܪ ܓܠܥܕ ܒܪ ܡܟܝܪ

15ܒܪ ܥܒܕܐܝܠ ܒܪ ܥܠܝ ܪ̈ܫܐ ܕܐܒܗ̈ܬܗܘܢ

16ܘܝܬܒܘ ܒܡܬܢܝܢ ܘܒܟܦܪ̈ܘܢܝܗ̇

17ܟܠܗܘܢ ܐܫܬܪܒܘ ܒܝܘ̈ܡܝ ܝܘܬܡ ܡܠܟܐ ܕܒܝܬ ܝܗܘܕܐ ܘܒܝܘ̈ܡܘܗܝ ܕܝܘܪܒܥܡ ܡܠܟܐ ܕܐܝܣܪܝܠ

18ܘܒܢ̈ܘܗܝ ܕܪܘܒܝܠ ܘܓܕ ܘܦܠܓܘܬ ܫܒܛܐ ܕܡܢܫܐ ܐܢܫܐ ܐܚ̈ܝܕܝ ܣܝܦܐ ܘܣܟܪܐ ܘܫ̇ܕ̈ܝܝ ܒܩܫܬܐ ܘܝ̇ܕ̈ܥܝ ܩܪܒܐ ܐܪܒܥܝܢ ܘܐܪܒܥܐ ܐ̈ܠܦܝܢ ܘܫܬܡܐܐ ܘܫܬܝܢ ܘܫܬܐ ܗܠܝܢ ܟܠܗܘܢ ܢܦܩܘ ܒܩܪܒܐ

19ܘܥܒܕܘ ܩܪܒܐ ܥܡ ܥܡܪ̈ܝ ܣܩܐ

20ܘܐܫܬܠܡܘ ܒܐܝܕ̈ܝܗܘܢ ܡܛܠ ܕܠܡܪܝܐ ܨܠܝܘ ܒܩܪܒܐ ܘܫܡܥ ܒܩܠܗܘܢ ܡܛܠ ܕܐܬܬܟܠܘ ܥܠܘܗܝ

21ܘܫܒܘ ܢܟ̈ܣܐ ܣܓܝܐ̈ܐ ܘܩܢ̈ܝܢܐ ܘܓ̈ܡܠܐ ܚܡܫܝܢ ܐ̈ܠܦܝܢ ܘܥ̈ܢܐ ܡܐܬܝܢ ܘܚܡܫܝܢ ܐ̈ܠܦܝܢ ܘܚ̇ܡܪ̈ܐ ܬܪܝܢ ܐ̈ܠܦܝܢ ܘܢܦ̈ܫܬܐ ܕܐܢܫܐ ܡܐܐ ܐ̈ܠܦܝܢ

22ܡܛܠ ܕܩ̈ܛܝܠܐ ܣܓܝܐ̈ܐ ܢܦܠܘ ܡܢ ܡܫܟ̈ܢܝܗܘܢ ܒܩܪܒܐ ܘܝܬܒܘ ܒܕܘܟܬܗܘܢ ܥܠ ܡܫ̈ܟܢܝܗܘܢ

23ܘܒ̈ܢܝ ܦܠܓܘܬ ܫܒܛܐ ܕܡܢܫܐ ܝܬܒܘ ܒܐܪܥܐ ܕܡܬܢܝܢ ܥܕܡܐ ܠܦܩܥܬ ܛܘܪܐ ܕܚܪܡܘܢ ܘܥܕܡܐ ܠܣܥܝܪ ܛܘܪܐ ܪܒܐ ܕܚܪܡܘܢ ܥܕܡܐ ܠܗܪܬܡܢ ܣܓܝܘ ܘܝܪܒܘ

24ܘܗܠܝܢ ܪ̈ܫܐ ܕܒܝܬ ܐܒܗܝ̈ܗܘܢ ܥܦܐ ܘܝܘܫܒ ܘܐܠܕܥܐ ܘܥܙܪܐܝܠ ܘܐܕܘܡܝܐ ܘܐܘܪܝܐ ܘܚܙܐܝܠ ܓܒܪ̈ܐ ܓܢܒܪ̈ܝ ܚܝܠܐ ܓܒܪ̈ܐ ܕܫܡܗ̈ܬܐ ܕܗܢܘܢ ܪ̈ܝܫܐ ܕܒܝܬ ܐܒܗܝ̈ܗܘܢ

25ܘܟܕܒܘ ܒܐܠܗܐ ܕܐܒܗ̈ܝܗܘܢ ܘܛܥܘ ܒܬܪ ܐܠܗ̈ܐ ܕܥܡ̈ܡܐ ܕܐܪܥܐ ܕܐܘܒܕ ܡܪܝܐ ܡܢ ܩܕܡܝܗܘܢ

26ܘܐܥܝܪ ܡܪܝܐ ܐܠܗܐ ܕܐܝܣܪܝܠ ܥܠܝܗܘܢ ܪܘܚܗ ܕܬܓܠܬܦܠܣܪ ܡܠܟܐ ܕܐܬܘܪ ܘܓܠܝ ܠܫܒܛܐ ܕܒܝܬ ܪܘܒܝܠ ܘܠܫܒܛܐ ܕܒܝܬ ܓܕ ܘܠܦܠܓܘܬ ܫܒܛܐ ܕܡܢܫܐ ܘܐܝܬܝ ܐܢܘܢ ܠܚܠܚ ܘܠܚܒܪ ܢܗܪ ܓܘܙܢ ܩܘܪ̈ܝܐ ܕܡܕܝ ܘܗܢܘܢ ܝܬ̇ܒܝܢ ܬܡܢ ܥܕܡܐ ܠܝܘܡܢܐ

27ܒܢܘ̈ܗܝ ܕܠܘܝ ܓܪܫܘܢ ܘܩܗܬ ܘܡܪܪܝ

28ܘܒܢܘ̈ܗܝ ܕܩܗܬ ܥܡܪܡ ܘܝܨܗܪ ܘܚܒܪܘܢ ܘܥܘܙܝܠ

29ܘܒ̈ܢܘܗܝ ܕܥܡܪܡ ܡܘܫܐ ܘܐܗܪܘܢ ܘܡܪܝܡ ܘܒܢ̈ܘܗܝ ܕܐܗܪܘܢ ܢܕܒ ܘܐܒܝܗܘ ܘܐܠܝܥܙܪ ܘܐܝܬܡܪ

30ܘܐܠܝܥܙܪ ܐܘܠܕ ܠܦܝܢܚܣ ܘܦܝܢܚܣ ܐܘܠܕ ܠܐܒܝܫܘܥ

31ܘܐܒܝܫܘܥ ܐܘܠܕ ܠܐܒܝܩܪ ܘܐܒܝܩܪ ܐܘܠܕ ܠܥܙܝ

32ܘܥܙܝ ܐܘܠܕ ܠܙܪܚܝܐ ܘܙܪܚܝܐ ܐܘܠܕ ܠܡܪܘ

33ܘܡܪܘ ܐܘܠܕ ܠܐܡܪܝܐ ܘܐܡܪܝܐ ܐܘܠܕ ܠܐܚܝܛܘܒ

34ܘܐܚܝܛܘܒ ܐܘܠܕ ܠܨܕܘܩ ܘܨܕܘܩ ܐܘܠܕ ܠܐܚܝܡܥܨ

35ܘܐܚܝܡܥܨ ܐܘܠܕ ܠܥܙܪܝܐ ܘܥܙܪܝܐ ܐܘܠܕ ܠܝܘܚܢܢ

36ܘܝܘܚܢܢ ܐܘܠܕ ܠܥܙܪܝܐ ܘܥܙܪܝܐ ܗܘ ܫ̇ܡܫ ܒܒܝܬܐ ܕܒܢܐ ܫܠܝܡܘܢ ܒܐܘܪܫܠܡ

37ܘܐܘܠܕ ܥܙܪܝܐ ܠܐܡܪܝܐ ܘܐܡܪܝܐ ܐܘܠܕ ܠܐܚܝܛܘܒ

38ܘܐܚܝܛܘܒ ܐܘܠܕ ܠܨܕܘܩ ܘܨܕܘܩ ܐܘܠܕ ܠܫܠܘܡ

39ܘܫܠܘܡ ܐܘܠܕ ܠܚܠܩܝܐ ܘܚܠܩܝܐ ܐܘܠܕ ܠܥܙܪܝܐ

40ܘܥܙܪܝܐ ܐܘܠܕ ܠܣܪܝܐ ܘܣܪܝܐ ܐܘܠܕ ܠܨܕܘܩ

41ܘܨܕܘܩ ܐܫܬܒܝ ܟܕ ܓܠܝ ܡܪܝܐ ܠܐܢ̈ܫܝ ܝܗܘܕܐ ܘܠܐܘܪܫܠܡ ܠܒܒܠ ܠܘܬ ܢܒܘܟܕܢܨܪ

1ܒܢܘ̈ܗܝ ܕܠܘܝ ܓܪܫܘܢ ܘܩܗܬ ܘܡܪܪܝ

2ܘܗܠܝܢ ܫܡ̈ܗܐ ܕܒܢ̈ܘܗܝ ܕܓܪܫܘܢ ܠܒܢܝ ܘܫܡܥܝ

3ܘܒܢ̈ܘܗܝ ܕܩܗܬ ܥܡܪܡ ܘܝܨܗܪ ܘܚܒܪܘܢ ܘܥܘܙܝܠ

4ܘܒ̈ܢܘܗܝ ܕܡܪܪܝ ܡܚܠܝ ܘܡܘܫܝ ܗܠܝܢ ܐ̈ܢܝܢ ܫܪ̈ܒܬܐ ܕܠܘ̈ܝܐ ܠܐܒܗ̈ܬܗܘܢ

5ܓܪܫܘܢ ܒܪܗ ܢܚܬ ܒܪܗ ܙܡܐ ܒܪܗ

6ܝܘܐܚ ܒܪܗ ܐܕܘ ܒܪܗ ܙܪܚ ܒܪܗ ܝܪܬ ܒܪܗ

7ܒ̈ܢܘܗܝ ܕܩܗܬ ܥܡܝܢܕܒ ܒܪܗ ܩܘܪܚ ܒܪܗ ܐܣܝܪ ܒܪܗ

8ܗܠܩܢܐ ܒܪܗ ܐܟܢܣܦ ܒܪܗ

9ܬܚܘܬ ܒܪܗ ܐܘܪܝܠ ܒܪܗ ܥܘܙܝܐ ܒܪܗ ܫܐܘܠ ܒܪܗ

10ܘܒܢܘ̈ܗܝ ܕܗܠܩܢܐ ܥܡܫܝ ܘܐܚܝܡܘܬ

11ܗܠܩܢܐ ܒܪܗ ܨܘܦ ܒܪܗ ܢܚܬ ܒܪܗ ܙܪܚ ܒܪܗ ܫܡܐܠܐ ܒܪܗ ܡܪܝ ܒܪܗ

12ܐܠܝܒ ܒܪܗ ܓܕܚܝܠ ܒܪܗ ܗܠܩܢܐ ܒܪܗ

13ܘܒ̈ܢܝ ܫܡܘܐܝܠ ܒܪܗ ܒܘܟܪܗ ܝܘܐܝܠ ܘܫܡܐ ܕܒܪܗ ܬܢܝܢܐ ܐܒܝܐ

14ܘܒ̈ܢܝ ܡܪܪܝ ܡܚܠܝ ܒܪܗ ܠܒܢܝ ܒܪܗ ܫܡܥܝ ܒܪܗ ܥܐܙܐ ܒܪܗ

15ܫܡܥܝܐ ܒܪܗ ܚܢܢܝܐ ܒܪܗ ܥܫܝܐ ܒܪܗ

16ܘܗܠܝܢ ܟܠܗܘܢ ܕܐܩܝܡ ܕܘܝܕ ܕܢܗܘܘܢ ܡܫܡܫܝܢ ܒܒܝܬܗ ܕܡܪܝܐ ܒܕܘܟܬܐ ܕܣܝܡܐ ܬܡܢ ܩܒܘܬܐ

17ܘܢܗܘܘܢ ܡܫܡܫܝܢ ܩܕܡ ܡܫܟܢܐ ܒܡܫܟܢ ܙܒܢܐ ܒܬܫܒ̈ܚܬܐ ܪ̈ܘܪܒܬܐ ܥܕܡܐ ܕܒܢܐ ܫܠܝܡܘܢ ܒܝܬܗ ܕܡܪܝܐ ܕܒܐܘܪܫܠܡ ܘܐܩܝܡ ܐܢܘܢ ܐܝܟ ܢܡܘ̈ܣܝܗܘܢ ܥܠ ܥܒ̈ܝܕܬܗܘܢ

18ܘܗܠܝܢ ܡܫܡ̈ܫܢܐ ܗܢܘܢ ܘܒܢ̈ܝܗܘܢ ܡܢ ܒ̈ܢܝ ܩܗܬ ܡܢ ܫܪ̈ܒܬܐ ܕܠܘ̈ܝܐ ܗܡܢ ܘܝܘܐܝܠ ܒܪ ܫܡܘܐܝܠ

19ܒܪ ܗܠܩܢܐ ܒܪ ܝܪܚܘܡ ܒܪ ܐܠܝܠ ܒܪ ܬܚܘ

20ܒܪ ܨܘܦ ܒܪ ܗܠܩܢܐ ܒܪ ܚܡܬ ܒܪ ܡܥܫܝ

21ܒܪ ܗܠܩܢܐ ܒܪ ܝܘܐܝܠ ܒܪ ܥܙܪܝܐ ܒܪ ܨܦܢܝܐ

22ܒܪ ܬܚܬ ܒܪ ܐܣܝܪ ܒܪ ܐܟܝܣܦ ܒܪ ܩܘܪܚ

23ܒܪ ܝܨܗܪ ܒܪ ܩܗܬ ܒܪ ܠܘܝ ܒܪ ܐܝܣܪܝܠ

24ܘܐܚܘܗܝ ܐܣܦ ܕܩܐ̇ܡ ܥܠ ܝܡܝܢܗ ܐܣܦ ܒܪ ܒܪܟܝܐ ܒܪ ܫܡܥܝܐ

25ܒܪ ܡܝܟܐܝܠ ܒܪ ܡܢܣܝܐ ܒܪ ܡܠܟܝܐ

26ܒܪ ܐܬܢܝ ܒܪ ܙܪܚ ܒܪ ܥܪܝܐ

27ܒܪ ܐܬܢ ܒܪ ܙܡܐ ܒܪ ܫܡܥܝ

28ܒܪ ܝܘܚܐ ܒܪ ܓܪܫܘܢ ܒܪ ܠܘܝ

29ܒܢܘ̈ܗܝ ܕܡܪܪܝ ܐܚܘܗܘܢ ܕܐܩܝܡ ܥܠ ܣܡܠܐ ܐܬܢ ܒܪ ܩܝܫܝ ܒܪ ܥܡܪܝ ܒܪ ܡܠܘܟ

30ܒܪ ܚܫܒܝܐ ܒܪ ܐܡܘܨܝܐ ܒܪ ܚܠܩܝܐ

31ܒܪ ܢܛܘܪ

32ܒܪ ܡܚܠܝ ܒܪ ܡܘܫܝ ܒܪ ܡܪܪܝ ܒܪ ܠܘܝ

33ܘܐܚ̈ܝܗܘܢ ܠܘ̈ܝܐ ܕܝܗ̇ܒܝܢ ܠܟܠܗܝܢ ܥܒ̈ܝܕܬܐ ܕܒܝܬ ܡܫܟܢܐ ܕܒܝܬ ܡܪܝܐ

34ܘܐܗܪܘܢ ܘܒܢ̈ܘܗܝ ܡܩܪܒܝܢ ܥܠ ܡܕܒܚܐ ܕܥ̈ܠܘܬܐ ܘܥܠ ܡܕܒܚܐ ܕܩܛܪ̈ܘܩܐ ܕܒܣ̈ܡܐ ܠܟܠ ܥܒ̈ܝܕܬܐ ܕܩܕܘܫ ܩܘ̈ܕܫܐ ܠܡܚܣܝܘ ܥܠ ܐܝܣܪܝܠ ܐܝܟ ܡܐ ܕܦܩܕ ܡܘܫܐ ܥܒܕܗ ܕܡܪܝܐ

35ܘܗܠܝܢ ܒܢ̈ܘܗܝ ܕܐܗܪܘܢ ܐܠܝܥܙܪ ܒܪܗ ܦܝܢܚܣ ܒܪܗ ܐܒܝܫܘܥ ܒܪܗ

36ܒܩܝ ܒܪܗ ܥܙܝ ܒܪܗ ܙܪܚܝܐ ܒܪܗ

37ܡܪܘ ܒܪܗ ܐܡܪܝܐ ܒܪܗ ܐܚܝܛܘܒ ܒܪܗ

38ܨܕܘܩ ܒܪܗ ܐܚܝܡܥܨ ܒܪܗ

39ܘܗܠܝܢ ܫܡ̈ܗܐ ܕܩܘܪ̈ܝܐ ܕܡ̈ܛܝ ܥܠ ܫܪ̈ܒܬܐ ܒܬܚܘ̈ܡܝܗܝܢ ܠܒܢ̈ܘܗܝ ܕܐܗܪܘܢ ܠܫܪܒܬܐ ܕܩܗܬ ܡܛܠ ܕܠܗܘܢ ܡܛܐ ܦܣܐ ܩܕܡܐܝܬ

40ܘܝܗܒܘ ܠܗܘܢ ܒܚܒܪܘܢ ܒܐܪܥܐ ܕܝܗܘܕܐ ܘܠܟܠܗܘܢ ܟܦܪ̈ܘܢܐ ܕܚܕܪ̈ܝܗ̇ ܕܐܝܬ ܒܐܪܥܐ ܕܝܗܘܕܐ

41ܘܟܠܗܝܢ ܚܩ̈ܠܬܐ ܕܩܘܪ̈ܝܐ ܕܚܕܪ̈ܝܗ̇ ܝܗܒܘ ܠܟܠܒ ܒܪ ܝܘܦܢܐ

42ܘܠܒܢ̈ܘܗܝ ܕܐܗܪܘܢ ܝܗܒܘ ܠܟܠܗܝܢ ܩܘܪ̈ܝܐ ܕܡܫܘܙܒܘܬܐ ܝܗܒܘ ܠܟܗ̈ܢܐ ܠܚܒܪܘܢ ܘܠܟܦܪ̈ܘܢܝܗ̇ ܘܠܠܒܢܐ ܘܠܟܦܪ̈ܘܢܝܗ̇ ܘܠܝܬܪ ܘܠܟܦܪ̈ܘܢܝܗ̇ ܘܠܐܫܬܡܘܥ ܘܠܟܦܪ̈ܘܢܝܗ̇

43ܘܠܠܚܡ ܘܠܟܦܪ̈ܘܢܝܗ̇ ܘܠܕܒܝܪ ܘܠܟܦܪ̈ܘܢܝܗ̇

44ܘܠܥܫܢ ܘܠܟܦܪ̈ܘܢܝܗ̇ ܘܠܥܛܪܐ ܘܠܟܦܪ̈ܘܢܝܗ̇ ̇—̇— ܘܠܒܝܬ ܫܡܫ ܘܠܟܦܪ̈ܘܢܝܗ̇

45ܘܡܢ ܫܒܛܐ ܕܒܢܝܡܝܢ ܝܗܒܘ ܓܒܥ ܘܟܦܪ̈ܘܢܝܗ̇ ܥܠܡܘܬ ܘܟܦܪ̈ܘܢܝܗ̇ ܥܢܬܘܬ ܘܟܦܪ̈ܘܢܝܗ̇ ܟܠܗܝܢ ܩܘܪ̈ܝܐ ܬܠܬܥܣܪ̈ܐ ܠܫܪ̈ܒܬܗܘܢ

46ܘܠܒܢ̈ܘܗܝ ܕܩܗܬ ܕܝܪܬܘ ܡܢ ܫܒܛܐ ܕܫܪܒܬܐ ܕܡܢܫܐ ܒܡܢܝܢܐ ܩܘܪ̈ܝܐ ܥܣܪ

47ܘܠܒܢ̈ܘܗܝ ܕܓܪܫܘܢ ܠܫܪ̈ܒܬܗܘܢ ܡܢ ܫܒܛܐ ܕܐܝܣܟܪ ܘܡܢ ܫܒܛܐ ܕܒܝܬ ܐܫܝܪ ܘܡܢ ܫܒܛܐ ܕܡܢܫܐ ܘܡܢ ܫܒܛܐ ܕܒܝܬ ܢܦܬܠܝ ܒܡܬܢܝܢ ܩܘܪ̈ܝܐ ܬܠܬܥܣܪܐ

48ܠܒܢ̈ܘܗܝ ܕܡܪܪܝ ܠܫܪ̈ܒܬܗܘܢ ܡܢ ܫܒܛܐ ܕܒܝܬ ܪܘܒܝܠ ܘܡܢ ܫܒܛܐ ܕܒ̈ܢܝ ܓܕ ܘܡܢ ܫܒܛܐ ܕܒ̈ܢܝ ܙܒܘܠܘܢ ܒܡܢܝܢܐ ܩܘܪ̈ܝܐ ܬܠܬܥܣܪܐ

49ܘܝܗܒܘ ܒ̈ܢܝ ܐܝܣܪܝܠ ܠܠܘ̈ܝܐ ܩܘܪ̈ܝܐ ܗܠܝܢ ܘܟܦܪ̈ܘܢܝܗܝܢ

50ܘܝܗܒܘ ܒܦܣܐ ܡܢ ܫܒܛܐ ܕܒܝܬ ܝܗܘܕܐ ܘܡܢ ܫܒܛܐ ܕܒ̈ܢܝ ܫܡܥܘܢ ܘܡܢ ܫܒܛܐ ܕܒܢܝܡܝܢ ܩܘܪ̈ܝܐ ܗܠܝܢ ܕܩ̇ܪܝܢ ܗܘܘ ܠܗܝܢ ܒܫܡ

51ܫܪ̈ܒܬܐ ܕܒ̈ܢܝ ܩܗܬ ܘܗ̈ܘܝ ܩܘܪ̈ܝܐ ܘܬܚܘܡ̈ܝܗܝܢ ܡܢ ܫܒܛܐ ܕܒܝܬ ܐܦܪܝܡ

52ܘܝܗܒܘ ܠܗܘܢ ܠܩܘܪ̈ܝܐ ܕܡܫܘܙܒܘܬܐ ܠܫܟܝܡ ܘܠܟܦܪ̈ܘܢܝܗ̇ ܒܛܘܪܐ ܕܫܒܛܐ ܕܒܝܬ ܐܦܪܝܡ ܘܠܝܥܙܝܪ ܘܠܟܦܪ̈ܘܢܝܗ̇

53ܘܠܒܝܬ ܚܘܪܢ ܘܠܟܦܪ̈ܘܢܝܗ̇

54ܘܠܐܝܠܘܢ ܘܠܟܦܪ̈ܘܢܝܗ̇ ܘܠܓܬܪܡܘܢ ܘܠܟܦܪ̈ܘܢܝܗ̇

55ܘܡܢ ܦܠܓܘܬ ܫܒܛܐ ܕܡܢܫܐ ܝܗܒܘ ܥܢܬ ܘܟܦܪ̈ܘܢܝܗ̇ ܘܝܒܠܝܢ ܘܟܦܪ̈ܘܢܝܗ̇ ܘܠܫܪܒܬܐ ܕܒ̈ܢܝ ܩܗܬ ܕܝܪܬܘ

56ܠܒܢܘ̈ܗܝ ܕܓܪܫܘܢ ܡܢ ܦܠܓܘܬ ܫܒܛܐ ܕܡܢܫܐ ܓܘܠܢ ܕܒܡܬܢܝܢ ܘܟܦܪ̈ܘܢܝܗ̇ ܘܥܫܬܘܪ ܘܟܦܪ̈ܘܢܝܗ̇

57ܘܡܢ ܫܒܛܐ ܕܐܝܣܟܪ ܪܩܡ ܘܟܦܪ̈ܘܢܝܗ̇ ܕܒܪܬܘ ܘܟܦܪ̈ܘܢܝܗ̇

58ܥܝܠܡ ܘܟܦܪ̈ܘܢܝܗ̇

59ܘܡܢ ܫܒܛܐ ܕܒܝܬ ܐܫܝܪ ܡܫܠ ܘܟܦܪ̈ܘܢܝܗ̇ ܥܒܪܘܢ ܘܟܦܪ̈ܘܢܝܗ̇

60ܥܩܝܩ ܘܟܦܪ̈ܘܢܝܗ̇ ܕܗܒ ܘܟܦܪ̈ܘܢܝܗ̇

61ܘܡܢ ܫܒܛܐ ܕܒܝܬ ܢܦܬܠܝ ܪܩܡ ܕܒܓܠܝܠܐ ܘܟܦܪ̈ܘܢܝܗ̇ ܗܡܘܢ ܘܟܦܪ̈ܘܢܝܗ̇ ܩܘܪܝܬܝܡ ܘܟܦܪ̈ܘܢܝܗ̇

62ܘܡܢ ܫܒܛܐ ܕܒܝܬ ܡܪܪܝ ܕܝܪܬܘ ܡܢ ܫܒܛܐ ܕܒܝܬ ܙܒܘܠܘܢ ܐܪܡܘܢܝ ܘܟܦܪ̈ܘܢܝܗ̇ ܬܒܘܪ ܘܟܦܪ̈ܘܢܝܗ̇

63ܘܒܥܒܪܐ ܕܝܘܪܕܢܢ ܕܐܝܪܝܚܘ ܡܢ ܡܕ̈ܢܚܝ ܝܘܪܕܢܢ ܡܢ ܫܒܛܐ ܕܒܝܬ ܪܘܒܝܠ ܒܘܨܪ ܕܒܡܕܒܪܐ ܘܟܦܪ̈ܘܢܝܗ̇ ܡܥܦܘܬ ܘܟܦܪ̈ܘܢܝܗ̇ ܝܗܨ ܘܟܦܪ̈ܘܢܝܗ̇

64ܩܪܡܘܬ ܘܟܦܪ̈ܘܢܝܗ̇ ܡܥܘܢ ܘܟܦܪ̈ܘܢܝܗ̇

65ܪܡܘܬ ܘܟܦܪ̈ܘܢܝܗ̇ ܡܚܠܡ ܘܟܦܪ̈ܘܢܝܗ̇

66ܝܥܙܝܪ ܘܟܦܪ̈ܘܢܝܗ̇ ܚܫܒܘܢ ܘܟܦܪ̈ܘܢܝܗ̇

1ܒ̈ܢܘܗܝ ܕܐܝܣܟܪ ܬܘܠܥ ܘܦܘܐܐ ܘܝܫܘܒ ܘܫܡܪܘܢ ܗܠܝܢ ܐܪ̈ܒܥܐ ܒܢ̈ܘܗܝ

2ܒ̈ܢܝ ܬܘܠܥ ܥܙܝ ܐܪܦܝܐ ܢܘܪܐܝܠ ܠܚܡܝ ܘܝܒܣܡ ܘܫܡܘܐܝܠ ܪܝܫ ܒܝܬ ܐܒܗ̈ܬܗܘܢ ܗܠܝܢ ܒܢ̈ܘܗܝ ܕܬܘܠܥ ܓܢܒܪ̈ܝ ܚܝܠܐ ܠܫܪ̈ܒܬܗܘܢ ܒܝ̈ܠܕܬܗܘܢ ܒܡܢܝܢܗܘܢ ܘܒܝܘܡ̈ܘܗܝ ܕܕܘܝܕ ܥܣܪܝܢ ܘܬܪܝܢ ܐ̈ܠܦܝܢ ܘܫܬܡܐܐ

3ܘܒ̈ܢܘܗܝ ܕܥܘܙܪ ܐܝܙܪܚܢ ܘܒܢ̈ܘܗܝ ܕܐܝܙܪܚܢ ܡܠܟܝܐܝܠ ܘܥܘܒܕܝܐ ܘܝܘܐܝܠ ܘܐܢܫܘܐ ܐܪ̈ܒܥܐ ܪ̈ܝܫܝ ܟܠܗܝܢ

4ܫܪ̈ܒܬܗܘܢ ܠܒܝܬ ܐܒܗ̈ܝܗܘܢ ܓܢܒܪ̈ܝ ܚܝܠܐ ܘܥ̇ܒ̈ܕܝ ܩܪܒܐ ܬܠܬܝܢ ܘܫܬܐ ܐ̈ܠܦܝܢ ܡܛܠ ܕܣܓܝܘ ܗ̇ܢܘܢ ܘܢ̈ܫܝܗܘܢ ܘܒܢܝ̈ܗܘܢ

5ܘܐܚ̈ܝܗܘܢ ܟܠ ܫܪ̈ܒܬܐ ܕܒܝܬ ܐܝܣܟܪ ܓܢܒܪ̈ܝ ܚܝܠܐ ܬܡܢܐܝܢ ܘܫܒܥܐ ܐ̈ܠܦܝܢ

6ܘܗܠܝܢ ܫܡ̈ܗܐ ܕܒ̈ܢܝ ܒܢܝܡܝܢ ܒܠܥ ܘܐܟܒܪ ܘܐܫܟܠ ܘܓܪܐ ܘܢܥܡܢ ܘܐܚܝ ܘܐܪܘܫ ܘܡܦܝ ܘܚܦܝܡ ܘܐܕܪ

7ܘܒܢܘ̈ܗܝ ܕܒܠܥ ܐܨܒܥܘܢ ܘܥܙܝ ܘܙܐܝܠ ܘܝܪܡܘܬ ܘܥܙܪܝ ܚܡܫܐ ܪ̈ܝܫܝ ܒܝܬ ܐܒܗ̈ܬܐ ܓܢܒܪ̈ܝ ܚܝܠܐ ܘܗܘܐ ܡܢܝܢܗܘܢ ܥܣܪܝܢ ܘܬܪܝܢ ܐ̈ܠܦܝܢ ܘܬܠܬܝܢ ܘܐܪܒܥܐ

8ܘܒܢ̈ܘܗܝ ܕܐܟܒܪ ܙܡܘܪܐ ܘܝܥܘܫ ܘܐܠܝܥܙܪ ܘܐܠܥܢܝ ܘܥܡܪܝ ܘܝܪܡܘܬ ܘܐܒܝܐ ܘܥܢܬܘܬ ܘܥܠܡܘܬ ܗܠܝܢ ܟܠܗܘܢ ܒܢ̈ܘܗܝ ܕܐܟܒܪ

9ܘܗܘܐ ܚܘܫܒܢܗܘܢ ܠܫܪ̈ܒܬܗܘܢ ܠܪ̈ܝܫܝ ܒܝܬ ܐܒܗ̈ܝܗܘܢ ܠܬܘܠܕܬ̈ܗܘܢ ܓܢܒܪ̈ܝ ܚܝܠܐ ܥܣܪܝܢ ܘܬܪܝܢ ܐ̈ܠܦܝܢ ܘܡܐܬܝܢ

10ܘܗܠܝܢ ܒܢܘ̈ܗܝ ܕܐܫܟܘܠ ܒܠܗܢ ܘܒ̈ܢܘܗܝ ܕܒܠܗܢ ܝܥܘܫ ܘܒܢܝܡܝܢ ܘܐܝܗܘܪ ܘܟܢܥܢܝܐ ܘܙܝܬܘܢ ܘܬܪܫܝܫ ܘܐܚܫܪܚ

11ܟܠܗܘܢ ܗܠܝܢ ܒܢܘ̈ܗܝ ܕܐܫܟܘܠ ܠܪ̈ܝܫܝ ܐܒܗ̈ܬܗܘܢ ܠܫܪ̈ܒܬܗܘܢ ܓܢܒܪ̈ܝ ܚܝܠܐ ܫܒܬܥܣܪ ܐ̈ܠܦܝܢ ܘܡܐܬܝܢ ܕܢ̇ܦܩܝܢ ܒܚܝܠܐ ܕܩܪܒܐ

12ܘܫܦܢ ܘܚܦܝܣ ܒܢܘ̈ܗܝ ܕܓܘܪ ܒ̈ܢܝ ܚܘܫܝܐ

13ܒ̈ܢܝ ܢܦܬܠܝ ܝܗܨܝܐܝܠ ܘܓܘܢܝ ܘܝܨܪ ܘܫܠܘܡ ܗܠܝܢ ܒ̈ܢܝܗ̇ ܕܒܠܗܐ

14ܒܢ̈ܘܗܝ ܕܡܢܫܐ ܕܝܠܕܬ ܠܗ ܕܪܘܟܬܗ ܐܝܣܪܟܠ ܘܐܕܘܡܝܐ ܘܝܠܕܬ ܠܡܟܝܪ ܐܒܘܗܝ ܕܓܠܥܕ

15ܘܡܟܝܪ ܢܣܒ ܠܗ ܐܢܬܬܐ ܚܕܐ ܒܪܬ ܪ̈ܘܪܒܢܐ ܘܫܡܐ ܕܚܬܗ ܡܥܟܐ ܘܫܡܐ ܕܐܚܘܗܝ ܩܫܝܫܐ ܨܠܦܚܕ ܘܠܨܠܦܚܕ ܠܐ ܗܘܘ ܠܗ ܒ̈ܢܝܐ ܐܠܐ ܒܢ̈ܬܐ

16ܘܐܦ ܡܥܟܐ ܐܡܗ ܕܡܟܝܪ ܝܠܕܬ ܠܗ ܒܪܐ ܘܩܪܬ ܫܡܗ ܦܪܫ ܘܫܡܐ ܕܐܚܘܗܝ ܫܪܫ ܘܒܢܘ̈ܗܝ ܕܐܘܠܡ ܪܩܡ

17ܘܒܢ̈ܘܗܝ ܕܪܩܡ ܒܪܐܢ ܗܠܝܢ ܒܢܘ̈ܗܝ ܕܓܠܥܕ ܒܪ ܡܟܝܪ ܒܪ ܡܢܫܐ

18ܘܚܬܗ ܡܥܟܐ ܝܠܕܬ ܠܐܝܫܚܘܪ ܘܠܐܒܝܥܙܪ

19ܘܠܫܡܪܝܐ ܘܠܐܥܠܝܘܢ ܘܠܫܝܡ ܘܠܐܝܬܥܡ

20ܘܒܢ̈ܘܗܝ ܕܐܦܪܝܡ ܫܘܬܠܚ ܘܒܟܪ ܒܪܗ ܘܬܚܬ ܒܪܗ ܘܐܠܕܥܐ ܒܪܗ ܘܐܚܬ ܒܪܗ

21ܘܙܒܘܪ ܒܪܗ ܘܫܘܬܠܚ ܒܪܗ ܘܠܥܙܪ ܒܪܗ ܐܢܫܐ ܒ̈ܢܝ ܓܬ ܕܐܬܝܠܕܘ ܒܐܪܥܐ ܢܚܬܘ ܗܘܘ ܠܡܣܒ ܢܟܣ̈ܝܗܘܢ

22ܘܡܬܐܒܠ ܗܘܐ ܐܦܪܝܡ ܐܒܘܗܘܢ ܝܘܡ̈ܬܐ ܣܓ̈ܝܐܐ ܘܐܬܘ ܗܘܘ ܐܚ̈ܘܗܝ ܠܡܒܝܐܘܬܗ ܘܠܡܡܠܐ ܒܠܒܗ

23ܘܐܬܐ ܠܘܬ ܐܢܬܬܗ ܘܒܛܢܬ ܗܘܬ ܘܝܠܕܬ ܒܪܐ ܘܩܪܬ ܫܡܗ ܒܪܝܥܐ ܡܛܠ ܕܒܝܫ ܗܘܐ ܠܗ̇ ܒܒܝܬܗ̇

24ܘܒܪܬܗ̇ ܕܐܫܬܚܪܬ ܒܝܬ ܚܘܪܢ ܬܚܬܝܬܐ ܘܥܠܝܬܐ ܘܟܠܗܝܢ ܗܠܝܢ ܕܐܫܬܚܪ

25ܐܣܝܬ ܒܪܬܗ ܡܛܠ ܕܐܣܝܬܐ ܗܘܬ ܘܡܐܣܝܬ ܟܪ̈ܝܗܝܢ ܘܐܣܝܬ

26ܠܥܕܢ ܒܪ ܥܡܝܗܘܕ

27ܡܢ ܒܢ̈ܘܗܝ ܕܐܢܘܢ ܐܒܘܗܝ ܕܝܗܘܫܒܥ

28ܘܝܘܪܬܢܗܘܢ ܘܥܪ̈ܣܬܗܘܢ ܒܝܬ ܐܝܠ ܘܟܦܪ̈ܘܢܝܗ̇ ܘܫܟܝܡ ܘܟܦܪ̈ܘܢܝܗ̇ ܘܥܢܬ ܘܟܦܪ̈ܘܢܝܗ̇

29ܘܥܠ ܬܚܘܡܐ ܕܒ̈ܢܝ ܡܢܫܐ ܒܝܬ ܫܟܝܡ ܘܟܦܪ̈ܘܢܝܗ̇ ܬܥܢܟ ܘܟܦܪ̈ܘܢܝܗ̇ ܡܓܕܘ ܘܟܦܪ̈ܘܢܝܗ̇ ܕܘܪ ܘܟܦܪ̈ܘܢܝܗ̇ ܐܝܟ ܗܠܝܢ ܩܘܪ̈ܝܐ ܐܘܬܒܘ ܒ̈ܢܝ ܝܘܣܦ ܒܪ ܐܝܣܪܐܝܠ

30ܒܢܘ̈ܗܝ ܕܐܫܝܪ ܝܡܢܐ ܘܝܫܘܐ ܘܝܘܫܝ ܘܒܪܝܥܐ ܘܣܪܚ ܚܬܗܘܢ

31ܘܒ̈ܢܝ ܒܪܝܥܐ ܚܒܪ ܘܡܟܝܐܝܠ ܕܗܘ ܐܒܘܗܝ ܕܒܪܙܝܬ

32ܘܚܦܪ ܐܘܠܕ ܠܦܠܛ ܘܠܫܡܝܪ ܘܠܚܬܘܡ ܘܠܫܘܥ ܚܬܗܘܢ

33ܘܒܢ̈ܘܗܝ ܕܦܠܛ ܦܐܣܟ ܘܒܡܗܠ ܘܥܫܘܬ ܘܗܠܝܢ ܒܢ̈ܘܗܝ ܕܦܠܛ

39ܐܪܚ ܘܚܢܢܐܝܠ

40ܗܠܝܢ ܟܠܗܘܢ ܒܢ̈ܝ ܐܫܝܪ ܪ̈ܫܝ ܒܝܬ ܐܒܗ̈ܬܗܘܢ ܒܕܪ̈ܝܗܘܢ ܓܢܒܪ̈ܝ ܚܝܠܐ ܪ̈ܝܫܝ ܪ̈ܘܪܒܢܐ ܕܗܘܐ ܚܘܫܒܢܗܘܢ ܒܚܝܠܐ ܕܩܪܒܐ ܒܡܢܝܢܗܘܢ ܓܒܪ̈ܐ ܥܣܪܝܢ ܘܫܬܐ ܐ̈ܠܦܝܢ

1ܘܒܢܝܡܝܢ ܐܘܠܕ ܠܒܠܥ ܒܘܟܪܗ ܘܠܐܟܒܪ ܬܢܝܢܐ ܘܠܐܫܟܘܠ ܬܠܝܬܝܐ

2ܘܠܓܪܐ ܪܒܝܥܝܐ ܘܠܢܥܡܢ ܚܡܝܫܝܐ ܘܠܐܚܝ ܫܬܝܬܝܐ ܘܐܪܘܫ ܫܒܝܥܝܐ ܘܡܦܝܡ ܬܡܝܢܝܐ ܘܚܦܝܡ ܬܫܝܥܝܐ ܘܐܕܪ ܥܣܝܪܝܐ

3ܘܗܘܘ ܒ̈ܢܝܐ ܠܒܠܥ ܐܒܕܘ ܘܓܕܐ ܘܐܒܝܗܘܪ

4ܘܐܒܝܫܘܥ ܘܢܥܡܢ ܘܐܚܝܐ

5ܘܫܦܝܡ ܘܚܘܦܡ ܘܐܚܝܪܡ

6ܗܠܝܢ ܒܢ̈ܝܐ ܕܐܒܝܗܘܪ ܘܗܠܝܢ ܐܢܘܢ ܪ̈ܝܫܝ ܐܒ̈ܗܬܗܘܢ ܠܫܪ̈ܒܬܗܘܢ ܘܓܠܝܘ ܠܦܩܥܬܐ

7ܕܢܥܡܢ

9ܘܐܬܝܠܕ ܡܢ ܚܪܫ ܐܢܬܬܗ ܠܝܘܒܒ ܘܠܨܒܝܐ ܘܠܡܠܟܘܡ

10ܘܠܡܢܫܐ ܘܠܣܪܝܐ ܘܠܝܪܡܢܐ ܘܠܝܨܒܨ ܗܠܝܢ ܒܢ̈ܘܗܝ ܪ̈ܝܫܝ ܐܒܗ̈ܬܐ

11ܡܚܫܝܡ ܐܘܠܕ ܠܐܚܝܛܘܒ ܘܠܐܠܝܦܠܓ

12ܘܒܢ̈ܘܗܝ ܕܐܠܝܦܠܓ ܥܘܒܝܕ ܘܡܫܠܡ ܘܫܡܝܪ ܘܗܘ ܒܢܐ ܠܐܝܘ ܘܠܠܘܕ ܘܠܟܦܪ̈ܘܢܝܗ̇

13ܘܗܘܐ ܪܝܫܐ ܕܐܒ̈ܗܬܐ ܥܠ ܝܬܒ̈ܝ ܓܬ

14ܫܝܫܩ ܘܝܪܡܘܬ

15ܘܙܒܕܝܐ ܘܥܕܪܘ ܘܥܕܝ

16ܘܡܢܟܠ ܘܐܢܫܦܝ

23ܘܥܒܪܘܢ ܘܙܒܕܝ ܘܚܢܝܢ

24ܘܚܢܢܝܐ ܘܥܘܠܘܡ ܘܥܢܬܘܬ

25ܘܦܪܝܐ ܘܦܐܝܠ ܒ̈ܢܝ ܫܝܫܩ

26ܘܫܡܪܝܐ

28ܗܠܝܢ ܪ̈ܫܝ ܐܒܗ̈ܬܐ ܠܬܘ̈ܠܕܬܗܘܢ ܗܠܝܢ ܕܗܢܘܢ ܝܬ̇ܒܝܢ ܗܘܘ ܒܐܘܪܫܠܡ ܩܕܡܝܬ

29ܘܒܓܒܥܘܢ ܝܬܒ ܗܘܐ ܐܒܘܗܝ ܕܓܒܥܘܢ ܘܫܡܐ ܕܐܢܬܬܗ ܡܥܟܐ

30ܘܒܪܗ ܒܘܟܪܗ ܥܒܪܘܢ ܘܩܝܫ ܘܒܠܥ ܘܢܕܒ

31ܘܓܕܘܕ ܘܐܚܝܒ ܘܝܒܙܪ

32ܘܡܩܠܘܬ ܘܡܩܠܘܬ ܐܘܠܕ ܡܐܐ ܐܦ ܗܢܘܢ ܝܬ̇ܒܝܢ ܗܘܘ ܠܘܩܒܠ ܐܚ̈ܝܗܘܢ ܒܐܘܪܫܠܡ

33ܘܢܝܪ ܐܘܠܕ ܠܩܝܫ ܘܩܝܫ ܐܘܠܕ ܠܫܐܘܠ ܘܫܐܘܠ ܐܘܠܕ ܠܝܘܢܬܢ ܘܠܡܠܟܝܫܘܥ ܘܠܝܫܘܝ ܘܠܐܫܒܫܘܠ

34ܘܒܪܗ ܕܝܘܢܬܢ ܡܚܓܪ ܒܪ̈ܓܠܘܗܝ ܘܠܝܫܘܝ ܗܘܐ ܒܪܐ ܡܪܒܥܠ ܘܡܪܒܥܠ ܐܘܠܕ ܠܡܝܟܐ

35ܘܒܢ̈ܘܗܝ ܕܡܝܟܐ ܦܝܬܘܢ ܘܐܝܡܠܟ ܘܬܕܥ ܘܐܚܘܪ ܘܐܪܢ

36ܘܡܪܒܥܠ ܐܘܠܕ ܠܝܗܘܝܕܥ ܘܝܗܘܝܕܥ ܐܘܠܕ ܠܥܠܡܘܬ ܘܠܥܙܡܘܬ ܘܠܙܡܪܝ ܘܙܡܪܝ ܐܘܠܕ ܠܐܡܘܨܝܐ

37ܘܐܡܘܨܝܐ ܐܘܠܕ ܠܟܢܥܢܝܐ ܘܟܢܥܢܝܐ ܐܘܠܕ ܠܪܘܦܐ ܘܠܠܥܣܐ ܒܪܗ ܐܨܠ ܒܪܗ

38ܘܠܐܨܠ ܗܘܘ ܫܬܐ ܒ̈ܢܝܢ ܥܙܪܝ ܒܘܟܪܗ ܩܝܡ ܬܢܝܢܗ ܐܝܫܡܥܠ ܬܠܝܬܝܐ ܘܫܥܕܝܐ ܘܥܘܒܕܝܐ ܘܚܢܢ ܗܠܝܢ ܟܠܗܘܢ ܒܢ̈ܘܗܝ ܕܐܨܠ

39ܘܒܢ̈ܘܗܝ ܕܥܫܝܩ ܐܚܘܗܝ ܐܘܠܡ ܒܘܟܪܗ ܝܥܘܫ ܬܢܝܢܐ ܘܐܠܝܦܠܛ ܬܠܝܬܝܐ

40ܘܗܘܘ ܒܢܘ̈ܗܝ ܕܐܘܠܡ ܓܒܪ̈ܐ ܓܢܒܪ̈ܝ ܚܝܠܐ ܘܐܚ̈ܝܕܝ ܩܫܬܐ ܘܡܠܦܝܢ ܗܢܘܢ ܘܒܢ̈ܝܗܘܢ ܘܒ̈ܢܝ ܒܢ̈ܝܗܘܢ ܡܐܐ ܘܚܡܫܝܢ ܟܠܗܘܢ ܗܠܝܢ ܡܢ ܫܒܛܐ ܕܒ̈ܢܝ ܒܢܝܡܝܢ

1ܘܐܬܚܫܒܘ ܟܠܗܘܢ ܒ̈ܢܝ ܐܝܣܪܝܠ ܘܒ̈ܢܝ ܝܗܘܕܐ ܥܘ̈ܠܐ ܗ̇ܢܘܢ ܕܓܠܝܘ ܠܒܒܠ ܒܥܘܠܘܬܗܘܢ

2ܘܕܝܬ̇ܒܝܢ ܗܘܘ ܩܕܡܝܬ ܒܝܪܬܘܬܗܘܢ ܘܒܩܘܪ̈ܝܗܘܢ ܐܝܣܪܝܠ ܘܟܗ̈ܢܐ ܘܠܘ̈ܝܐ ܘܓܝܘܪ̈ܐ

3ܘܒܐܘܪܫܠܡ ܝܬܒ̇ܝܢ ܗܘܘ ܡܢ ܒܢ̈ܝ ܝܗܘܕܐ ܘܡܢ ܒ̈ܢܝ ܒܢܝܡܝܢ ܘܡܢ ܒ̈ܢܝ ܐܦܪܝܡ ܘܡܢ ܒ̈ܢܝ ܡܢܫܐ

4ܙܥܘܪܝ ܒܪ ܥܡܝܗܘܕ ܒܪ ܥܡܪܝ ܒܪ ܐܡܪܝ ܒܪ ܒܢܝܡܝܢ ܒ̈ܢܝ ܦܪܨ ܒ̈ܢܝ ܝܗܘܕܐ

5ܡܢ ܐܬܪܐ ܕܫ̈ܝܠܘܢܝܐ ܥܫܝܐ ܒܘܟܪܗ ܘܒܨܝܐ ܐܚܘܗܝ

6ܘܡܢ ܒ̈ܢܝ ܙܪܚ ܙܥܘܐܝܠ ܘܐܚ̈ܝܗܘܢ ܫܬܡܐܐ ܘܬܫܥܝܢ

7ܘܡܢ ܒܢܘ̈ܗܝ ܕܒܢܝܡܝܢ ܣܠܘ ܒܪ ܡܫܠܡ ܒܪ ܗܘܕܝܐ ܒܪ ܝܗܒܢܐ

8ܘܝܘܟܢܝܐ ܒܪ ܝܪܚܘܡ ܗܠܝܢ ܒ̈ܢܝ ܥܙܝ ܒܪ ܡܟܝܪ ܘܡܫܠܡ ܒܪ ܐܪܥܘܒܠ ܒܪ ܝܟܢܝܐ

9ܘܐܚ̈ܝܗܘܢ ܠܫܪ̈ܒܬܗܘܢ ܬܫܥܡܐܐ ܘܬܫܥܝܢ ܘܬܫܥܐ ܟܠܗܘܢ ܗܠܝܢ ܓܒܪ̈ܐ ܓܢܒܪ̈ܝ ܚܝܠܐ ܪ̈ܝܫܝ ܡܐܘ̈ܬܐ ܠܫܪ̈ܒܬܗܘܢ

10ܘܡܢ ܟܗ̈ܢܐ ܝܘܢܕܒ ܝܘܝܕܥ ܢܟܝܡ

11ܥܙܪܝܐ ܒܪ ܚܠܩܝܐ ܒܪ ܡܫܠܡ ܒܪ ܨܕܘܩ ܒܪ ܡܪܘ ܒܪ ܐܚܝܛܘܒ ܕܫܪܐ ܗܘܐ ܒܝܬܗ ܠܘܩܒܠ ܒܝܬܗ ܕܡܪܝܐ

12ܘܥܙܪܝܐ ܒܪ ܝܪܚܘܡ ܒܪ ܦܫܚܘܪ ܒܪ ܡܠܟܐ ܘܡܥܣܝ ܒܪ ܥܕܘܐܝܠ ܒܪ ܝܘܚܢܢ ܒܪ ܡܫܠܡ ܒܪ ܡܫܪܐܘܬ ܒܪ ܐܡܪ

13ܘܐܚܝ̈ܗܘܢ ܪ̈ܫܐ ܕܒܝܬ ܐܒܗ̈ܝܗܘܢ ܐܠܦ ܘܫܒܥܡܐܐ ܘܫܬܝܢ ܓܢܒܪ̈ܝ ܚܝܠܐ ܥ̇ܒܕܝ ܥܒܝܕ̈ܬܐ ܕܒܝܬܗ ܕܡܪܝܐ

14ܘܡܢ ܠܘ̈ܝܐ ܫܡܥܝܐ ܒܪ ܚܫܘܡ ܒܪ ܥܙܪܩܝܡ ܒܪ ܚܫܒܝܐ ܡܢ ܒ̈ܢܝ ܡܪܪܝ

15ܝܪܚܘܡ ܒܪ ܚܕܘܫ ܒܪ ܥܠܠ ܡܬܢܝܐ ܒܪ ܡܝܩܐ ܒܪ ܙܒܕܝ ܒܪ ܐܣܦ

16ܘܥܘܒܕܝܐ ܒܪ ܫܡܥܝܐ ܒܪ ܟܠܠ ܒܪ ܝܪܬܘܢ ܘܒܪܟܝܐ ܒܪ ܐܣܦ ܒܪ ܗܠܩܢܐ ܕܝ̇ܬܒ ܗܘܐ ܒܪܡܬܐ

17ܫܠܘܡ ܘܥܩܘܒ ܘܛܠܢ ܘܚܡܢܘܢ ܘܐܚܝܗܘܡ ܘܫܠܘܡ

18ܥܕܡܐ ܠܗܪܟܐ ܬܪܥܐ ܕܡܠܟܐ ܡܕܢܚܝܐ ܗܠܝܢ ܐܢܘܢ ܬܪ̈ܥܐ ܕܩ̇ܝܡܝܢ ܒܗܘܢ ܡܛܪ̈ܬܐ ܕܒ̈ܢܝ ܠܘܝ

19ܘܫܠܘܡ ܒܪ ܩܘܪܐ ܒܪ ܐܟܢܣܦ ܒܪ ܩܘܪܚ ܘܐܚ̈ܘܗܝ ܘܐܢ̈ܫܝ ܒܝܬ ܐܒܘܗܝ ܕܩ̇ܝܡܝܢ ܥܠ ܥܒܝܕ̈ܬܐ ܘܢ̇ܛܪ̈ܝ ܬܪܥܗ ܕܡܫܟܢܐ ܘܐܒ̈ܗܐ ܕܝܠܗܘܢ ܥܠ ܡܫܪ̈ܝܬܐ ܘܗܢܘܢ ܗܘܘ ܢ̇ܛܪ̈ܝ ܡܦ̈ܩܢܐ ܘܡܥ̈ܠܢܐ

20ܘܦܝܢܚܣ ܒܪ ܐܠܝܥܙܪ ܗܘܐ ܪܒܐ ܥܠܝܗܘܢ ܡܢ ܠܘܩܕܡ ܘܡܪܝܐ ܥܡܗ

21ܙܟܪܝܐ ܒܪ ܡܫܠܡ ܢ̇ܛܪ ܬܪܥܐ ܕܡܫܟܢܙܒܢܐ

22ܟܠܗܘܢ ܗܠܝܢ ܩ̇ܝܡܝܢ ܒܬܪ̈ܥܐ ܒܡܢܝܢܐ ܡܐܬܝܢ ܘܬܪܥܣܪ ܗܠܝܢ ܐܬܚܫܒܘ ܒܕܪ̈ܝܗܘܢ ܗܠܝܢ ܕܥܒܕ ܕܘܝܕ ܘܫܡܘܐܝܠ ܢܒܝܐ ܒܗܝܡܢܘܬܗܘܢ

23ܘܗܢܘܢ ܐܩܝܡܘ ܠܗܠܝܢ ܠܗܘܢ ܘܠܒܢ̈ܝܗܘܢ ܕܢܗܘܘܢ ܢ̇ܛܪܝܢ ܬܪ̈ܥܐ ܗܠܝܢ ܕܒܝܬܗ ܕܡܪܝܐ ܘܠܒܝܬ ܡܫܟܢ ܙܒܢܐ ܘܡܛܪ̈ܬܐ

24ܠܐܪܒܥ ܪ̈ܘܚܝܢ ܦܬܝܚܝܢ ܗܘܘ ܗܠܝܢ ܬܪ̈ܥܐ ܠܡܕܢܚܐ ܘܠܡܥܪܒܐ ܘܠܓܪܒܝܐ ܘܠܬܝܡܢܐ

25ܘܐܚ̈ܝܗܘܢ ܗܠܝܢ ܢ̇ܛܪܝܢ ܗܘܘ ܒܕܪ̈ܝܗܘܢ ܘܠܐ ܥ̇ܐܠܝܢ ܗܘܘ ܐܠܐ ܚܕܐ ܠܫܒܥܐ ܝܘܡ̈ܝܢ ܡܢ ܥܕܢ ܠܥܕܢ

26ܡܛܠ ܕܒܗܝܡܢܘܬܐ ܗܘܘ ܗܢܘܢ ܗܠܝܢ ܡܛܠ ܕܥܠ ܐܪܒܥ ܪ̈ܘܚܝܢ ܕܬܪ̈ܥܐ ܗܠܝܢ ܠܘ̈ܝܐ ܩ̇ܝܡܝܢ ܗܘܘ ܘܢ̇ܛܪܝܢ ܘܗܢܘܢ ܫ̈ܠܝܛܐ ܗܘܘ ܥܠ ܥܒ̈ܝܕܬܐ ܘܥܠ ܓܙܐ ܕܒܝܬܗ ܕܡܪܝܐ

27ܘܟܪܝܟܝܢ ܗܘܘ ܠܒܝܬܗ ܕܡܪܝܐ ܘܒܝ̇ܬܝܢ ܡܛܠ ܕܗܕܐ ܗܘܬ ܡܛܪܬܗܘܢ ܥܠ ܬܪܥܐ ܘܒܟܠ ܨܦܪ ܘܨܦܪ

28ܣ̇ܥܪܝܢ ܗܘܘ ܟܘܠܗܘܢ ܡܐ̈ܢܐ ܕܦܘܠܚܢܐ ܡܛܠ ܕܒܡܢܝܢܐ ܡܥܠܝܢ ܗܘܘ ܠܗܘܢ ܘܒܡܢܝܢܐ ܡܦܩܝܢ ܗܘܘ ܠܗܘܢ

29ܘܡܢܗܘܢ ܡܢ ܠܘ̈ܝܐ ܡܫܠܛܝܢ ܗܘܘ ܥܠ ܡܐ̈ܢܐ ܘܥܠ ܟܘܠܗܝܢ ܥܒ̈ܝܕܬܐ ܕܩܘܕܫܐ ܥܠ ܡܕܒܚܐ ܘܥܠ ܡܐ̈ܢܐ ܘܥܠ ܚܡܪܐ ܘܥܠ ܡܫܚܐ ܘܥܠ ܠܒܘܢܬܐ ܘܥܠ ܒܣ̈ܡܐ ܕܟ̈ܝܐ

30ܘܡܢ ܒ̈ܢܝ ܟܗ̈ܢܐ ܡܬܩ̈ܢܝ ܒܣ̈ܡܐ ܠܦܝܪ̈ܡܐ

31ܘܡܘܗܒܬܐ ܡܢ ܠܘ̈ܝܐ ܡܬܝܗܒܐ ܗܘܬ ܘܡܬܝܬܐ ܡܢ ܠܘ̈ܝܐ ܗܘܝܘ ܗ̇ܘܐ ܒܘܟܪܗ ܕܫܠܘܡ ܒܗܝܡܢܘܬܐ ܫܠܝܛ ܗܘܐ ܥܠ ܥ̇ܒ̈ܕܐ ܟܣ̈ܝܐ

32ܘܐܦ ܡܢ ܒܢܘ̈ܗܝ ܕܩܗܬ ܡܫܠܛܝܢ ܗܘܘ ܥܠ ܐܚ̈ܝܗܘܢ ܘܥܠ ܠܚܡܐ ܕܣܕܪ̈ܐ ܠܡܛܝܒܘ ܕܫܒܬܐ ܒܫܒܬܐ

33ܘܗܠܝܢ ܡܫܡ̈ܫܢܐ ܪ̈ܝܫܝ ܐܒ̈ܗܬܐ ܕܠܘ̈ܝܐ ܢ̇ܛܪܝܢ ܗܘܘ ܒܚܢܘ̈ܬܐ ܕܚܕܪ̈ܘܗܝ ܕܒܝܬܐ ܡܛܠ ܕܗܢܘܢ ܡܫܠܛܝܢ ܗܘܘ ܥܠ ܥܒܝܕ̈ܬܐ ܒܐܝܡܡܐ ܘܒܠܠܝܐ

34ܘܗܠܝܢ ܗܘܘ ܪ̈ܝܫܝ ܐܒܗ̈ܬܗܘܢ ܕܠܘ̈ܝܐ ܒܬܘܠܕ̈ܬܗܘܢ ܘܗܠܝܢ ܝ̇ܬܒܝܢ ܗܘܘ ܒܐܘܪܫܠܡ

35ܘܒܓܒܥܘܢ ܝ̇ܬܒ ܗܘܐ ܐܒܘܗܝ ܕܓܒܥܘܢ ܘܫܡܐ ܕܒܪܗ ܒܘܟܪܗ ܝܘܐܝܠ ܘܫܡܐ ܕܐܢܬܬܗ ܡܥܟܐ

36ܘܒܪܗ ܬܢܝܢܐ ܥܒܪܘܢ ܘܨܘܪ ܘܩܝܫܘܢ ܘܒܥܠ ܘܢܝܪ ܘܢܕܒ

37ܘܓܕܘܕ ܘܐܚܝܐ ܘܙܟܪܝܐ ܘܡܩܠܘܬ

38ܘܡܩܠܘܬ ܐܘܠܕ ܠܫܡܐܨ ܘܐܦ ܗܢܘܢ ܠܘܩܒܠ ܐܚܝ̈ܗܘܢ ܥ̇ܡܪܝܢ ܗܘܘ ܥܡ ܐܚܝ̈ܗܘܢ ܒܐܘܪܫܠܡ

39ܘܢܝܪ ܐܘܠܕ ܠܩܝܫ ܘܩܝܫ ܐܘܠܕ ܠܫܐܘܠ ܘܫܐܘܠ ܐܘܠܕ ܠܝܘܢܬܢ ܘܠܡܠܟܝܫܘܥ ܘܠܝܫܘܝ ̇—̇— ܘܠܐܫܒܫܘܠ

40ܘܠܝܫܘܝ ܗܘܐ ܒܪܐ ܘܫܡܗ ܡܪܒܥܠ ܘܡܪܒܥܠ ܐܘܠܕ ܠܡܝܟܐ

41ܘܒܢ̈ܘܗܝ ܕܡܝܟܐ ܦܝܬܘܢ ܘܐܝܡܠܟ ܘܐܚܙ

42ܘܐܚܙ ܐܘܠܕ ܠܝܥܙܝܐ ܘܝܥܙܝܐ ܐܘܠܕ ܠܥܠܡܘܬ ܘܥܠܡܘܬ ܐܘܠܕ ܠܙܡܪܝ ܘܙܡܪܝ ܐܘܠܕ ܠܡܘܨܐ

43ܘܡܘܨܐ ܐܘܠܕ ܠܟܢܥܢܝܐ ܐܪܦܝܐ ܒܪܗ ܐܨܠ ܒܪܗ ܠܥܣܐ ܒܪܗ

44ܘܠܐܨܠ ܗܘܘ ܫܬܐ ܒܢ̈ܝܢ ܘܗܠܝܢ ܫܡܗܝ̈ܗܘܢ ܥܙܪܝ ܒܘܟܪܗ ܩܝܡ ܬܢܝܢܗ ܐܫܡܥܝܠ ܒܪܗ ܫܥܕܝܐ ܒܪܗ ܥܘܒܕܝܐ ܒܪܗ ܚܢܢ ܒܪܗ ܗܠܝܢ ܒܢ̈ܝܐ ܕܐܨܠ

1ܘܦܠܫ̈ܬܝܐ ܡܬܟܬܫܝܢ ܗܘܘ ܥܡ ܐܝܣܪܝܠ ܘܥܪܩܘ ܓܒܪ̈ܐ ܕܐܝܣܪܝܠ ܡܢ ܦܠܫ̈ܬܝܐ ܘܢܦܠܘ ܩܛܝ̈ܠܐ ܣܓ̈ܝܐܐ ܒܛܘܪܐ ܕܓܠܒܘܥ

2ܘܐܕܪܟܘ ܦܠܫ̈ܬܝܐ ܠܫܐܘܠ ܘܠܒܢ̈ܘܗܝ ܘܚܪܒܘ ܦܠܫ̈ܬܝܐ ܠܝܘܢܬܢ ܘܠܝܫܘܝ ܘܠܡܠܟܝܫܘܥ ܒܢܘ̈ܗܝ ܕܫܐܘܠ

3ܘܥܫܢ ܩܪܒܐ ܥܠ ܫܐܘܠ ܘܐܫܟܚܘܗܝ ܐܢܫܐ ܩܫ̈ܬܐ ܕܐܘܡܢܝܢ ܛܒ ܠܡܫܕܐ ܒܩܫܬܐ ܘܟܕ ܚܙܐ ܐܢܘܢ ܫܐܘܠ ܕܚܠ ܛܒ ܡܢ ܩܕܡܝܗܘܢ

4ܘܐܡܪ ܫܐܘܠ ܠܫ̇ܩܠ ܡܐܢ̈ܘܗܝ ܫܡܘܛ ܚܪܒܟ ܘܕܩܘܪܝܢܝ ܒܗ̇ ܥܕܠܐ ܢܐܬܘܢ ܥܘܪ̈ܠܐ ܗܠܝܢ ܘܢܩܛܠܘܢܢܝ ܘܢܫܬܢܕܘܢ ܒܝ ܘܠܐ ܨܒܐ ܫ̇ܩܠ ܡܐܢ̈ܘܗܝ ܡܛܠ ܕܕܚܠ ܛܒ ܘܫܡܛ ܫܐܘܠ ܣܝܦܗ ܘܢܦܠ ܥܠܘܗܝ

5ܘܚܙܐ ܫ̇ܩܠ ܡܐܢ̈ܘܗܝ ܕܡܝܬ ܠܗ ܫܐܘܠ ܘܢܦܠ ܐܦ ܗܘ ܥܠ ܣܝܦܗ ܘܡܝܬ ܥܡܗ

6ܘܡܝܬ ܫܐܘܠ ܘܬܠܬܐ ܒܢ̈ܘܗܝ ܘܫ̇ܩܠ ܡܐܢ̈ܘܗܝ ܘܟܠܗܘܢ ܓܢܒܪ̈ܘܗܝ ܡܝܬܘ ܒܝܘܡܐ ܗ̇ܘ ܐܟܚܕܐ

7ܘܚܙܘ ܟܠ ܐܢܫܐ ܕܐܝܣܪܝܠ ܕܐܝܬ ܒܥܒܪܐ ܕܦܩܥܬܐ ܘܕܐܝܬ ܒܥܒܪܐ ܕܝܘܪܕܢܢ ܕܥܪܩ ܠܗ ܥܡܐ ܕܐܝܣܪܝܠ ܘܕܐܬܩܛܠ ܫܐܘܠ ܘܒܢ̈ܘܗܝ ܘܫܒܩܘ ܩܘܪ̈ܝܐ ܘܥܪܩܘ ܘܐܬܘ ܦܠܫ̈ܬܝܐ ܘܥܡܪܘ ܒܗܝܢ

8ܘܗܘܐ ܡܢ ܒܬܪ ܝܘܡܐ ܐܬܘ ܦܠܫ̈ܬܝܐ ܠܡܚܠܨܘ ܩܛ̈ܝܠܐ ܘܐܫܟܚܘ ܠܫܐܘܠ ܘܠܬܠܬܐ ܒܢܘ̈ܗܝ ܩܛܝܠܝܢ ܘܪܡܝܢ ܒܛܘܪܐ ܕܓܠܒܘܥ

9ܘܫܩܠܘ ܪ̈ܫܝܗܘܢ ܘܫܠܚܘ ܡܐܢ̈ܝܗܘܢ ܘܫܕܪܘ ܠܐܪܥܐ ܕܦܠܫ̈ܬܝܐ ܠܩܘܪ̈ܝܐ ܘܠܡܕ̈ܝܢܬܐ ܘܠܟܪ̈ܟܐ ܠܡܣܒܪܘ ܒܝܬ ܦܬܟܪ̈ܝܗܘܢ ܘܒܥܡܗܘܢ

10ܘܣܡܘ ܡܐܢ̈ܝܗܘܢ ܘܙܝܢܗܘܢ ܒܝܬ ܦܬܟܪ̈ܝܗܘܢ ܘܦܓܪ̈ܝܗܘܢ ܬܠܘ ܒܫܘܪܐ ܕܒܝܬ ܝܫܢ

11ܘܫܡܥܘ ܝܬܒ̈ܝ ܝܒܝܫ ܕܓܠܥܕ ܡܕܡ ܕܥܒܕܘ ܦܠܫ̈ܬܝܐ ܠܫܐܘܠ

12ܘܩܡܘ ܟܠ ܓܒܪ ܡܪܐ ܚܝܠܐ ܘܐܙܠܘ ܟܘܠܗ ܠܠܝܐ ܘܢܣܒܘ ܦܓܪܗ ܕܫܐܘܠ ܘܦܓܪ̈ܐ ܕܒܢ̈ܘܗܝ ܡܢ ܫܘܪܐ ܕܒܝܬ ܝܫܢ ܘܐܝܬܝܘ ܠܝܒܝܫ ܘܐܘܩܕܘ ܐܢܘܢ ܬܡܢ ܘܢܣܒܘ ܓܪ̈ܡܝܗܘܢ ܛܡܪܘ ܬܚܝܬ ܒܛܡܬܐ ܕܒܝܒܝܫ ܘܨܡܘ ܫܒܥܐ ܝܘܡ̈ܝܢ

13ܘܡܝܬ ܫܐܘܠ ܥܠ ܕܟܕܒ ܟܕܒܘܬܐ ܒܡܪܝܐ ܘܡܕܡ ܕܦܩܕܗ ܠܐ ܢܛܪ ܘܐܦ ܫܐܠ ܒܙܟܘܪ̈ܐ

14ܘܒܡܪܝܐ ܐܠܗܗ ܠܐ ܫܐܠ ܘܐܬܝܗܒܬ ܡܠܟܘܬܗ ܠܕܘܝܕ ܒܪ ܐܝܫܝ

1ܘܐܬܟܢܫܘ ܟܠܗܘܢ ܒ̈ܢܝ ܐܝܣܪܐܝܠ ܠܘܬ ܕܘܝܕ ܠܚܒܪܘܢ ܘܐܡ̇ܪܝܢ ܠܗ ܕܡܟ ܚܢܢ ܘܒܣܪܟ

2ܘܐܦ ܐܬܡܠܝ ܘܡܢܬܡܠܝ ܟܕ ܫܐܘܠ ܗܘܐ ܡܠܟܐ ܥܠܝܢ ܐܢܬ ܗܘ ܢ̇ܦܩ ܗܘܝܬ ܘܥܐ̇ܠ ܒܪܝܫܗ ܕܐܝܣܪܝܠ ܘܐܡܪ ܠܟ ܡܪܝܐ ܙܠ ܐܢܬ ܬܪܥܐ ܠܥܡܝ ܐܝܣܪܝܠ ܘܐܢܬ ܬܗܘܐ ܡܕܒܪܢܐ ܥܠ ܟܠܗܘܢ ܫܒ̈ܛܐ ܕܐܝܣܪܝܠ

3ܘܐܬܘ ܟܠܗܘܢ ܫܒ̈ܛܐ ܕܐܝܣܪܝܠ ܠܘܬ ܡܠܟܐ ܠܚܒܪܘܢ ܘܝܡܐ ܠܗܘܢ ܡܠܟܐ ܕܘܝܕ ܡܘܡܬܐ ܒܚܒܪܘܢ ܩܕܡ ܡܪܝܐ ܘܐܩܝܡܘ ܠܕܘܝܕ ܕܢܗܘܐ ܡܠܟܐ ܥܠ ܐܝܣܪܝܠ ܘܐܬܩܝ̈ܡܝ ܡ̈ܠܘܗܝ ܕܫܡܘܐܝܠ ܢܒܝܐ ܕܡܠܠ ܗܘܐ ܒܫܡܗ ܕܡܪܝܐ

4ܘܐܙܠ ܕܘܝܕ ܘܟܘܠܗܘܢ ܒ̈ܢܝ ܐܝܣܪܝܠ ܠܐܘܪܫܠܡ ܕܗܝ ܡܬܩܪܝܐ ܗܘܬ ܝܒܘܣ ܡܢ ܠܘܩܕܡ ܘܬܡܢ ܗܘܘ ܝܒܘܣ̈ܝܐ ܥܡܘܪ̈ܝܗ̇ ܕܐܪܥܐ

5ܘܐܡ̇ܪܝܢ ܐܢܫܐ ܝܬ̈ܒܝ ܝܒܘܣ ܠܕܘܝܕ ܠܐ ܬܥܘܠ ܠܗܪܟܐ ܘܟܢܫ ܕܘܝܕ ܠܟܠܗ ܥܡܐ ܘܟܒܫ ܠܩܘܪ̈ܝܐ ܕܨܗܝܘܢ ܗܢ̈ܝܢ ܗܠܝܢ ܐܬܩܪ̈ܝ ܩܘܪ̈ܝܐ ܕܕܘܝܕ

6ܗܝܕܝܢ ܐܡܪ ܕܘܝܕ ܟܠ ܡ̇ܢ ܕܢܩܛܘܠ ܠܘܩܕܡ ܓܒܪܐ ܝܒܘܣܝܐ ܗܘ ܢܗܘܐ ܪܫܐ ܘܪܒ ܚܝܠܐ ܘܣܠܩ ܝܘܐܒ ܒܪ ܨܘܪܝܐ ܠܘܩܕܡ ܘܐܩܝܡܗ ܡܠܟܐ ܕܘܝܕ ܪܫܐ ܘܪܒ ܚܝܠܐ

7ܘܝܬܒ ܕܘܝܕ ܒܩܘܪ̈ܝܐ ܕܨܗܝܘܢ ܡܛܠ ܗܢܐ ܩ̇ܪܝܢ ܗܘܘ ܠܗܝܢ ܩܘܪ̈ܝܐ ܕܕܘܝܕ

8ܘܒܢܐ ܕܘܝܕ ܚܕܪ̈ܝܗ̇ ܕܩܪܝܬܐ ܡܢ ܚܐܪܝܬܐ ܘܠܒܪ ܘܝܗܒ ܕܘܝܕ ܝܡܝܢܐ ܠܫܪܟܐ ܕܒ̈ܢܝ ܐܢܫ̈ܐ ܕܐܝܬ ܒܩܘܪ̈ܝܐ

9ܘܕܘܝܕ ܐܙ̇ܠ ܗܘܐ ܘܥ̇ܬܪ ܘܡܪܝܐ ܚܝܠܬܢܐ ܥܡܗ

10ܘܗܠܝܢ ܪ̈ܝܫܐ ܕܓܒܪ̈ܐ ܕܕܘܝܕ ܕܡܥܫܢܝܢ ܗܘܘ ܥܡܗ ܒܡܠܟܘܬܗ ܠܡܩܡܘܬܗ ܡܠܟܐ ܥܠ ܟܠܗ ܐܝܣܪܝܠ ܐܝܟ ܡܠܬܗ ܕܡܪܝܐ ܕܡܠܠ ܥܠ ܐܝܣܪܝܠ

11ܘܗܠܝܢ ܡܢܝ̈ܢܐ ܕܓܒܪ̈ܘܗܝ ܕܕܘܝܕ ܕܝܬܒ ܒܡܘܬܒܐ ܩܕܡܝܐ ܪܫܐ ܕܬܠܬܝܢ ܗܘܝܘ ܓܕܝܢܘ ܓܢܒܪܐ ܗܘ ܫܡܛ ܪܘܡܚܗ ܘܩܛܠ ܬܡܢܡܐܐ ܓܒܪ̈ܝܢ ܒܫܥܬܐ ܚܕܐ

12ܒܬܪܗ ܗܘܐ ܐܠܝܥܙܪ ܒܪ ܕܕܗ ܡܢ ܕܚܘܚ ܩܪܝܬܐ ܗܘ ܗܘܐ ܥܠ ܬܠܬܡܐܐ ܓܒܪ̈ܝܢ

13ܟܕ ܗܘܐ ܥܡ ܕܘܝܕ ܒܦܣܕܡ̈ܝܐ ܘܦܠܫ̈ܬܝܐ ܥ̇ܒܕܝܢ ܗܘܘ ܬܡܢ ܩܪܒܐ ܘܗܘܬ ܬܡܢ ܚܩܠܐ ܚܕܐ ܕܙܪܝܥܐ ܣܥܪ̈ܐ ܘܥܡܐ ܐܬܒܕܪܘ ܡܢ ܩܕܡ ܦܠܫ̈ܬܝܐ

14ܘܩܡܘ ܒܓܘ ܚܩܠܐ ܘܦܨܝܘܗ̇ ܘܚܪܒܘ ܠܦܠܫ̈ܬܝܐ ܘܥܒܕ ܡܪܝܐ ܢܨܚܢܐ ܪܒܐ

15ܘܢܚܬܘ ܬܠܬܐ ܡܢ ܓܒܪ̈ܐ ܠܘܬ ܕܘܝܕ ܠܡܥܪܬܐ ܕܓܬܡ ܘܡܫܪ̈ܝܬܐ ܕܦܠܫ̈ܬܝܐ ܫܪ̈ܝܢ ܗܘ̈ܝ ܒܦܩܥܬܐ ܕܓܢܒܪ̈ܐ

16ܘܕܘܝܕ ܫܪܐ ܗܘܐ ܒܡܫܟܢܐ ܘܓܢܒܪ̈ܐ ܕܦܠܫ̈ܬܝܐ ܒܝܬ ܠܚܡ

17ܘܐܬܪܓܪܓ ܕܘܝܕ ܘܐܡܪ ܡ̇ܢ ܕܝܢ ܝܗܒ ܠܝ ܡ̈ܝܐ ܐܫܬܝܬ ܡܢ ܓܘܒܐ ܪܒܐ ܕܒܝܬ ܠܚܡ ܕܐܝܬ ܒܬܪܥܐ ܕܩܪܝܬܐ

18ܘܒܗ̇ ܒܫܥܬܐ ܫܡܥܘ ܬܠܬܐ ܓܒܪ̈ܝܢ ܘܨܪܘ ܘܥܠܘ ܒܡܫܪ̈ܝܬܐ ܕܦܠܫ̈ܬܝܐ ܘܐܙܠܘ ܘܡܠܘ ܡ̈ܝܐ ܡܢ ܓܘܒܐ ܪܒܐ ܕܐܝܬ ܒܝܬ ܠܚܡ ܒܬܪܥܐ ܕܩܪܝܬܐ ܘܢܣܒܘ ܘܐܝܬܝܘ ܘܝܗܒܘ ܠܕܘܝܕ ܘܠܐ ܨܒܐ ܠܡܫܬܐ ܐܢܘܢ ܘܢܣܟ ܐܢܘܢ ܩܕܡ ܡܪܝܐ

19ܘܐܡܪ ܚܣ ܠܝ ܡܢ ܡܪܝܐ ܕܐܥܒܕ ܗܕܐ ܩܕܡ ܐܠܗܝ ܐܢܫܐ ܗܠܝܢ ܢܦܩܘ ܐܙܠܘ ܥܠ ܕܡܐ ܕܨܘܪ̈ܝܗܘܢ ܘܠܐ ܨܒܐ ܠܡܫܬܐ ܐܢܘܢ ܗܠܝܢ ܥܒܕܘ ܬܠܬܐ ܓܒܪ̈ܝܢ

20ܘܐܒܝܫܝ ܐܚܘܗܝ ܕܝܘܐܒ ܗܘ ܗܘܐ ܪܫܐ ܕܬܠܬܝܢ ܘܗܘ ܫܡܛ ܪܘܡܚܐ ܥܠ ܬܠܬܡܐܐ ܩܛܝ̈ܠܝܢ ܘܠܗ ܐܝܬ ܗܘܐ ܐܝܩܪܐ ܥܠ ܬܠܬܝܢ

21ܘܡܢ ܬܠܬܝܢ ܡܝܩܪ ܗܘܐ ܘܗܘܐ ܥܠܝܗܘܢ ܪܫܐ ܘܩܪܒܐ ܐܝܟ ܬܠܬܝܢ ܥܒܕ ܗܘܐ

22ܒܢܝܐ ܒܪ ܝܘܝܕܥ ܓܒܪܐ ܓܢܒܪ ܚܝܠܐ ܕܫܦܝܪܝܢ ܗܘܘ ܥܒ̇ܕܘ̈ܗܝ ܡܢ ܟܪܟܐ ܕܩܒܨܐܝܠ ܗܘ ܚܪܒ ܠܬܪ̈ܝܢ ܓܢܒܪ̈ܝܢ ܕܡܘܐܒ ܘܗܘ ܢܚܬ ܘܩܛܠ ܠܐܪܝܐ ܒܓܘ ܥܒܐ ܒܝܘܡܐ ܕܬܠܓܐ

23ܘܗܘ ܩܛܠ ܠܓܒܪܐ ܡܨܪܝܐ ܓܒܪܐ ܡܪܐ ܚܝܠܐ ܕܐܪܝܟ ܗܘܐ ܚܡܫ ܐܡ̈ܝܢ ܘܒܐܝܕܗ ܕܡܨܪܝܐ ܐܝܬ ܗܘܐ ܪܘܡܚܐ ܕܗ̇ܘܐ ܗܘܐ ܥܒܝܐ ܕܫܢܢܗ̇ ܐܝܟ ܢܘܠܐ ܕܓܪ̈ܕܝܝܐ ܘܢܚܬ ܥܠܘܗܝ ܒܚܘܛܪܐ ܘܢܣܒܗ̇ ܠܪܘܡܚܐ ܡܢ ܐܝܕܘ̈ܗܝ ܕܡܨܪܝܐ ܘܩܛܠܗ ܒܗ̇ ܒܪܘܡܚܐ

24ܗܠܝܢ ܟܠܗܝܢ ܥܒܕ ܒܢܝܐ ܒܪ ܝܘܝܕܥ ܘܠܗ ܐܝܬ ܗܘܐ ܫܡܐ ܝܬܝܪ ܡܢ ܬܠܬܐ ܓܒܪ̈ܝܢ

25ܘܡܢ ܬܠܬܐ ܓܝܪ ܡܝܩܪ ܗܘܐ ܘܩܐܪܣܐ ܐܝܟ ܬܠܬܐ ܥܒܕ ܗܘܐ ܘܐܩܝܡܗ ܕܘܝܕ ܕܢܗܘܐ ܢܛܘܪܐ ܥܠ ܪܘܡܚܗ

26ܘܥܠ ܓܢܒܪ̈ܝ ܚܝܠܐ ܥܫܐܝܠ ܐܚܘܗܝ ܕܝܘܐܒ ܐܠܚܢܢ ܒܪ ܕܕܗ ܡܢ ܒܝܬ ܠܚܡ

27ܫܡܘܬ ܡܢ ܛܘܪ ܡܠܟܐ ܚܠܨ ܕܡܢ ܦܠܛܘܢ

28ܥܝܪܐ ܒܪ ܥܩܝܣ ܕܡܢ ܬܩܘܥ ܐܒܝܥܙܪ ܕܡܢ ܥܢܬܘܬ

29ܣܒܝ ܕܡܢ ܚܘܫܬ ܥܠܝ ܕܡܢ ܚܘܚ

30ܡܗܪܝ ܕܡܢ ܢܛܘܦܬ ܚܠܕ ܒܪ ܒܥܢܐ ܕܡܢ ܢܛܘܦܬ

31ܐܬܝ ܒܪ ܪܒܝ ܕܡܢ ܓܒܥܬܐ ܕܒ̈ܢܝ ܒܢܝܡܝܢ ܒܢܝܐ ܒܪ ܦܪܥܬܘܢ

32ܚܕܝ ܕܡܢ ܢܚܝܠܓܫ ܐܒܝܐܝܠ ܕܡܢ ܥܪܒܬܘܢ

33ܥܘܙܒܢ ܕܡܢ ܡܪܚܡ ܐܠܝܦܐ ܕܡܢ ܫܠܒܡ

34ܒ̈ܢܝ ܫܝܡ ܕܡܢ ܥܙܘܢ ܝܘܢܬܢ ܒܪ ܫܓܐ ܕܡܢ ܛܘܪ ܟܪܡܠܐ

35ܐܚܝܪܡ ܒܪ ܣܟܡ ܕܡܢ ܛܘܪ ܒܝܬܐ ܐܠܝܦܘܢ ܒܪ ܐܕܘ ܕܡܢ ܒܓܪܬܘܢ

36ܚܦܪ ܕܡܢ ܡܟܪܬܝܡ ܐܚܝܐ ܕܡܢ ܚܨܪ

37ܚܨܪܝ ܕܡܢ ܟܪܡܠܐ ܠܥܙܪ ܕܡܢ ܐܘܒܕ

38ܝܘܐܝܠ ܐܚܘܗܝ ܕܝܘܢܬܢ ܡܟܚܕ ܡܢ ܓܕ

39ܨܠܩ ܥܡܘܢܝܐ ܡܚܙܝ ܒܝܪܬܝܐ ܫ̇ܩ̈ܠܝ ܡܐܢ̈ܝ ܙܝܢܗ ܕܝܘܐܒ ܒܪ ܨܘܪܝܐ

40ܥܝܪܐ ܕܡܢ ܝܬܝܪ ܥܪܒ ܕܡܢ ܝܬܪ

41ܐܘܪܝܐ ܚܝܬܝܐ ܙܒܕܝ ܒܪ ܐܚܠܝ

42ܓܕܝܢܘ ܒܪ ܫܐܪܐ ܡܢ ܫܒܛܐ ܕܒܝܬ ܪܘܒܝܠ ܗܘܝܘ ܪܫܐ ܕܫܒܛܐ ܕܒܝܬ ܪܘܒܝܠ ܘܗܘܝܘ ܫܠܝܛ ܥܠ ܓܒܪ̈ܐ ܬܠܬܝܢ

43ܝܘܫܦܛ

44ܕܡܢ ܥܣܬܪܘܬ ܫܡܥ ܘܥܡܐܝܠ ܒ̈ܢܝ ܚܘܬܡ ܕܡܢ ܥܪܥܪܘܬ

45ܝܕܥܐܝܠ ܒܪ ܫܡܪܝ ܘܝܘܚܐ ܐܚܘܗܝ ܥܡܘܙܘܬ

46ܘܥܢܐܝܠ ܡܚܘܝܡ ܡܘܨܝܠ ܪܝܒܝ ܘܐܢܫܘܐ ܒܪܗ ܐܚܡܐܝܠ ܘܝܬܡܐ ܡܘܐܒܝܐ

47ܐܠܝܠ ܘܝܬܡܐ ܘܥܘܒܝܪ ܠܥܣܐܝܠ ܘܐܫܟܝܪ

1ܗܠܝܢ ܟܠܗܘܢ ܓܢܒܪ̈ܘܗܝ ܕܕܘܝܕ ܕܩ̇ܝܡܝܢ ܗܘܘ ܥܡܗ ܒܩܪܒܐ ܘܗܠܝܢ ܕܥܠܘ ܥܡ ܕܘܝܕ ܠܨܢܩܠܓ ܩܪܝܬܐ ܟܕ ܗܘ ܥ̇ܪܩ ܡܢ ܩܕܡ ܫܐܘܠ ܒܪ ܩܝܫ ܘܗܢܘܢ ܒܓܢܒܪܘܬܐ ܩ̇ܝܡܝܢ ܗܘܘ ܟܠܗܘܢ ܓܒܪ̈ܘܗܝ ܕܕܘܝܕ ܘܐܠܘ ܨܒܐ ܩ̇ܛܠܝܢ ܗܘܘ ܠܗ ܠܫܐܘܠ ܒܪ ܩܝܫ ܡܛܠ ܕܓܢܒܪ̈ܝܢ ܗܘܘ ܘܓܒܪ̈ܐ ܗܘܘ ܥ̇ܒܕ̈ܝ ܩܪܒܐ ܘܠܐ ܨܒܐ ܕܘܝܕ ܠܡܫܒܩ ܐܢܘܢ ܠܡܩܛܠܗ ܠܫܐܘܠ

2ܡܛܠ ܕܐܚܝܕܝܢ ܗܘܘ ܩܫ̈ܬܬܐ ܒܣܡ̈ܠܝܗܘܢ ܘܣܝܦ̈ܐ ܒܝܡ̈ܝܢܝܗܘܢ ܘܩܫ̈ܬܬܗܘܢ ܡ̈ܠܝܢ ܗܘ̈ܝ ܒܓܐܪ̈ܐ ܘܠܐ ܨܒܐ ܕܘܝܕ ܠܡܩܛܠܗ ܠܫܐܘܠ ̇—̇— ܕܗܘ ܗܘܐ ܪܫܐ ܕܫܒܛܐ ܕܒܝܬ ܒܢܝܡܝܢ

3ܘܗܠܝܢ ܫܡܗ̈ܐ ܕܓܒܪ̈ܘܗܝ ܕܕܘܝܕ ܕܗܘܘ ܥܡܗ ܐܚܝܥܙܪ ܘܝܘܐܫ ܒܪܗ ܘܝܘܐܝܠ ܕܡܢ ܡܣܟܐ ܫܡܥܝܐ ܕܡܢ ܓܒܥܬ ܦܠܛ ܘܒܪܟܝܐ ܒ̈ܢܝ ܥܪܘܒܬ ܝܗܘ ܕܡܢ ܥܢܬܘܬ

4ܫܡܥܝܐ ܕܡܢ ܓܒܥܘܢ ܗܘ ܗܘܐ ܫܠܝܛ ܥܠ ܬܠܬܝܢ ܘܥܒܕ ܩܪܒܐ ܐܝܟ ܟܠܗܘܢ

5ܐܪܡܝܐ ܢܚܙܐܝܠ ܙܒܘܪ ܥܕܪ

6ܥܕܝ ܝܪܡܘܬ ܒܥܠܝܐ ܥܙܝ ܫܡܪܝܐ ܫܦܛܝܐ ܚܒܪ

7ܐܠܩܢܐ ܝܘܫܐ ܥܙܪܐܝܠ ܫܒܢܐ ܐܣܦ

8ܝܘܐܚ ܙܟܪܝܐ ܒܢ̈ܘܗܝ ܕܝܪܚܘܡ ܕܡܢ ܓܕܪ

9ܘܡܢ ܫܒܛܐ ܕܒܝܬ ܓܕ ܐܬܓܒܝܘ ܠܕܘܝܕ ܠܡܦܩ ܥܡܗ ܠܡܨܪܘܬ ܕܒܡܕܒܪܐ ܓܒܪ̈ܐ ܓܢܒܪ̈ܝ ܚܝܠܐ ܘܥܫ̈ܝܢܝ ܒܩܘܡ̈ܬܐ ܘܓܒܪ̈ܐ ܡܪ̈ܝ ܚܝܠܐ ܠܩܐܪܣܐ ܐܚ̈ܝܕܝ ܣܝܦ̈ܐ ܘܣܟܪ̈ܐ ܓܘܢܐ ܕܐܪ̈ܝܘܬܐ ܓܘܢܗܘܢ ܘܡܐ ܕܡܬܟܬܫܝܢ ܥܠ ܛܘܪܐ ܥܩܪܝܢ ܠܗ

10ܥܙܪܝܐ ܪܝܫܐ ܕܓܢܒܪ̈ܐ ܥܘܒܕܝܐ ܬܢܝܢܐ ܐܠܝܒ ܬܠܝܬܝܐ

11ܐܫܘ ܪܒܝܥܝܐ ܐܪܡܝܐ ܚܡܝܫܝܐ

12ܥܬܪ ܫܬܝܬܝܐ ܐܠܝܠ ܫܒܝܥܝܐ

13ܝܘܚܢܢ ܬܡܝܢܝܐ ܐܠܝܙܒܪ ܬܫܝܥܝܐ

14ܡܟܘܢ ܥܣܝܪܝܐ ܫܦܛܝܐ ܕܚܕܥܣܪ

15ܗܠܝܢ ܡܢ ܒܢ̈ܘܗܝ ܕܓܕ ܪ̈ܝܫܝ ܚܝܠܐ ܕܫܠܝܛܝܢ ܗܘܘ ܚܕ ܥܠ ܡܐܐ ܘܐܚܪ̈ܢܐ ܫܠܝܛܝܢ ܗܘܘ ܚܕ ܥܠ ܐܠܦ

16ܗܠܝܢ ܐܢܘܢ ܕܥܒܪܘܗܝ ܠܝܘܪܕܢܢ ܒܝܪܚ ܢܝܣܢ ܟܕ ܡܠܐ ܥܕܡܐ ܠܣܦܬܗ ܘܐܥܪܩܘ ܗܘܘ ܠܟܠܗ ܚܝܠܐ ܕܫܪܐ ܗܘܐ ܒܦܩܥܬܐ ܠܡܕܢܚܐ ܘܠܡܥܪܒܐ ܘܗܠܝܢ ܡܢ̈ܝܢܐ ܕܪ̈ܝܫܝ ܚܝܠܐ ܕܐܬܘ ܘܐܬܟܢܫܘ ܠܘܬ ܕܘܝܕ ܠܚܒܪܘܢ ܠܡܬܠ ܠܗ ܡܠܟܘܬܐ ܕܫܐܘܠ ܕܬܫܠܡ ܡܠܬܗ ܕܫܡܘܐܝܠ ܢܒܝܐ ܕܡܠܠ ܡܢ ܦܘܡܗ ܕܡܪܝܐ

17ܘܐܬܘ ܡܢ ܒ̈ܢܝ ܒܢܝܡܝܢ ܘܡܢ ܒ̈ܢܝ ܝܗܘܕܐ ܥܕܡܐ ܕܡܛܝܘ ܠܡܫܪܝܬܐ ܠܘܬ ܕܘܝܕ

18ܘܢܦܩ ܕܘܝܕ ܠܐܘܪܥܗܘܢ ܘܒܪܟ ܐܢܘܢ ܘܐܡܪ ܠܗܘܢ ܐܢܗܘ ܕܠܫܠܡܐ ܐܬܝܬܘܢ ܘܠܡܥܕܪܘܬܢ ܡܪܝܐ ܢܬܠ ܠܟܘܢ ܚܕ ܬܪܝܢ ܥܠ ܡܕܡ ܕܐܝܬ ܒܠܒܟܘܢ ܘܐܢ ܗܘ ܕܠܡܟܠܢܝ ܐܬܝܬܘܢ ܘܠܡܫܠܡܘܬܢܝ ܠܣܢܐ̈ܝ ܡܛܠ ܕܡܕܡ ܠܐ ܚܛܝܬ ܠܟܘܢ ܐܦܠܐ ܐܝܬ ܡܕܡ ܕܣܢܐ ܒܐܝܕ̈ܝ ܝܕ̇ܥ ܗܘ ܓܝܪ ܐܠܗܐ ܕܐܒܗ̈ܬܝ ܘܗܘ ܢܟܣ ܒܝܢܬܢ ܠܡ̇ܢ ܕܡܣܟܠ ܒܚܒܪܗ

19ܘܪܘܚܐ ܕܓܢܒܪܘܬܐ ܠܒܫܬ ܠܥܡܣܐ ܒܪ ܝܬܪ ܪܫܐ ܕܬܠܬܝܢ ܘܥܢܐ ܘܐܡܪ ܠܕܘܝܕ ܬܐ ܠܟ ܕܘܝܕ ܬܐ ܠܟ ܒܪ ܐܝܫܝ ܘܐܦ ܐܢܐ ܥܡܟ ܫܠܡ ܠܟ ܠܐ ܬܕܚܠ ܘܫܠܡܐ ܐܬܝܗܒ ܠܟ ܡܢ ܩܕܡ ܡܥܕܪܢܟ ܡܛܘܠ ܕܥܕܘܪܟ ܓܝܪ ܒܟܠ ܫܥܐ ܐܠܗܟ ܗܘ ܘܩ̇ܒܠ ܐܢܘܢ ܕܘܝܕ ܘܐܩܝܡ ܐܢܘܢ ܕܘܝܕ ܒܪܫܐ ܕܚܝܠܐ

20ܘܡܢ ܫܒܛܐ ܕܒܝܬ ܡܢܫܐ ܐܙܠܘ ܥܡ ܕܘܝܕ ܟܕ ܐ̇ܙܠ ܗܘܐ ܠܡܥܒܕ ܩܪܒܐ ܥܡ ܦܠܫ̈ܬܝܐ ܘܥܡ ܫܐܘܠ ܠܐ ܨܒܘ ܗܘܘ ܠܡܐܙܠ ܠܩܪܒܐ ܠܡܥܕܪܘܬܗ ܠܫܐܘܠ ܡܛܠ ܕܣ̇ܢܝܢ ܗܘܘ ܠܗ ܡܛܠ ܕܐܪܙܐ ܐܙܠܘ ܩܛܪܘ ܥܡ ܪ̈ܘܪܒܢܐ ܕܦܠܫ̈ܬܝܐ ܘܐ̇ܡܪܝܢ ܠܗܘܢ ܚܢܢ ܢܐܙܠ ܩܕܡܝܬ ܘܢܦܠ ܥܠ ܫܐܘܠ ܡܪܢ

21ܟܕ ܐ̇ܙܠ ܠܨܢܩܠܓ ܘܢܫܪܐ ܥܠܘܗܝ ܘܢܐܚܕܝܘܗܝ ܟܕ ܚܝ ܘܗܠܝܢ ܫܡ̈ܗܝܗܘܢ ܥܕܐ ܙܒܘܪ ܝܕܥܝܠ ܡܢܟܝܠ ܐܠܝܗܘ ܘܝܘܙܒܪ ܪ̈ܫܐ ܕܐ̈ܠܦܐ ܕܒܝܬ ܡܢܫܐ

22ܘܗܢܘܢ ܐܙܠܘ ܗܘܘ ܘܥܕܪܘ ܠܕܘܝܕ ܟܕ ܐ̇ܙܠ ܗܘܐ ܥܠ ܓܝܣܐ ܡܛܠ ܕܟܠܗܘܢ ܓܢܒܪ̈ܝܢ ܗܘܘ ܒܚܝܠܗܘܢ ܛܒ ܘܗܘܘ ܫܠܝܛܝܢ ܥܠ ܟܠܗ ܚܝܠܐ ܘܐܝܟܢܐ ܕܨ̇ܒܝܢ ܗܘܘ ܥ̇ܒܕܝܢ ܗܘܘ ܒܗ

23ܘܟܘܠ ܝܘܡ ܒܝܘܡ ܥ̇ܐܠܝܢ ܗܘܘ ܩܕܡ ܕܘܝܕ ܠܡܐܟܠ ܩܕܡܘܗܝ ܠܚܡܐ ܡܛܠ ܕܪܚ̇ܡ ܗܘܐ ܠܗܘܢ ܛܒ

25ܒܢ̈ܘܗܝ ܕܝܗܘܕܐ ܫ̇ܩ̈ܠܝ ܣܟܪ̈ܐ ܘܐܚ̈ܝܕܝ ܪ̈ܘܡܚܐ ܫܬܐ ܐ̈ܠܦܝܢ ܘܬܡܢܡܐܐ ܓܢܒܪ̈ܝ ܚܝܠܐ ܠܩܪܒܐ

26ܘܡܢ ܒ̈ܢܝ ܫܡܥܘܢ ܓܢܒܪ̈ܝ ܚܝܠܐ ܠܩܪܒܐ ܬܡܢܝܐ ܐ̈ܠܦܝܢ ܘܫܒܥܡܐܐ

27ܘܡܢ ܒ̈ܢܝ ܠܘܝ ܐܪ̈ܒܥܐ ܐ̈ܠܦܝܢ ܘܫܬܡܐܐ

28ܝܘܝܕܥ ܪܒܐ ܗܘܐ ܕܫܪܒܬܗ ܕܐܗܪܘܢ ܘܕܥܡܗ ܬܠܬܐ ܐ̈ܠܦܝܢ ܘܫܒܥܡܐܐ

29ܘܨܕܘܩ ܥܠܝܡܐ ܓܢܒܪ ܚܝܠܐ ܘܒܝܬ ܐܒܘܗܝ ܘܐܚ̈ܘܗܝ ܪ̈ܘܪܒܢܐ ܥܣܪ̈ܝܢ ܘܬܪ̈ܝܢ

30ܘܡܢ ܒܢ̈ܘܗܝ ܕܒܢܝܡܝܢ ܐܚ̈ܘܗܝ ܕܫܐܘܠ ܐ̈ܠܦܐ ܬܠܬܐ ܘܥܕܡܐ ܠܝܘܡܐ ܕܐܬܩܛܠ ܫܐܘܠ ܗܢܘܢ ܗܘܘ ܢ̇ܛܪ̈ܝ ܡܛܪܬܐ ܕܒܝܬܗ ܕܫܐܘܠ

31ܘܡܢ ܒ̈ܢܝ ܐܦܪܝܡ ܥܣܪ̈ܝܢ ܐ̈ܠܦܝܢ ܘܬܡܢܡܐܐ ܓܒܪ̈ܐ ܓܢܒܪ̈ܝ ܚܝܠܐ ܓܒܪ̈ܐ ܕܫܡ̈ܗܬܐ ܠܫܪ̈ܒܬܗܘܢ ܠܒܝܬ ܐܒ̈ܗܝܗܘܢ

32ܘܡܢ ܦܠܓܘܬ ܫܒܛܐ ܕܡܢܫܐ ܬܡܢܬܥܣܪ ܐ̈ܠܦܝܢ ܓܒܪ̈ܝܢ ܐܢܫܐ ܕܗܢܘܢ ܐܬܩܪܝܘ ܒܫܡ̈ܗܬܐ ܘܗܢܘܢ ܐܬܘ ܠܡܩܡܘ ܠܘܩܕܡ ܠܕܘܝܕ ܒܡܠܟܘܬܐ

33ܘܡܢ ܒ̈ܢܝ ܐܝܣܟܪ ܝ̇ܕܥ̈ܝ ܚܟܡܬܐ ܒܙ̈ܒܢܝܗܘܢ ܘܥ̈ܒ̇ܕܝ ܥ̈ܒ̇ܕܐ ܫܦܝܪ̈ܐ ܘܬܪ̈ܝܨܐ ܩܕܡ ܡܪܝܐ ܪ̈ܫܝܗܘܢ ܡܐܬܝܢ ܘܟܠܗܘܢ ܐܚ̈ܝܗܘܢ ܡܕܡ ܕܐ̇ܡܪܝܢ ܗܘܘ ܠܗܘܢ ܗ̇ܘ ܗܘ ܥ̇ܒܕܝܢ ܗܘܘ

34ܘܡܢ ܫܒܛܐ ܕܒܝܬ ܙܒܘܠܘܢ ܢܦܩܘ ܓܒܪ̈ܐ ܓܢܒܪ̈ܝ ܚܝܠܐ ܥ̇ܒ̈ܕܝ ܩܪܒܐ ܒܟܠܗ ܠܒܗܘܢ ܘܒܡܐ̈ܢܝ ܙܝܢܗܘܢ ܚܡܫܝܢ ܐ̈ܠܦܝܢ ܠܡܥܒܕ ܩܪܒܐ ܥܡ ܐܝܠܝܢ ܕܦܠܝܓܝܢ ܗܘܘ ܥܠ ܡܠܟܘܬܗ ܕܕܘܝܕ

35ܘܡܢ ܒ̈ܢܝ ܢܦܬܠܝ ܪ̈ܘܪܒܢܐ ܐܠܦ ܘܐܝܬ ܗܘܘ ܥܡܗܘܢ ܓܒܪ̈ܐ ܐܚ̈ܝܕܝ ܣܟܪ̈ܐ ܘܪ̈ܘܡܚܐ ܬܠܬܝܢ ܘܫܒܥܐ ܐ̈ܠܦܝܢ

36ܘܡܢ ܕܒܝܬ ܕܢ ܢܦܩܘ ܓܒܪ̈ܐ ܥ̇ܒܕ̈ܝ ܩܪܒܐ ܥܣܪ̈ܝܢ ܘܬܡܢܝܐ ܐ̈ܠܦܝܢ ܘܫܬܡܐܐ

37ܘܡܢ ܕܒܝܬ ܐܫܝܪ ܢܦܩܘ ܓܒܪ̈ܐ ܓܢܒܪ̈ܝ ܚܝܠܐ ܠܡܥܒܕ ܩܪܒܐ ܐܪ̈ܒܥܝܢ ܐ̈ܠܦܝܢ

38ܘܡܢ ܥܒܪܐ ܕܝܘܪܕܢܢ ܡܢ ܫܒܛܐ ܕܒܝܬ ܪܘܒܝܠ ܘܡܢ ܓܕ ܘܡܢ ܦܠܓܘܬ ܫܒܛܐ ܕܡܢܫܐ ܟܕ ܡܙܝܢܝܢ ܒܡܐ̈ܢܝ ܩܪܒܗܘܢ ܡܐܐ ܘܥܣܪ̈ܝܢ ܐ̈ܠܦܝܢ

39ܟܠܗܘܢ ܗܠܝܢ ܢܚܬܘ ܠܩܪܒܐ ܓܒܪ̈ܐ ܓܢܒܪ̈ܝ ܚܝܠܐ ܒܠܒܐ ܫܪܝܪܐ ܘܐܬܘ ܠܚܒܪܘܢ ܠܡܩܡܘ ܠܕܘܝܕ ܒܡܠܟܘܬܐ ܥܠ ܟܘܠܗ ܐܝܣܪܝܠ ܘܐܦ ܟܠܗܘܢ ܪ̈ܘܪܒܢܐ ܕܐܝܣܪܝܠ ܐܬܘ ܒܠܒܐ ܫܪܝܪܐ ܠܡܩܡܘ ܠܕܘܝܕ ܡܠܟܐ ܥܠ ܐܝܣܪܝܠ

40ܘܗܘܘ ܬܡܢ ܠܘܬ ܕܘܝܕ ܝܘܡ̈ܬܐ ܬܠܬܐ ܐ̇ܟܠܝܢ ܗܘܘ ܘܫ̇ܬܝܢ ܡܛܠ ܕܝܗܒܘ ܗܘܘ ܠܗܘܢ ܐ̈ܚܝܗܘܢ ܣܝܒܪ̈ܬܗܘܢ

41ܘܗܠܝܢ ܫ̈ܡܗܐ ܕܫܒ̈ܛܐ ܕܡܝܬܝܢ ܗܘܘ ܠܗܘܢ ܕܩܪܝܒܝܢ ܠܗܘܢ ܫܒܛܐ ܕܒܝܬ ܐܝܣܟܪ ܘܕܒܝܬ ܙܒܘܠܘܢ ܘܕܒܝܬ ܢܦܬܠܝ ܡܝܬܝܢ ܗܘܘ ܠܚܡܐ ܒܚܡܪ̈ܐ ܘܒܓܡ̈ܠܐ ܘܒܟܘ̈ܕܢܘܬܐ ܘܩܡܚܐ ܘܕܒ̈ܠܐ ܘܩܪ̈ܬܠܘܬܐ ܕܥܢ̈ܒܐ ܘܚܡܪܐ ܘܡܫܚܐ ܘܥ̈ܢܐ ܘܬܘܪ̈ܐ ܣܘܓܐܐ ܕܛܒ ܡܛܠ ܕܚܕܘܬܐ ܪܒܬܐ ܗܘܬ ܠܐܝܣܪܝܠ

1ܘܐܬܡܠܟ ܕܘܝܕ ܥܡ ܪ̈ܘܪܒܢܐ ܕܐ̈ܠܦܐ ܘܡܐ̈ܘܬܐ ܘܟܠܗܘܢ ܪ̈ܘܪܒܢܐ ܘܡܕܒܪ̈ܢܐ ܘܫ̈ܠܝܛܢܐ ܕܐܝܣܪܝܠ

2ܘܐܡܪ ܕܘܝܕ ܠܟܠܗܝܢ ܟܢܘ̈ܫܬܐ ܕܐܝܣܪܝܠ ܐܢܗܘ ܕܫܦܝܪ ܒܥܝ̈ܢܝܟܘܢ ܢܒܥܐ ܡܢ ܡܪܝܐ ܐܠܗܢ ܕܢܣܝܓ ܠܢ ܬܘܪ̈ܥܬܐ ܕܐܚ̈ܝܢ ܕܩ̇ܝܡܝܢ ܒܟܠܗܝܢ ܩܘܪ̈ܝܐ ܕܐܝܣܪܝܠ ܘܢܘܬܒ ܥܡܗܘܢ ܟܗ̈ܢܐ ܘܠܘ̈ܝܐ ܒܩܘܪ̈ܝܗܘܢ ܘܒܟܦܪ̈ܘܢܝܗܘܢ ܘܢܬܟܢܫܘܢ ܘܢܐܬܘܢ ܠܘܬܢ

3ܘܢܨܠܘܢ ܩܕܡ ܡܪܝܐ ܐܠܗܢ ܘܢܒܥܐ ܡܢܗ ܥܠ ܚ̈ܛܗܝܢ ܡܛܠ ܕܠܐ ܨ̇ܠܝܢ ܗܘܝܢ ܩܕܡܘܗܝ ܒܝܘܡ̈ܬܐ ܕܫܐܘܠ

4ܘܐܡܪ̈ܢ ܟܠܗܝܢ ܟܢܘܫ̈ܬܐ ܠܡܥܒܕ ܗܟܢܐ

5ܘܟܢܫ ܕܘܝܕ ܠܟܠܗ ܐܝܣܪܝܠ ܡܢ ܢܗܪܐ ܕܡܨܪܝܢ ܘܥܕܡܐ ܠܡܥܠܢܐ ܕܐܢܛܝܘܟܝ ܠܡܝܬܝܘ ܩܒܘܬܗ ܕܡܪܝܐ ܡܢ ܩܘܪܝܬ ܢܥܪ̈ܝܢ

6ܘܣܠܩ ܕܘܝܕ ܘܟܠܗ ܐܝܣܪܝܠ ܠܩܘܪܝܬ ܢܥܪ̈ܝܢ ܕܐܝܬ ܒܬܚܘܡ ܐܪܥ ܫܒܛܐ ܕܝܗܘܕܐ ܠܡܣܩܘ ܡܢ ܬܡܢ ܠܩܒܘܬܗ ܕܡܪܝܐ ܐܠܗܐ ܕܝܬ̇ܒ ܥܠ ܟܪ̈ܘܒܐ ܥ̈ܠܝܐ ܕܐܬܩܪܝ ܫܡܗ ܥܠܘܗܝ

7ܘܣܡ ܩܒܘܬܗ ܕܡܪܝܐ ܒܥܓܠܬܐ ܚܕܬܐ ܘܫܩܠܘܗ̇ ܘܢܦܩܘ ܡܢ ܒܝܬ ܐܒܝܢܕܒ ܘܥܐܙܐ ܘܐܚܘܗܝ ܕܒ̇ܪܝܢ ܗܘܘ ܥܓܠܬܐ

8ܘܕܘܝܕ ܘܟܠܗ ܐܝܣܪܝܠ ܡܫܒܚܝܢ ܗܘܘ ܩܕܡ ܡܪܝܐ ܒܥܫܝܢܘܬܐ ܘܒܬܫ̈ܒܚܬܐ ܘܒܟܢܪ̈ܐ ܘܒܪ̈ܒܝܥܐ ܘܒܨ̈ܨܠܐ

9ܘܐܬܘ ܠܐܕܪ̈ܐ ܕܪ̈ܡܝܢ ܘܐܘܫܛ ܥܐܙܐ ܐܝܕܗ ܠܡܣܡܟܗ̇ ܠܩܒܘܬܐ ܡܛܠ ܕܪܗܛܘ ܗܘܘ ܠܗܘܢ ܬܘܪ̈ܐ ܠܐܕܪ̈ܐ

10ܘܐܬܚܡܬ ܡܪܝܐ ܥܠ ܥܐܙܐ ܘܡܚܝܗܝ ܗܘܐ ܬܡܢ ܥܠ ܕܐܘܫܛ ܗܘܐ ܐܝܕܗ ܥܠ ܩܒܘܬܐ ܘܡܝܬ ܗܘܐ ܬܡܢ ܩܕܡܝܗ̇ ܕܩܒܘܬܐ

11ܘܟܪܝܬ ܗܘܬ ܠܕܘܝܕ ܡܛܠ ܕܬܪܥ ܗܘܐ ܡܪܝܐ ܬܘܪܥܬܐ ܒܥܐܙܐ ܘܐܬܩܪܝ ܫܡܗ̇ ܕܕܘܟܬܐ ܗ̇ܝ ܬܘܪܥܬܐ ܕܥܐܙܐ ܥܕܡܐ ܠܝܘܡܢܐ

12ܘܕܚܠ ܗܘܐ ܕܘܝܕ ܡܢ ܡܪܝܐ ܒܝܘܡܐ ܗ̇ܘ ܘܐܡܪ ܐܝܟܢܐ ܐܥܠ ܠܘܬܝ ܩܒܘܬܗ ܕܡܪܝܐ

13ܘܠܐ ܨܒܐ ܗܘܐ ܕܘܝܕ ܠܡܥܠܘ ܠܘܬܗ ܩܒܘܬܗ ܕܡܪܝܐ ܠܩܪܝܬܗ ܕܕܘܝܕ ܘܐܡܪ ܗܘܐ ܕܘܝܕ ܕܢܘܒܠܘܢܗ̇ ܠܒܝܬܗ ܕܥܘܒܪ ܐܕܘܡ ܓܬܝܐ

14ܘܝܬܒܬ ܩܒܘܬܗ ܕܡܪܝܐ ܒܒܝܬܗ ܕܥܘܒܪ ܐܕܘܡ ܓܬܝܐ ܬܠܬܐ ܝܪ̈ܚܝܢ ܘܒܪܟ ܡܪܝܐ ܠܒܝܬܗ ܕܥܘܒܪ ܐܕܘܡ ܓܬܝܐ ܘܠܟܠܡܕܡ ܕܐܝܬ ܠܗ

1ܘܫܕܪ ܚܝܪܡ ܡܠܟܐ ܕܨܘܪ ܐܝ̈ܙܓܕܐ ܠܘܬ ܕܘܝܕ ܘܫܕܪ ܠܗ ܩܝ̈ܣܐ ܕܐܪܙܐ ܘܐܪ̈ܕܟܠܐ ܕܒܢܝܢܐ ܘܢܓܪ̈ܐ ܕܩܝܣܐ ܠܡܒܢܐ ܠܗ ܒܝܬܐ

2ܗܝܕܝܢ ܝܕ̇ܥ ܗܘܐ ܕܘܝܕ ܕܓܒܝܗܝ ܡܪܝܐ ܕܢܗܘܐ ܡܠܟܐ ܥܠ ܐܝܣܪܝܠ ܘܐܬܪܝܡܬ ܡܠܟܘܬܗ ܠܥܠ ܕܢܗܘܐ ܡܠܟܐ ܥܠ ܥܡܗ ܐܝܣܪܝܠ

3ܘܢܣܒ ܕܘܝܕ ܢܫ̈ܐ ܡܢ ܐܘܪܫܠܡ ܡܢ ܒܬܪ ܕܐܬܐ ܡܢ ܚܒܪܘܢ ܘܐܬܝܠܕܘ ܠܗ ܠܕܘܝܕ ܒ̈ܢܝܐ ܘܒ̈ܢܬܐ

4ܘܗܠܝܢ ܫܡ̈ܗܐ ܕܒ̈ܢܝܐ ܕܐܬܝܠܕܘ ܠܗ ܒܐܘܪܫܠܡ ܫܡܘܥ ܘܫܟܘܒ ܘܢܬܢ ܘܫܠܝܡܘܢ

5ܘܝܒܚܪ ܘܐܠܝܫܡܥ ܘܐܠܝܦܠܛ

6ܘܢܝܚ ܘܢܦܓ ܘܢܦܝܥ

7ܘܐܠܝܫܥ ܘܐܠܝܕܥ ܘܐܠܝܦܠܛ

8ܘܫܡܥܘ ܦܠܫ̈ܬܝܐ ܕܐܬܡܫܚ ܕܘܝܕ ܕܢܡܠܟ ܥܠ ܟܠܗ ܐܝܣܪܝܠ ܘܣܠܩܘ ܗܘܘ ܟܠܗܘܢ ܦܠܫ̈ܬܝܐ ܕܢܒܥܘܢ ܠܕܘܝܕ ܘܫܡܥ ܕܘܝܕ ܘܢܦܩ ܠܐܘܪܥܗܘܢ

9ܘܦܠܫ̈ܬܝܐ ܐܬܘ ܘܫܪܘ ܒܥܘܡܩܐ ܕܓܢܒܪ̈ܐ

10ܘܫܐܠ ܕܘܝܕ ܒܡܪܝܐ ܘܐܡܪ ܐܣܩ ܥܠ ܦܠܫ̈ܬܝܐ ܘܬܬܠ ܐܢܘܢ ܒܐܝ̈ܕܝ ܘܐܡܪ ܠܗ ܣܩ ܘܐܬܠ ܐܢܘܢ ܒܐܝ̈ܕܝܟ

11ܘܣܠܩܘ ܠܦܩܥܬܐ ܕܬܘܪܥܬܐ ܘܚܪܒ ܐܢܘܢ ܬܡܢ ܘܐܡܪ ܕܘܝܕ ܬܪܥ ܡܪܝܐ ܠܒ̈ܥܠܕܒܒܝ ܩܕܡܝ ܐܝܟ ܬܘܪܥܬܐ ܕܡ̈ܝܐ ܡܛܠ ܗܢܐ ܩܪܘ ܫܡܗ̇ ܕܕܘܟܬܐ ܗ̇ܝ ܦܩܥܬܐ ܕܬܘܪܥܬܐ

12ܘܫܒܩܘ ܬܡܢ ܦܬܟܪ̈ܝܗܘܢ ܘܐܡܪ ܕܘܝܕ ܠܓܢܒܪ̈ܘܗܝ ܐܘܩܕܘ ܐܢܘܢ ܒܢܘܪܐ ܘܕܪܘ ܥܦܪܗܘܢ ܒܪܘܚܐ

13ܘܐܘܣܦܘ ܬܘܒ ܦܠܫ̈ܬܝܐ ܠܡܣܩ ܘܫܪܘ ܗܘܘ ܒܦܩܥܬܐ ܕܓܢܒܪ̈ܐ

14ܘܫܐܠ ܬܘܒ ܕܘܝܕ ܒܡܪܝܐ ܘܐܡܪ ܠܗ ܠܐ ܬܣܩ ܐܠܐ ܐܬܗܦܟ ܠܟ ܡܢܗܘܢ ܘܙܠ ܩܒܠ ܐܢܘܢ ܡܢ ܩܕܡܝܗܘܢ

15ܘܟܕ ܬܫܡܥ ܩܠܐ ܕܝܠܠܬܐ ܒܪܫܗ ܕܛܘܪܐ ܗܝܕܝܢ ܬܦܘܩ ܠܩܐܪܣܐ ܡܛܠ ܕܗܝܕܝܢ ܗܘ ܢܦ̇ܩ ܡܪܝܐ ܩܕܡܝܟ ܠܡܚܪܒ ܠܡܫܪ̈ܝܬܐ ܕܦܠܫ̈ܬܝܐ

16ܘܥܒܕ ܕܘܝܕ ܗܟܢܐ ܐܝܟܢܐ ܕܦܩܕܗ ܡܪܝܐ ܘܚܪܒ ܠܡܫܪܝܬܐ ܕܦܠܫ̈ܬܝܐ ܡܢ ܓܒܥܘܢ ܘܥܕܡܐ ܠܥܐܙܐ

17ܘܢܦ̇ܩ ܗܘܐ ܕܘܝܕ ܠܟܘܠܗܝܢ ܡ̈ܕܝܢܬܐ ܘܡܪܝܐ ܝܗܒ ܕܚܠܬܗ ܥܠ ܟܠܗܘܢ ܥܡ̈ܡܐ

1ܘܒܢܐ ܗܘܐ ܠܗ ܐ̈ܦܕܢܐ ܒܩܘܪ̈ܝܐ ܕܕܘܝܕ ܘܒܢܐ ܗܘܐ ܕܘܟܬܐ ܠܩܒܘܬܐ ܕܡܪܝܐ ܘܠܡܐ̈ܢܝ ܡܫܟܢܐ

2ܗܝܕܝܢ ܐܡܪ ܗܘܐ ܕܘܝܕ ܠܠܘ̈ܝܐ ܠܡܫܩܠ ܠܩܒܘܬܐ ܕܡܪܝܐ ܘܠܡܐ̈ܢܝ ܡܫܟܢܐ ܡܛܠ ܕܠܗܘܢ ܠܠܘ̈ܝܐ ܓܒܐ ܡܪܝܐ ܠܡܫܡܫܘ ܘܠܡܫܩܠ ܩܒܘܬܗ ܕܡܪܝܐ ܘܠܡܫܡܫܘܬܗ ܠܥܠܡ

3ܘܟܢܫ ܕܘܝܕ ܠܟܠܗ ܐܝܣܪܝܠ ܠܐܘܪܫܠܡ ܠܡܣܩܘܬܗ̇ ܠܩܒܘܬܗ ܕܡܪܝܐ ܠܕܘܟܬܐ ܕܒܢܐ ܠܗ̇

4ܘܟܢܫ ܕܘܝܕ ܠܒܢ̈ܘܗܝ ܕܐܗܪܘܢ ܘܠܠܘ̈ܝܐ

5ܘܐܡܪ ܠܗܘܢ ܘܠܒܢ̈ܘܗܝ ܕܩܗܬ ܠܐܘܪܝܠ ܩܫܝܫܐ ܘܠܐ̈ܚܘܗܝ ܡܐܐ ܘܥܣܪ̈ܝܢ

6ܘܠܒܢܘ̈ܗܝ ܕܡܪܪܝ ܥܫܐܝܠ ܩܫܝܫܐ ܘܠܐ̈ܚܘܗܝ ܡܐܬܝܢ ܘܥܣܪ̈ܝܢ

7ܠܒ̈ܢܘܗܝ ܕܓܪܫܘܢ ܝܘܐܝܠ ܩܫܝܫܐ ܘܐܚ̈ܘܗܝ ܡܐܐ ܘܬܠܬܝܢ

8ܠܒ̈ܢܘܗܝ ܕܐܠܝܨܦܢ ܫܡܥܝܐ ܩܫܝܫܐ ܘܐܚ̈ܘܗܝ ܡܐܬܝܢ

9ܠܒ̈ܢܘܗܝ ܕܚܒܪܘܢ ܐܠܝܒ ܩܫܝܫܐ ܘܐ̈ܚܘܗܝ ܬܡܢܐܝܢ

10ܠܒ̈ܢܘܗܝ ܕܥܘܙܝܠ ܥܡܝܢܕܒ ܩܫܝܫܐ ܘܐܚ̈ܘܗܝ ܡܐܐ ܘܬܪ̈ܥܣܪ

11ܘܩܪܐ ܕܘܝܕ ܠܨܕܘܩ ܟܗܢܐ ܘܠܐܒܝܬܪ ܘܠܠܘ̈ܝܐ ܘܠܐܘܪܝܠ ܘܠܠܥܣܐ ܘܠܐܘܝܠ ܘܠܥܫܝܐ ܘܠܫܥܝܐ ܘܠܐܘܪܝܠ ܘܠܥܡܝܢܕܒ

12ܘܐܡܪ ܠܗܘܢ ܐܢܬܘܢ ܪ̈ܫܝ ܐܒ̈ܗܬܐ ܕܠܘ̈ܝܐ ܐܬܩܕܫܘ ܐܢܬܘܢ ܘܐܚ̈ܝܟܘܢ ܕܬܣܩܘܢ ܠܩܒܘܬܐ ܕܡܪܝܐ ܐܠܗܐ ܕܐܝܣܪܝܠ ܠܕܘܟܬܐ ܕܒܢܝܐ ܗܘܬ ܠܗ̇ ܡܢ ܠܘܩܕܡ

13ܕܠܐ ܢܬܪܘܥ ܒܢ ܡܪܝܐ ܐܠܗܢ ܡܛܠ ܕܠܐ ܬܒܥܢܝܗܝ ܐܝܟ ܕܝܢܐ

14ܘܐܬܩܕܫܘ ܟܗ̈ܢܐ ܘܠܘ̈ܝܐ ܠܡܣܩܘ ܠܩܒܘܬܗ ܕܡܪܝܐ ܐܠܗܐ ܕܐܝܣܪܝܠ

15ܘܫܩܠܘ ܠܘ̈ܝܐ ܠܩܒܘܬܗ ܕܡܪܝܐ ܐܝܟܢܐ ܕܦܩܕ ܡܘܫܐ ܒܡܠܬܗ ܕܡܪܝܐ ܘܫܩܠܘ ܗܢܘܢ ܒܟ̈ܬܦܬܗܘܢ

16ܘܐܡܪ ܕܘܝܕ ܠܩܫ̈ܝܫܐ ܕܠܘ̈ܝܐ ܠܡܩܡܘ ܠܐܚ̈ܝܗܘܢ ܠܐܝܠܝܢ ܕܡܫܡܫܝܢ ܘܡܫܒܚܝܢ ܒܡܐ̈ܢܝ ܬܫܒ̈ܚܬܐ ܒܝܒ̈ܠܐ ܘܒܟܢܪ̈ܐ ܘܒܨ̈ܨܠܐ ܕܢܗܘܘܢ ܡܫܡܥܝܢ ܠܡܪܡܘ ܩܠܗܘܢ ܒܚܕܘܬܐ

17ܘܐܩܝܡܘ ܠܘ̈ܝܐ ܠܗܡܢ ܒܪ ܝܘܐܝܠ ܘܡܢ ܐܚ̈ܘܗܝ ܠܐܣܦ ܒܪ ܒܪܟܝܐ ܘܡܢ ܒ̈ܢܝ ܡܪܪܝ ܐܚܘܗܘܢ ܐܬܢ ܒܪ ܩܝܫܗܘ

18ܘܥܡܗܘܢ ܐܚܘܗܘܢ ܬܢܝܢܐ ܙܟܪܝܐ ܒܪ ܢܥܐܝܠ ܘܝܘܚܐܝܠ ܘܐܠܝܒ ܘܒܢܝܐ ܘܐܣܐ ܘܡܬܝܬܐ ܘܐܠܝܦܠܗܘ ܘܡܩܝܗܘ ܘܥܘܒܪ ܐܕܘܡ ܘܝܥܘܐܝܠ ܗܠܝܢ ܟܠܗܘܢ ܕܩ̇ܝܡܝܢ ܥܠ ܬܪ̈ܥܐ

19ܘܡܫܒܚܝܢ ܗܡܢ ܘܐܣܦ ܘܐܬܢ ܗܠܝܢ ܟܠܗܘܢ ܡܫܒܚܝܢ ܒܬܫܒ̈ܚܬܐ ܕܡܐ̈ܢܝ ܢܚܫܐ ܠܡܫܡܫܘ

20ܥܙܪܝܐ ܥܙܐܝܠ ܘܝܘܚܐܝܠ ܘܥܢܝ ܘܐܠܝܒ ܘܡܥܣܝܐ ܘܒܢܝܐ ܘܕܡܫܒܚܝܢ ܒܬܫ̈ܒܚܬܐ

21ܡܬܝܬܐ ܘܡܩܝܗܘ ܘܥܘܒܪ ܐܕܘܡ ܘܥܘܙܝܠ ܘܥܘܙܝܐ ܗܠܝܢ ܡܫܡܫܝܢ ܒܟܢܪ̈ܐ ܟܠܝܘܡ ܒܝܘܡ ܒܫ̈ܥܝܢ ܬܠܬ ܘܒܫܬ ܘܒܬܫܥ

22ܘܒܢܝܐ ܪܒܐ ܕܠܘ̈ܝܐ ܫܩ̇ܠ ܟܠܝܘܡ ܒܡܛܠܐ ܡܛܠ ܕܕܘܟܬܐ ܡܬܩܢܐ ܗܘܬ ܠܗ

23ܘܒܪܟܝܐ ܘܗܠܩܢܐ ܣ̇ܥܪܝܢ ܗܘܘ ܠܩܒܘܬܐ ܡܕܡ ܕܡܬܒܥܐ ܠܗ̇

24ܘܫܒܢܐ ܘܝܘܫܦܛ ܘܢܬܢܝܐܝܠ ܘܥܡܫܝ ܘܙܟܪܝܐ ܘܒܢܝܐ ܘܐܠܝܥܙܪ ܗܠܝܢ ܟܗ̈ܢܐ ܕܩ̇ܪܝܢ ܗܘܘ ܒܩܪ̈ܢܬܐ ܩܕܡ ܩܒܘܬܗ ܕܡܪܝܐ ܘܥܘܒܪ ܐܕܘܡ ܘܐܚܝܐ ܣ̇ܥܪܝܢ ܗܘܘ ܠܩܒܘܬܐ

25ܘܗܘܐ ܕܘܝܕ ܘܩܫܝ̈ܫܐ ܕܐܝܣܪܝܠ ܘܪ̈ܘܪܒܢܐ ܕܐ̈ܠܦܐ ܐ̇ܙܠܝܢ ܠܡܣܩܘ ܩܒܘܬܐ ܕܕܝܬܩܐ ܕܡܪܝܐ ܡܢ ܒܝܬܗ ܕܥܘܒܪ ܐܕܘܡ ܠܩܪܝܬܗ ܕܕܘܝܕ ܒܚܕܘܬܐ ܪܒܬܐ

26ܘܗܘܐ ܕܟܕ ܥ̇ܕܪ ܡܪܝܐ ܠܠܘ̈ܝܐ ܕܫܩܝܠܝܢ ܩܒܘܬܐ ܕܐܝܬ ܒܗ̇ ܕܝܬܩܐ ܕܡܪܝܐ ܕܒܚܘ ܫܒܥܐ ܬܘܪ̈ܝܢ ܘܫܒܥܐ ܕܟܪ̈ܝܢ

27ܘܕܘܝܕ ܠܒܝܫ ܢܚ̈ܬܐ ܕܒܘܨܐ ܘܟܠܗܘܢ ܠܘ̈ܝܐ ܕܫܩܝܠܝܢ ܩܒܘܬܐ ܠܒܝܫܝܢ ܐܦ ܗܢܘܢ ܢܚ̈ܬܐ ܕܒܘܨܐ ܘܠܥܠ ܡܢ ܢܚ̈ܬܘܗܝ ܕܕܘܝܕ ܕܒܘܨܐ ܠܒܝܫ ܗܘܐ ܦܕܬܐ ܕܒܘܨܐ

28ܘܕܘܝܕ ܘܟܠܗܘܢ ܕܒܝܬ ܐܝܣܪܝܠ ܡܣܩܝܢ ܠܩܒܘܬܐ ܕܐܝܬ ܒܗ̇ ܕܝܬܩܐ ܕܡܪܝܐ ܒܬܫܒ̈ܚܬܐ ܘܒܩܠܐ ܕܩܪ̈ܢܬܐ ܦܫܝ̈ܛܬܐ ܘܟܦܝ̈ܦܬܐ ܘܡܥܫܢܝܢ ܩܠܗܘܢ ܥܕܡܐ ܠܡܪܘܡܐ

29ܘܗܘܐ ܕܟܕ ܡܛܝܬ ܩܒܘܬܐ ܕܐܝܬ ܒܗ̇ ܕܝܬܩܐ ܕܡܪܝܐ ܘܥܠܬ ܘܡܛܬ ܠܕܘܟܬܗ̇ ܠܩܪܝܬܗ ܕܕܘܝܕ ܡܠܟܠ ܒܪܬ ܫܐܘܠ ܐܕܝܩܬ ܡܢ ܟܘܬܐ ܘܚܙܬܗ ܠܡܠܟܐ ܕܘܝܕ ܕܚ̇ܕܐ ܘܡܫܬܥܐ ܘܐܫܝܛܬ ܥܠܘܗܝ ܒܠܒܗ̇

1ܘܐܝܬܝܘܗ̇ ܠܩܒܘܬܗ ܕܡܪܝܐ ܘܣܡܘܗ̇ ܒܕܘܟܬܗ̇ ܒܓܘ ܡܫܟܢܐ ܕܢܩܫ ܠܗ̇ ܕܘܝܕ ܘܩܪܒܘ ܥܠܘ̈ܬܐ ܘܫܠܡ̈ܐ ܩܕܡ ܩܒܘܬܗ ܕܡܪܝܐ

2ܘܟܕ ܫܠܡ ܕܘܝܕ ܠܡܩܪܒܘ ܥܠܘ̈ܬܐ ܘܫܠܡ̈ܐ ܒܪܟ ܠܥܡܐ ܕܐܝܣܪܝܠ ܒܫܡܗ ܕܡܪܝܐ ܚܝܠܬܢܐ

3ܘܦܠܓ ܠܟܠܗ ܥܡܐ ܠܟܠܗܘܢ ܕܒܝܬ ܐܝܣܪܝܠ ܡܢ ܓܒܪ̈ܐ ܘܥܕܡܐ ܠܢܫ̈ܐ ܘܡܢ ܓܕܘ̈ܕܐ ܘܥܕܡܐ ܠܝܢܩ̈ܝ ܬܕ̈ܝܐ ܠܟܠ ܓܒܪ ܘܓܒܪ ܓܪܝܨܬܐ ܕܠܚܡܐ ܚܕܐ ܘܡܢܬܐ ܚܕܐ ܘܣܢܪܩܐ ܚܕ ܘܐܙܠܘ ܟܠܗ ܥܡܐ ܐܢܫ ܠܒܝܬܗ

4ܘܝܗܒ ܩܕܡ ܠܘ̈ܝܐ ܕܡܫܡܫܝܢ ܩܕܡ ܡܪܝܐ ܘܡܕܟܪܝܢ ܘܡܘܕܝܢ ܘܡܫܒܚܝܢ ܠܡܪܝܐ ܐܠܗܐ ܕܐܝܣܪܐܝܠ

5ܐܣܦ ܪܫܗܘܢ ܬܢܝܢܐ ܙܟܪܝܐ ܘܝܘܥܐܝܠ ܘܝܘܚܐܝܠ ܘܡܬܝܬܐ ܘܐܠܝܒ ܘܒܢܝܐ ܘܐܣܦ ܘܥܡܝܢܕܒ ܘܐܣܦ ܘܢܚܙܐܝܠ ܘܐܣܦ

6ܗܠܝܢ ܟܠܗܘܢ ܟܗ̈ܢܐ ܕܩ̇ܪܝܢ ܒܩܪ̈ܢܬܐ ܐܡܝܢܐܝܬ ܩܕܡ ܩܒܘܬܗ ܕܡܪܝܐ

7ܗܝܕܝܢ ܦܬܚ ܦܘܡܗ ܕܘܝܕ ܒܝܘܡܐ ܗ̇ܘ ܗܘ ܘܪ̈ܝܫܝ ܟܠܗܘܢ ܟܗ̈ܢܐ ܘܠܘ̈ܝܐ ܠܡܫܒܚܘ ܠܡܪܝܐ ܥܠ ܛܝܪܐ ܕܐܣܦ ܘܕܐܚ̈ܘܗܝ ܘܗܠܝܢ ܪ̈ܫܐ ܕܬܫܒ̈ܚܬܐ ܕܐܡܪ ܕܘܝܕ ܩܕܡ ܩܒܘܬܗ ܕܡܪܝܐ ܒܝܘܡܐ ܗ̇ܘ

8ܐܘܕܘ ܠܡܪܝܐ ܘܩܪܘ ܫܡܗ ܐܘܕܥܘ ܒܝܬ ܥܡ̈ܡܐ ܥܒ̇ܕ̈ܘܗܝ

9ܫܒܚܘ ܠܗ ܘܐܘܕܘ ܠܗ ܐܫܬܥܘ ܟܠܗܝܢ ܓܒܪ̈ܘܬܗ

10ܐܫܬܒܚܘ ܒܫܡܐ ܕܩܘܕܫܗ ܢܚܕܐ ܠܒܐ ܕܟܘܠ ܕܒ̇ܥܝܢ ܠܡܪܝܐ

11ܬܒܥܘ ܠܡܪܝܐ ܘܠܥܘܫܢܗ ܨܠܘ ܩܕܡܘܗܝ ܐܡܝܢܐܝܬ

12ܐܬܕܟܪܘ ܓܢܒܪ̈ܘܬܗ ܕܥܒܕ ܓܢܒܪ̈ܘܬܗ ܘܕܝ̣ܢܐ ܕܦܘܡܗ

13ܙܪܥܗ ܕܐܒܪܗܡ ܥܒ̣ܕܗ ܒܢܘ̈ܗܝ ܕܝܥܩܘܒ ܓܒ̈ܝܐ ܕܓܒܐ

14ܗܘܝܘ ܡܪܝܐ ܐܠܗܢ ܕܒܟܠܗ̇ ܐܪܥܐ ܢܡܘ̈ܣܘܗܝ

15ܐܬܕܟܪܘ ܠܥܠܡ ܕܝܬܩܐ ܕܝܠܗ ܡܠܬܐ ܕܦܩܕ ܠܐܠܦ ܕܪ̈ܝܢ

16ܕܝܡܐ ܠܐܒܪܗܡ ܘܕܝܬܩܐ ܝܗܒ ܠܒܢ̈ܘܗܝ ܕܐܝܣܚܩ

17ܘܓܙܪܗ ܠܝܥܩܘܒ ܠܥܠܡ ܘܠܐܝܣܪܝܠ ܝܗܒ ܠܗܘܢ ܕܝܬܩܐ ܠܥܠܡ ܥܠܡܝܢ

18ܘܐܡܪ ܠܗܘܢ ܕܠܟܘܢ ܝܗ̇ܒ ܐܢܐ ܠܗ̇ ܐܪܥܐ ܕܟܢܥܢ ܦܨܬܐ ܕܝܪܬܘܬܟܘܢ

19ܟܕ ܗܘܝܬܘܢ ܐܢ̈ܫܝ ܡܢܝܢܐ ܙܥܘܪ̈ܝܢ ܘܥܡܘܪ̈ܝܢ ܒܗ̇

20ܘܐܫܬܒܝܬܘܢ ܡܢ ܥܡܐ ܠܥܡܐ ܘܡܢ ܡܠܟܘܬܐ ܠܡܠܟܘܬܐ ܐܚܪܬܐ

21ܠܐ ܫܒܩ ܠܫܠܝ̈ܛܢܐ ܕܢܗܪܘܢܟܘܢ ܘܪܕܐ ܡܛܠܬܟܘܢ ܡ̈ܠܟܐ

22ܘܐܡܪ ܠܗܘܢ ܠܐ ܬܩܪܒܘܢ ܠܡܫ̈ܝܚܝ ܘܠܢ̈ܒܝܝ ܠܐ ܬܒܐܫܘܢ

23ܫܒܚܘ ܠܡܪܝܐ ܟܘܠܗ̇ ܐܪܥܐ ܣܒܪܘ ܟܠܝܘܡ ܒܝܘܡ ܦܘܪܩܢܗ

24ܐܫܬܥܘ ܒܝܬ ܥܡ̈ܡܐ ܐܝܩܪܗ

25ܡܛܠ ܕܪܒ ܗܘ ܡܪܝܐ ܘܫܒܝܚ ܛܒ ܘܕܚܝܠ ܗܘ ܥܠ ܟܠܗܘܢ ܥܡ̈ܡܐ

26ܡܛܠ ܕܟܠܗܘܢ ܦܬܟܪ̈ܐ ܕܥܡ̈ܡܐ ܨܠܡ̈ܐ ܐܢܘܢ ܘܡܪܝܐ ܫܡܝܐ ܥܒ̣ܕ

27ܘܬܫܒܘܚܬܐ ܘܝܐܝܘܬܐ ܩܕܡܘܗܝ ܥܘܫܢܐ ܘܪܒܘܬܐ ܒܡܩܕܫܗ

28ܐܘܕܘ ܠܡܪܝܐ ܫܪ̈ܒܬܐ ܕܥܡ̈ܡܐ ܐܘܕܘ ܩܕܡ ܡܪܝܐ ܒܐܝܩܪܗ ܘܒܥܘܫܢܗ

29ܐܘܕܘ ܠܡܪܝܐ ܒܐܝܩܪܐ ܕܫܡܗ ܫܩܘܠܘ ܩܘܪ̈ܒܢܐ ܘܐܘܕܘ ܩܕܡܘܗܝ ܒܨܠܘܬܐ ܕܦܘܡܟܘܢ ܘܣܓܘܕܘ ܠܡܪܝܐ ܒܬܫܒ̈ܚܬܐ ܕܩܘܕܫܗ

30ܘܬܙܘܥ ܡܢ ܩܕܡܘܗܝ ܟܠܗ̇ ܐܪܥܐ ܘܬܬܩܢ ܬܒܝܠ ܕܠܐ ܬܙܘܥ

31ܢܚܕܘܢ ܫܡܝܐ ܘܬܫܒܚ ܐܪܥܐ ܘܢܐܡܪܘܢ ܒܝܬ ܥܡ̈ܡܐ ܕܡܪܝܐ ܐܡܠܟ

32ܢܫܒܚ ܝܡܐ ܒܡܠܐܗ ܘܢܚ̈ܕܝܢ ܚܩ̈ܠܬܐ ܘܟܠ ܕܐܝܬ ܒܗܝܢ

33ܗܝܕܝܢ ܢܫܒܚܘܢ ܐܝ̈ܠܢܐ ܕܥܒܐ ܡܢ ܩܕܡ ܡܪܝܐ ܕܐܬܐ ܠܡܕܢܗ̇ ܠܐܪܥܐ ܢܕܘܢ ܬܒܝܠ ܒܟܐܢܘܬܐ ܘܢܟܣ ܥܡ̈ܡܐ ܒܗܝܡܢܘܬܐ

34ܘܐܡܪ ܐܘܕܘ ܠܡܪܝܐ ܕܛܒ ܗܘ ܘܠܥܠܡ ܛܝܒܘܬܗ

35ܦܪܘܩܝܢܝ ܡܪܝܐ ܦܪܘܩܝܢܝ ܘܟܢܫܝܢ ܘܩܪܒܝܢ ܡܢ ܒܝܬ ܥܡ̈ܡܐ ܠܡܘܕܝܘ ܠܫܡܐ ܕܩܘܕܫܟ ܘܠܡܫܒܚܘ ܒܬܫܒ̈ܚܬܟ

36ܒܪܝܟ ܗܘ ܡܪ̈ܐ ܡܪ̈ܘܬܐ ܕܐܝܣܪܝܠ ܡܢ ܥܠܡ̈ܐ ܘܥܕܡܐ ܠܥܠܡ̈ܐ ܘܢܐܡܪ ܟܠܗ ܥܡܐ ܐܡܝܢ ܒܦܘܡܐ ܒܣܝܡܐ ܘܕܟܝܐ ܢܫܒܚܘܢ ܠܐܠܗܗܘܢ

37ܘܫܒܩ ܬܡܢ ܩܕܡ ܩܒܘܬܐ ܕܕܝܬܩܐ ܕܡܪܝܐ ܠܐܣܦ ܘܠܐ̈ܚܘܗܝ ܠܡܫܡܫܘ ܩܕܡ ܡܪܝܐ ܐܡܝܢܐܝܬ ܐܢܫ ܐܢܫ ܕܝܘܡܗ

38ܘܥܘܒܪ ܐܕܘܡ ܘܐܚ̈ܘܗܝ ܫܬܝܢ ܘܬܡܢܝܐ ܘܥܘܒܪ ܐܕܘܡ ܙܥܘܪܐ ܒܪܗ ܕܝܪܬܘܡ ܘܚܣܘ ܗܠܝܢ ܟܠܗܘܢ ܢ̇ܛܪ̈ܝ ܬܪ̈ܥܐ ܒܪ̈ܝܐ

39ܘܚܨܪܘܢ ܟܗܢܐ ܘܐܚ̈ܘܗܝ ܟܗ̈ܢܐ ܗܠܝܢ ܟܠܗܘܢ ܟܗ̈ܢܐ ܕܡܫܡܫܝܢ ܩܕܡ ܡܫܟܢܗ ܕܡܪܝܐ ܒܒܘܡܣܐ ܪܒܐ ܕܐܝܬ ܒܩܘܪܝܬ ܓܒܥܘܢ

40ܠܡܩܪܒܘ ܥܠܘ̈ܬܐ ܠܡܪܝܐ ܥܠ ܡܕܒܚܐ ܕܥܠܬܐ ܐܡܝܢܐܝܬ ܒܨܦܪܐ ܘܒܪܡܫܐ ܘܠܡܥܒܕ ܟܠ ܡܐ ܕܟܬܝܒ ܒܢܡܘܣܐ ܕܡܪܝܐ ܕܝܗܒ ܥܠ ܐܝܕܐ ܕܡܘܫܐ ܠܡܠܦܘ ܠܒ̈ܢܝ ܐܝܣܪܝܠ

41ܘܗܠܝܢ ܫܡ̈ܗܐ ܕܓܒܪ̈ܐ ܕܩ̇ܝܡܝܢ ܒܬܫܒ̈ܚܬܐ ܗܡܢ ܘܐܪܝܬܘܢ ܘܫܪܟܐ ܕܐܢܫܐ ܙܕܝܩ̈ܐ ܐܝܠܝܢ ܕܐܬܟܣܝܘ ܫܡܗ̈ܝܗܘܢ ܠܡܘܕܝܘ ܠܡܪܝܐ ܡܛܘܠ ܕܠܥܠܡ ܛܝܒܘܬܗ

42ܘܗܢܘܢ ܗܠܝܢ ܐܢܫܐ ܙܕܝܩ̈ܐ ܡܫܒܚܝܢ ܗܘܘ ܠܐ ܗܘܐ ܒܡܐ̈ܢܝ ܬܫܒܚ̈ܬܐ ܘܠܐ ܒܦ̈ܠܓܐ ܘܠܐ ܒܪ̈ܒܝܥܐ ܘܠܐ ܒܩܪ̈ܢܬܐ ܟܦ̈ܝܦܬܐ ܘܐܦ ܠܐ ܒܦܫ̈ܝܛܬܐ ܘܐܦ ܠܐ ܒܨܨ̈ܠܐ ܡܫܒܚܝܢ ܗܘܘ ܐܠܐ ܒܦܘܡܐ ܒܣܝܡܐ ܘܒܨܠܘܬܐ ܕܟܝܬܐ ܘܡܫܡܠܝܬܐ ܘܒܟܐܢܘܬܐ ܘܒܬܡܝܡܘܬܐ ܠܡܪܝܐ ܐܠܗܐ ܚܝܠܬܢܐ ܡܪܗ ܕܐܝܣܪܝܠ ܡܪܐ ܕܟܠܗܘܢ ܥ̇ܒ̈ܕܐ

43ܘܫܪܐ ܕܘܝܕ ܠܥܡܐ ܘܐܙܠܘ ܥܡܐ ܐܢܫ ܐܢܫ ܠܒܝܬܗ ܘܗܦܟ ܕܘܝܕ ܠܒܝܬܗ ܠܡܒܪܟܘ ܠܒ̈ܢܝ ܒܝܬܗ

1ܘܗܘܐ ܕܟܕ ܝܬܒ ܕܘܝܕ ܒܒܝܬܗ ܘܐܡܪ ܕܘܝܕ ܠܢܬܢ ܢܒܝܐ ܚܙܝ ܕܐܢܐ ܝ̇ܬܒ ܒܒܝܬܐ ܕܡܛܠܠ ܒܩܪ̈ܝܬܐ ܕܐܪܙܐ ܘܩܒܘܬܗ ܕܡܪܝܐ ܫܪܝܐ ܒܓܘ ܡܫܟܢܐ ܕܣܥܪܐ

2ܘܐܡܪ ܢܬܢ ܠܕܘܝܕ ܟܠ ܡܐ ܕܒܠܒܟ ܙܠ ܘܥܒܕ ܡܛܠ ܕܡܪܝܐ ܥܡܟ

3ܘܗܘܐ ܒܠܠܝܐ ܗ̇ܘ ܘܡܠܬܗ ܕܡܪܝܐ ܗܘܬ ܥܠ ܢܬܢ ܢܒܝܐ ܘܐܡܪ ܠܗ

4ܙܠ ܘܗܟܢܐ ܬܐܡܪ ܠܥܒ̣ܕܝ ܕܘܝܕ ܗܟܢܐ ܐܡ̇ܪ ܡܪܝܐ ܐܢܬ ܠܐ ܬܒܢܐ ܠܝ ܒܝܬܐ ܠܡܬܒ ܒܗ

5ܡܛܠ ܕܠܐ ܝܬܒܬ ܒܒܝܬܐ ܡܢ ܝܘܡܐ ܕܐܣܩܬ ܠܐܝܣܪܝܠ ܡܢ ܐܪܥܐ ܕܡܨܪܝܢ ܘܥܕܡܐ ܠܝܘܡܢܐ ܘܗܘܝܬ ܡܫܢܐ ܡܢ ܡܫܟܢܐ ܠܡܫܟܢܐ

6ܗܐ ܟܡܐ ܕܡܗܠܟ ܗܘܝܬ ܒܟܠܗܘܢ ܒ̈ܢܝ ܐܝܣܪܝܠ ܕܠܡܐ ܡܠܬܐ ܐܡܪܬ ܠܚܕ ܡܢ ܕ̇ܝ̈ܢܐ ܕܒܢ̈ܝ ܐܝܣܪܝܠ ܕܦܩܕܬ ܠܡܕܢ ܠܥܡܝ ܐܝܣܪܝܠ ܘܐܡܪܬ ܠܗܘܢ ܕܠܡܢܐ ܠܐ ܒܢܝܬܘܢ ܠܝ ܒܝܬܐ ܕܡܛܠܠ ܒܐܪ̈ܙܐ

7ܐܦ ܗܫܐ ܗܟܢܐ ܬܐܡܪ ܠܥܒ̣ܕܝ ܕܘܝܕ ܗܟܢܐ ܐܡ̇ܪ ܡܪܝܐ ܚܝܠܬܢܐ ܐܢܐ ܕܒܪܬܟ ܡܢ ܕܝܪܐ ܡܢ ܒܣܬܪ ܥܢܐ ܠܡܗܘܐ ܡܠܟܐ ܥܠ ܐܝܣܪܝܠ ܥܡܝ

8ܘܗܘܝܬ ܥܡܟ ܒܟܠ ܐܬܪ ܕܐܙܠܬ ܘܐܘܒܕܬ ܠܟܠܗܘܢ ܒܥܠܕ̈ܒܒܝܟ ܡܢ ܩܕܡܝܟ ܘܥܒܕܬ ܠܟ ܫܡܐ ܪܒܐ ܐܝܟ ܫܡܐ ܕܪ̈ܘܪܒܢܐ ܕܐܝܬ ܒܐܪܥܐ

9ܘܐܨܘܒ ܕܘܟܬܐ ܠܥܡܝ ܐܝܣܪܝܠ ܘܐܫܪܝܘܗܝ ܘܢܬܒ ܒܕܘܟܬܗ ܘܠܐ ܢܙܘܥ ܬܘܒ ܘܠܐ ܢܘܣܦܘܢ ܒ̈ܢܝ ܥܘ̣ܠܐ ܠܡܓܠܝܘܬܗ ܐܝܟ ܕܒܩܕܡܝܬܐ

10ܡܢ ܝܘܡܐ ܕܥܒܕܬܟ ܕܝ̇ܢܐ ܥܠ ܥܡܝ ܐܝܣܪܝܠ ܘܐܢܝܚܬ ܠܟ ܡܢ ܟܠܗܘܢ ܒܥ̈ܠܕܒܒܝܟ ܘܚܘܝܟ ܡܪܝܐ ܕܡܠܟܘܬܐ ܩܝܡܐ ܗܝ ܠܟ ܥܕܡܐ ܠܥܠܡ

11ܘܟܕ ܢܫܠܡܘܢ ܝܘ̈ܡܝ ܚܝ̈ܝܟ ܘܬܐܙܠ ܘܬܬܟܢܫ ܠܘܬ ܐܒܗ̈ܝܟ ܐܩܝܡ ܙܪܥܟ ܡܢ ܒܬܪܟ ܕܢ̇ܦܩ ܡܢ ܚܨܟ ܘܐܬܩܢܝܗ̇ ܠܡܠܟܘܬܗ

12ܘܗܘ ܢܒܢܐ ܒܝܬܐ ܠܫܡܝ ܘܐܬܩܢ ܟܘܪܣܝܐ ܕܡܠܟܘܬܗ ܠܥܠܡ

13ܐܢܐ ܐܗܘܐ ܠܗ ܠܐܒܐ ܘܗܘ ܢܗܘܐ ܠܝ ܠܒܪܐ ܘܛܝܒ̈ܘܬܝ ܠܐ ܢܥܒܪ̈ܢ ܡܢ ܠܘܬܗ ܐܝܟ ܕܐܥܒܪܬ ܡܢ ܫܐܘܠ ܕܗܘܐ ܡܢ ܩܕܡܝܟ

14ܘܐܫܠܛܝܘܗܝ ܒܒܝܬܝ ܘܒܡܠܟܘܬܝ ܠܥܠܡ ܥܠܡܝܢ ܘܟܘܪܣܝܐ ܕܡܠܟܘܬܗ ܢܗܘܐ ܡܛܝܒ ܠܗ ܠܥܠܡ

15ܥܠ ܟܠܗܘܢ ܦܬܓ̈ܡܐ ܗܠܝܢ ܘܥܠ ܟܠܗ ܚܙܘܐ ܗܢܐ ܗܟܢܐ ܡܠܠ ܢܬܢ ܢܒܝܐ ܥܡ ܕܘܝܕ

16ܘܐܬܐ ܡܠܟܐ ܕܘܝܕ ܘܝܬܒ ܩܕܡ ܡܪܝܐ ܘܐܡܪ ܡܢܐ ܚܫܝܒ ܐܢܐ ܩܕܡܝܟ ܡܪܐ ܡܪ̈ܘܬܐ ܘܡ̇ܢܘ ܒܝܬܝ ܕܡܛܝܬܢܝ ܥܕܡܐ ܠܗܪܟܐ

17ܘܙܥܘܪܝܐ ܗܝ ܗܕܐ ܒܥܝܢ̈ܝܟ ܡܪܐ ܡܪ̈ܘܬܐ ܕܡܠܠܬ ܥܠ ܒܝܬܗ ܕܥܒ̣ܕܟ ܡܢ ܠܩܘܕܡܝܢ ܘܟܠܗܘܢ ܒܢܝ̈ܢܫܐ ܕܥ̇ܒܕܝܢ ܕܚܠܬܟ ܒܟܠܗ ܠܒܗܘܢ ܡܦܩ ܐܢܬ ܠܗܘܢ ܡܢ ܚܫܘܟܐ ܠܢܗܝܪܐ ܡܪܐ ܡܪ̈ܘܬܐ

18ܘܡܢܐ ܢܫܬܒܗܪ ܬܘܒ ܕܘܝܕ ܥܒ̣ܕܟ ܠܡܡܠܠܘ ܩܕܡܝܟ ܠܟ ܓܠܝܢ ܥ̇ܒ̈ܕܘܗܝ ܕܥܒ̣ܕܟ ܡܪܐ ܡܪ̈ܘܬܐ

19ܡܛܠ ܕܝܕ̇ܥ ܐܢܬ ܡܢܐ ܐܝܬ ܒܠܒܗ ܕܥܒ̣ܕܟ ܥܒܕܬ ܠܗ ܟܠܗܝܢ ܪ̈ܘܪܒܬܐ ܗܠܝܢ ܠܡܘܕܥܘ ܠܥܒ̣ܕܟ

20ܡܛܠ ܗܢܐ ܝܕܥܬ ܡܪܐ ܡܪ̈ܘܬܐ ܡܛܠ ܕܠܝܬ ܐܟܘܬܟ ܘܠܝܬ ܐܠܗ ܐܠܐ ܐܢ ܐܢܬ ܐܝܟ ܟܠ ܡܐ ܕܫܡܥܢ ܒܐ̈ܕܢܝܢ

21ܘܡ̇ܢܘ ܐܝܬ ܐܝܟ ܥܡܟ ܐܝܣܪܝܠ ܥܡܐ ܚܕ ܒܐܪܥܐ ܕܐܬܓܠܝܬ ܡܢ ܫܡܝܐ ܘܦܪܩܬ ܐܢܘܢ ܘܡܛܠܬܗܘܢ ܥܒܕܬ ܢܣ̈ܝܘܢܐ ܪ̈ܘܪܒܐ ܘܕ̈ܚܝܠܐ ܘܡܚ̈ܘܬܐ ܪ̈ܘܪܒܬܐ ܥܠ ܡܨܪ̈ܝܐ ܥܕܡܐ ܠܐܝܟܐ ܕܐܦܩܬ ܐܢܘܢ ܡܢ ܒܝܢܬܗܘܢ

22ܘܐܬܩܢܬ ܠܟ ܠܥܡܟ ܐܝܣܪܝܠ ܠܡܗܘܐ ܠܟ ܥܡܐ ܥܕܡܐ ܠܥܠܡ ܥܠܡܝܢ ܘܐܢܬ ܡܪܝܐ ܗܘܝܬ ܠܗܘܢ ܐܠܗܐ

23ܡܟܝܠ ܡܪܝܐ ܡܠܬܐ ܕܐܡܪܬ ܥܠ ܥܒ̣ܕܟ ܘܥܠ ܒ̈ܢܝ ܒܝܬܗ ܩܝܡ ܠܥܠܡ ܘܥܒܕ ܐܝܟܢܐ ܕܐܡܪܬ

24ܘܢܫܬܪܪܘܢ ܥ̇ܒ̈ܕܝܟ ܠܥܠܡ ܘܢܫܬܒܚ ܫܡܟ ܒܓܘ ܥܠܡܐ ܘܢܗܘܘܢ ܐ̇ܡܪܝܢ ܡܪܝܐ ܚܝܠܬܢܐ ܡܪܐ ܡܪ̈ܘܬܐ ܐܠܗܐ ܕܐܝܣܪܝܠ ܘܒܝܬܗ ܕܕܘܝܕ ܥܒ̣ܕܟ ܢܗܘܐ ܡܬܩܢ ܩܕܡܝܟ ܠܥܠܡ

25ܡܛܠ ܕܐܢܬ ܐܠܗܝ ܓܠܝܬ ܪܐܙܐ ܠܥܒ̣ܕܟ ܘܐܡܪܬ ܠܗ ܕܒܝܬܐ ܒܢܝ ܠܝ ܡܛܠ ܗܢܐ ܣܕܪ ܥܒ̣ܕܟ ܒܠܒܗ ܠܡܨܠܝܘ ܩܕܡܝܟ ܨܠܘܬܐ ܗܕܐ

26ܡܟܝܠ ܡܪܝܐ ܐܢܬ ܗܘ ܐܠܗܝ ܘܟܠ ܡ̈ܠܝܟ ܬܪ̈ܝܨܬܐ ܐܝܠܝܢ ܕܡܠܠܬ ܠܥܒ̣ܕܟ ܛܒ̈ܬܐ ܐܢ̈ܝܢ

27ܘܡܟܝܠ ܐܬܓܠܝ ܠܡܒܪܟܘ ܠܒܝܬܗ ܕܥܒ̣ܕܟ ܕܢܗܘܐ ܩܕܡܝܟ ܠܥܠܡ ܥܠܡܝܢ ܡܛܠ ܕܐܢܬ ܗܘ ܡܪܝܐ ܡܪܐ ܡܪ̈ܘܬܐ ܡܠܠܬ ܘܡܢ ܒܘܪܟܬܟ ܡܬܒܪܟܝܢ ܒܬܝ̈ܗܘܢ ܕܙܕܝ̈ܩܐ ܠܥܠܡ

1ܘܗܘܐ ܡܢ ܒܬܪ ܗܠܝܢ ܘܚܪܒ ܕܘܝܕ ܠܦܠܫ̈ܬܝܐ ܘܐܘܒܕ ܐܢܘܢ ܘܢܣܒ ܕܘܝܕ ܚܘܛܐ ܕܡܫܘܚܬܐ ܡܢ ܐܝܕܐ ܕܦܠܫ̈ܬܝܐ ܘܢܣܒ ܠܓܬ ܘܠܟܦܪ̈ܘܢܝܗ̇ ܗܠܝܢ ܕܩܕܩ̈ܐ ܕܚܕܝܪܝܢ ܗܘܘ ܠܗ̇ ܡܢ ܦܠܫ̈ܬܝܐ

2ܘܚܪܒ ܠܡܘܐ̈ܒܝܐ ܘܗܘܘ ܡܘܐ̈ܒܝܐ ܥܒ̣ܕ̈ܐ ܫܩ̈ܝܠܝ ܡܕܐܬܐ

3ܘܩܛܠ ܕܘܝܕ ܠܗܕܪܥܙܪ ܡܠܟܐ ܕܢܨܝܒܝܢ ܟܕ ܐܙܠ ܣܡ ܬܚܘܡܐ ܒܢܗܪܐ ܦܪܬ

4ܘܐܚܕ ܕܘܝܕ ܡܢܗ ܐܠܦ ܙܘܓ̈ܝܢ ܘܫܒܥܐ ܐܠܦ̈ܝܢ ܦܪ̈ܫܝܢ ܘܥܩܪ ܕܘܝܕ ܠܟܠܗܘܢ ܙܘܓ̈ܐ ܘܫܒܩ ܡܢܗܘܢ ܡܐܐ ܙܘܓܝ̈ܢ

5ܘܐܬܘ ܐܢܫ̈ܝ ܐܕܘܡ ܘܕܪܡܣܘܩ ܠܡܥܕܪܘ ܠܗܕܪܥܙܪ ܡܠܟܐ ܕܢܨܝܒܝܢ ܘܩܛܠ ܕܘܝܕ ܡܢ ܐܕܘܡ ܥܣܪܝܢ ܘܬܪܝܢ ܐܠܦ̈ܝܢ ܓܒܪ̈ܝܢ

6ܘܐܩܝܡ ܕܘܝܕ ܫܠܝ̈ܛܢܐ ܒܕܪܡܣܘܩ ܘܗܘܘ ܕܪ̈ܡܘܣܩܝܐ ܥܒ̣ܕ̈ܐ ܠܕܘܝܕ ܫܩ̈ܝܠܝ ܡܕܐܬܐ ܘܦܪܩ ܡܪܝܐ ܠܕܘܝܕ ܒܟܠ ܕܘܟܐ ܕܐܙܠ

7ܘܫܩܠ ܕܘܝܕ ܫ̈ܠܛܐ ܕܕܗܒܐ ܕܗܘܘ ܬܠܝܢ ܥܠ ܪ̈ܟܫܐ ܕܥܒ̣̈ܕܘܗܝ ܕܗܕܪܥܙܪ

8ܘܡܢ ܛܒܚ ܘܡܢ ܒܪܘܬܝ ܩܘܪ̈ܝܐ ܕܗܕܪܥܙܪ ܢܣܒ ܕܘܝܕ ܢܚܫܐ ܕܣܓܝ ܛܒ ܘܡܢܗ ܥܒܕ ܕܘܝܕ ܝܡܐ ܕܢܚܫܐ ܘܐܣ̈ܛܘܢܐ ܕܢܚܫܐ ܘܬܘܪ̈ܐ ܕܢܚܫܐ ܘܡܐ̈ܢܝ ܢܚܫܐ ܣܘܓܐܐ ܕܛܒ

9ܘܫܡܥ ܦܘܠ ܡܠܟܐ ܕܐܢܛܝܘ̈ܟܝܐ ܕܚܪܒ ܕܘܝܕ ܚܝܠܘ̈ܬܐ ܕܗܕܪܥܙܪ ܡܠܟܐ ܕܢܨܝܒܝܢ

10ܘܫܕܪ ܠܝܘܪܡ ܒܪܗ ܠܘܬ ܡܠܟܐ ܕܘܝܕ ܠܡܫܐܠ ܒܫܠܡܗ ܘܠܡܒܪܟܘܬܗ ܥܠ ܕܐܬܟܬܫ ܥܡ ܗܕܪܥܙܪ ܘܩܛܠܗ ܡܛܠ ܕܓܒܪܐ ܗܘܐ ܩܪܒܬܢܐ ܗܘ ܗܕܪܥܙܪ ܘܒܐܝܕܗ ܕܝܘܪܡ ܗܘܘ ܡܐ̈ܢܝ ܟܣܦܐ ܘܡܐ̈ܢܝ ܕܗܒܐ ܘܡܐ̈ܢܝ ܢܚܫܐ

11ܘܐܦ ܡܢܗܘܢ ܩܕܫ ܡܠܟܐ ܕܘܝܕ ܠܡܪܝܐ ܥܡ ܟܣܦܐ ܘܕܗܒܐ ܕܢܣܒ ܡܢ ܟܠܗܘܢ ܥܡ̈ܡܐ ܕܟܒܫ ܡܢ ܐܕܘܡ̈ܝܐ ܘܡܢ ܒ̈ܢܝ ܥܡܘܢ ܘܡܢ ܡܘܐ̈ܒܝܐ ܘܡܢ ܦܠܫ̈ܬܝܐ ܘܡܢ ܥܡ̈ܠܝܩܝܐ

12ܘܐܒܝܫܝ ܒܪ ܨܘܪܝܐ ܐܚܘܗܝ ܕܝܘܐܒ ܗܘ ܚܪܒ ܠܐܕܘ̈ܡܝܐ ܒܢܚܠܐ ܕܡܠܚܐ ܬܡܢܬܥܣܪ ܐܠܦ̈ܝܢ ܓܒܪ̈ܝܢ

13ܘܐܩܝܡ ܕܘܝܕ ܥܠ ܐܕܘ̈ܡܝܐ ܫܠܝ̈ܛܐ ܘܗܘܘ ܟܠܗܘܢ ܐܕܘ̈ܡܝܐ ܥܒ̣ܕ̈ܐ ܠܕܘܝܕ ܘܦܪܩ ܡܪܝܐ ܠܕܘܝܕ ܒܟܠ ܕܘܟܐ ܕܐܙ̇ܠ ܗܘܐ

14ܘܐܡܠܟ ܕܘܝܕ ܥܠ ܟܠܗ ܐܝܣܪܝܠ ܘܗܘܐ ܕܘܝܕ ܥ̇ܒܕ ܕܝ̣ܢܐ ܘܙܕܝܩܘܬܐ ܠܟܠܗ ܥܡܐ

15ܘܝܘܐܒ ܒܪ ܨܘܪܝܐ ܫܠܝܛ ܥܠ ܟܠܗܘܢ ܚܝܠܘ̈ܬܐ ܘܝܗܘܫܦܛ ܒܪ ܐܚܝܠܘܕ ܕܡܕܟܪ

16ܘܨܕܘܩ ܒܪ ܐܚܝܛܘܒ ܘܐܚܝܡܠܟ ܒܪ ܐܒܝܬܪ ܟܗ̈ܢܐ ܘܫܪܝܐ ܣ̇ܦܪܐ

17ܘܒܢܝܐ ܒܪ ܝܘܝܕܥ ܥܠ ܩܫ̈ܬܐ ܘܥܠ ܩܠܥ̈ܐ ܘܒܢ̈ܘܗܝ ܕܕܘܝܕ ܪ̈ܘܪܒܝܢ ܗܘܘ

1ܘܗܘܐ ܡܢ ܒܬܪ ܗܠܝܢ ܘܡܝܬ ܢܚܫ ܡܠܟܐ ܕܒ̈ܢܝ ܥܡܘܢ ܘܐܡܠܟ ܚܢܘܢ ܒܪܗ ܒܬܪܗ

2ܘܐܡܪ ܕܘܝܕ ܡܥܒܕ ܐܥܒܕ ܚܣܕܐ ܥܡ ܚܢܘܢ ܒܪ ܢܚܫ ܐܝܟܢܐ ܕܥܒܕ ܐܒܘܗܝ ܥܡܝ ܚܣܕܐ ܘܫܕܪ ܕܘܝܕ ܐܝܙ̈ܓܕܐ ܠܡܒܝܐܘܬܗ ܥܠ ܐܒܘܗܝ ܘܐܬܘ ܥܒ̣ܕ̈ܘܗܝ ܕܕܘܝܕ ܠܐܪܥܐ ܕܒ̈ܢܝ ܥܡܘܢ ܠܘܬ ܚܢܘܢ ܠܡܒܝܐܘܬܗ

3ܘܐܡ̇ܪܝܢ ܪܘܪ̈ܒܢܐ ܕܒ̈ܢܝ ܥܡܘܢ ܠܚܢܘܢ ܡܪܗܘܢ ܡܝܩܪܘ ܡܝܩܪ ܗܘܐ ܕܘܝܕ ܠܐܒܘܟ ܒܚܝܘ̈ܗܝ ܡܛܠ ܕܗܐ ܫܕܪ ܠܟ ܡܒܝܐ̈ܢܐ ܡܛܠ ܕܠܡܓܫ ܡܕܝܢܬܐ ܘܠܡܕܥ ܡܦܩ̈ܢܐ ܘܡܥ̈ܠܢܐ ܫܕܪ ܕܘܝܕ ܥܒ̣ܕ̈ܘܗܝ ܠܘܬܢ

4ܘܕܒܪ ܚܢܘܢ ܠܥܒ̣ܕ̈ܘܗܝ ܕܕܘܝܕ ܘܓܪܥ ܦܠܓܘܬ ܕܩܢܝ̈ܗܘܢ ܘܦܠܓܘܬ ܪ̈ܫܝܗܘܢ ܘܩܕܕ ܟܘܬܝ̈ܢܝܬܗܘܢ ܥܕܡܐ ܠܟܢܘܬܫܪ̈ܝܗܘܢ ܘܫܕܪ ܐܢܘܢ

5ܘܚܘܝܘ ܠܕܘܝܕ ܘܫܕܪ ܠܐܘܪܥܗܘܢ ܕܓܒܪ̈ܐ ܡܛܠ ܕܒܗܝܬܝܢ ܗܘܘ ܛܒ ܘܐܡܪ ܠܗܘܢ ܡܠܟܐ ܬܒܘ ܒܐܝܪܝܚܘ ܥܕܡܐ ܠܐܝܟܐ ܕܢܐܥܘܢ ܕܩܢܝ̈ܟܘܢ ܘܬܗܦܟܘܢ

6ܘܚܙܘ ܒ̈ܢܝ ܥܡܘܢ ܕܐܣܟܠܘ ܒܥܒ̣ܕ̈ܘܗܝ ܕܕܘܝܕ ܘܫܕܪ ܚܢܘܢ ܘܒ̈ܢܝ ܥܡܘܢ ܠܡܐܓܪ ܠܗܘܢ ܒܐܠܦ ܟܟܪ̈ܝܢ ܕܟܣܦܐ ܡܢ ܐܪܡ ܢܗܪ̈ܝܢ ܘܡܢ ܚܪܢ ܘܡܢ ܢܨܝܒܝܢ ܘܡܢ ܐܕܘܡ ܙܘܓ̈ܐ ܘܦܪ̈ܫܐ

7ܘܐܓܪܘ ܠܗܘܢ ܬܠܬܝܢ ܘܬܪܝܢ ܐܠܦ̈ܝܢ ܦܪ̈ܫܝܢ ܘܠܡܠܟܐ ܕܚܪܢ ܘܠܡܠܟܐ ܕܐܕܘܡ ܘܠܡܠܟܐ ܕܐܪܡ ܢܗܪ̈ܝܢ ܘܠܡܠܟܐ ܕܢܨܝܒܝܢ ܘܠܚܝ̈ܠܘܬܗܘܢ ܘܐܬܘ ܘܫܪܘ ܩܕܡ ܡܕܐܒܐ ܘܒ̈ܢܝ ܥܡܘܢ ܐܬܟܢܫܘ ܡܢ ܩܘܪ̈ܝܗܘܢ ܘܐܬܘ ܠܩܪܒܐ

8ܘܫܡܥ ܕܘܝܕ ܘܫܕܪ ܠܝܘܐܒ ܘܠܟܠ ܚܝܠܘ̈ܬܐ ܕܓܢܒܪ̈ܐ

9ܘܢܦܩܘ ܒ̈ܢܝ ܥܡܘܢ ܘܥܒܕܘ ܩܪܒܐ ܩܕܡ ܬܪܥܐ ܘܗܠܝܢ ܡܠܟ̈ܐ ܗܢܘܢ ܘܚܝܠܘ̈ܬܗܘܢ ܫܪܝܢ ܗܘܘ ܒܠܚܘܕܝܗܘܢ ܒܚܩ̈ܠܬܐ

10ܘܚܙܐ ܝܘܐܒ ܕܥܫܢ ܥܠܘܗܝ ܩܪܒܐ ܡܢ ܩܕܡܘܗܝ ܘܡܢ ܒܣܬܪܗ ܘܓܒܐ ܠܗ ̇—̇— ܡܢ ܟܠܗܘܢ ܓܢܒܪ̈ܐ ܕܐܝܣܪܝܠ ܘܥܒܕܘ ܩܪܒܐ ܠܘܩܒܠ ܐܕܘܡ

11ܘܫܪܟܐ ܕܥܡܐ ܐܫܠܡ ܠܐܒܝܫܝ ܐܚܘܗܝ ܘܣܕܪ ܠܘܩܒܠ ܒ̈ܢܝ ܥܡܘܢ

12ܘܐܡܪ ܠܗ ܐܢܗܘ ܕܢܬܩܦ ܡܢܝ ܐܕܘܡ ܬܐܬܐ ܬܦܨܝܢܝ ܘܐܢ ܒ̈ܢܝ ܥܡܘܢ ܢܬܩܦܘܢ ܡܢܟ ܐܬܐ ܘܐܦܨܝܟ ܡܢܗܘܢ

13ܬܩܦ ܘܐܬܬܩܦ ܘܢܬܟܬܫ ܥܠ ܐܦ̈ܝ ܥܡܢ ܘܥܠ ܐܦ̈ܝ ܩܘܪ̈ܝܐ ܕܐܠܗܢ ܘܡܪܝܐ ܢܥܒܕ ܡܕܡ ܕܫܦܝܪ ܒܥܝܢ̈ܘܗܝ

14ܘܩܪܒ ܝܘܐܒ ܘܥܡܐ ܕܐܝܬ ܥܡܗ ܠܡܬܟܬܫܘ ܥܡ ܐܕܘܡ̈ܝܐ ܘܥܪܩܘ ܡܢ ܩܕܡܘܗܝ

15ܘܒ̈ܢܝ ܥܡܘܢ ܚܙܘ ܕܥܪܩܘ ܐܕܘܡ̈ܝܐ ܘܥܪܩܘ ܐܦ ܗܢܘܢ ܡܢ ܩܕܡ ܐܒܝܫܝ ܐܚܘܗܝ ܘܐܬܘ ܠܩܪܝܬܐ ܘܗܦܟ ܝܘܐܒ ܠܐܘܪܫܠܡ

16ܘܚܙܘ ܐܕܘ̈ܡܝܐ ܕܐܬܬܒܪܘ ܩܕܡ ܒ̈ܢܝ ܐܝܣܪܝܠ ܘܫܕܪܘ ܐܝܙ̈ܓܕܐ ܘܐܦܩܘ ܠܐܕܘܡ̈ܝܐ ܕܐܝܬ ܡܢ ܥܒܪ ܢܗܪܐ ܘܐܬܘ ܠܚܝܠܡ ܘܫܘܒܟ ܪܒ ܚܝܠܗ ܕܗܕܪܥܙܪ ܩܕܡܝܗܘܢ

17ܘܚܘܝܘ ܠܕܘܝܕ ܘܟܢܫ ܠܟܠܗ ܐܝܣܪܝܠ ܘܐܬܐ ܥܠܝܗܘܢ ܘܣܕܪ ܕܘܝܕ ܠܘܩܒܠ ܐܕܘܡ̈ܝܐ ܩܪܒܐ ܘܐܬܟܬܫܘ ܥܡܗܘܢ

18ܘܥܪܩܘ ܐܕܘ̈ܡܝܐ ܡܢ ܩܕܡ ܒ̈ܢܝ ܐܝܣܪܐܝܠ ܘܚܪܒ ܕܘܝܕ ܒܐܕܘܡ̈ܝܐ ܫܒܥܐ ܐ̈ܠܦܝܢ ܙܘ̈ܓܝܢ ܘܐܪ̈ܒܥܐ ܐ̈ܠܦܝܢ ܓܒܪ̈ܐ ܪ̈ܓܠܝܐ ܘܫܘܒܟ ܪܒ ܚܝܠܗ ܕܗܕܪܥܙܪ ܐܬܩܛܠ ܬܡܢ

19ܘܚܙܘ ܥܒ̈ܕܘܗܝ ܕܗܕܪܥܙܪ ܕܐܬܬܒܪܘ ܩܕܡ ܒ̈ܢܝ ܐܝܣܪܝܠ ܘܐܫܠܡܘ ܠܕܘܝܕ ܘܦܠܚܘܗܝ ܘܠܐ ܨܒܘ ܐܕܘ̈ܡܝܐ ܠܡܥܕܪܘ ܬܘܒ ܠܒ̈ܢܝ ܥܡܘܢ

1ܘܗܘܐ ܠܫܢܬܐ ܐܚܪܬܐ ܠܙܒܢܐ ܕܡܦܩܢܐ ܕܡܠܟ̈ܐ ܘܟܢܫ ܝܘܐܒ ܚܝܠܘ̈ܬܐ ܘܐܬܐ ܘܫܪܐ ܥܠ ܐܪܥܐ ܕܒ̈ܢܝ ܥܡܘܢ ܘܐܚܕ ܒܗ̇ ܘܫܪܐ ܥܠ ܪܒܬ ܡܕܝܢܬܗܘܢ ܪܒܬܐ ܘܕܘܝܕ ܝܬ̇ܒ ܗܘܐ ܒܐܘܪܫܠܡ ܘܐܚܕ ܝܘܐܒ ܠܪܒܬ ܡܕܝܢܬܗܘܢ ܘܥܩܪܗ̇

2ܘܢܣܒ ܕܘܝܕ ܬܓܐ ܕܡܠܟܗܘܢ ܡܢ ܪܝܫܗ ܘܬܩܠܗ ܘܐܫܟܚ ܒܗ ܡܬܩܠܐ ܕܟܟܪܐ ܕܕܗܒܐ ܘܐܝܬ ܗܘܘ ܒܗ ܛܒ̈ܥܐ ܛܒ̈ܐ ܘܣܡܗ ܕܘܝܕ ܒܪܫܗ ܘܫܒܝܬܐ ܕܡܕܝܢܬܐ ܐܦܩ ܣܘܓܐܐ ܕܛܒ

3ܘܥܡܐ ܕܐܝܬ ܗܘܐ ܒܗ̇ ܐܦܩ ܐܢܘܢ ܘܐܣܪ ܐܢܘܢ ܒܫ̈ܫܠܬܐ ܘܒܩܘܠܪ̈ܐ ܕܦܪܙܠܐ ܘܒܩܘ̈ܦܠܐ ܘܒܨܡ̈ܬܐ ܘܐܣܪ ܐܢܘܢ ܠܟܠܗܘܢ ܘܗܟܢܐ ܥܒܕ ܠܟܠܗܘܢ ܒܢ̈ܝܢܫܐ ܕܐܫܬܟܚܘ ܒܩܘܪ̈ܝܐ ܕܒ̈ܢܝ ܥܡܘܢ ܘܠܐ ܩܛܠ ܐܢܫ ܡܢܗܘܢ ܘܐܙܠ ܘܐܘܬܒ ܐܢܘܢ ܒܩܘܪ̈ܝܐ ܕܐܪܥܐ ܕܐܝܣܪܝܠ ܘܗܦܟ ܕܘܝܕ ܘܟܠ ܕܥܡܗ ܠܐܘܪܫܠܡ

4ܘܡܢ ܒܬܪ ܗܠܝܢ ܗܘܐ ܬܘܒ ܩܪܒܐ ܒܥܐܙܐ ܥܡ ܦܠܫ̈ܬܝܐ ܗܝܕܝܢ ܩܛܠ ܣܒܟܝ ܕܡܢ ܚܫܡܬ ܠܣܘܦܝ ܕܡܢ ܒܢ̈ܝܐ ܕܓܕܦܐ ܡܚܣܕܢܝܬܐ

5ܕܗܘܐ ܐܚܘܗܝ ܕܓܘܠܝܕ ܓܢܒܪܐ ܕܡܢ ܓܬ ܘܫܢܢܐ ܕܢܝܙܟܗ ܥܒܐ ܗܘܐ ܐܝܟ ܢܘܠܐ ܕܓܪ̈ܕܝܝܐ

6ܘܗܘܐ ܬܘܒ ܩܪܒܐ ܒܓܬ ܘܗܘܐ ܬܡܢ ܓܒܪܐ ܚܕ ܓܢܒܪܐ ܕܡܫܘܚܬܐ ܘܨܒ̈ܥܬܐ ܕܐܝܕ̈ܘܗܝ ܘܕܪ̈ܓܠܘܗܝ ܫܬ ܫܬ ܥܣܪܝܢ ܘܐܪܒܥ ܒܡܢܝܢܐ ܘܐܦ ܗܘ ܐܬܝܠܕ ܠܡܚܣܕܢܘܬܐ

7ܘܡܚܣܕ ܗܘܐ ܠܐܝܣܪܐܝܠ ܘܩܛܠܗ ܝܘܢܬܢ ܒܪ ܫܡܐ ܐܚܘܗܝ ܕܕܘܝܕ

8ܐܪܒܥܐ ܗܠܝܢ ܐܬܝܠܕܘ ܠܡܚܣܕܢܘܬܐ ܒܓܬ ܘܐܬܬܒܪܘ ܒܐܝܕܐ ܕܕܘܝܕ ܘܒܐܝܕܐ ܕܥܒ̈ܕܘܗܝ

1ܘܩܡ ܣܛܢܐ ܠܐܝܣܪܐܝܠ ܘܣܪܗܒ ܠܕܘܝܕ ܠܡܡܢܐ ܠܐܝܣܪܝܠ

2ܘܐܡܪ ܕܘܝܕ ܠܝܘܐܒ ܒܪ ܨܘܪܝܐ ܘܠܪ̈ܘܪܒܢܘܗܝ ܕܥܡܐ ܙܠܘ ܘܡܢܘ ܠܥܡܐ ܕܐܝܣܪܝܠ ܡܢ ܒܪ ܫܒܥ ܘܥܕܡܐ ܠܕܢ ܘܬܘ ܠܘܬܝ ܘܐܕܥ ܡܢܝܢܗ ܕܥܡܐ

3ܘܐܡܪ ܝܘܐܒ ܠܕܘܝܕ ܡܠܟܐ ܢܘܣܦ ܡܪܝܐ ܐܠܗܟ ܥܠ ܥܡܗ ܐܟܘܬܗܘܢ ܘܐܟܘܬܗܘܢ ܡܐܐ ܙܒܢ̈ܝܢ ܘܥܝܢ̈ܘܗܝ ܕܡܪܝ ܡܠܟܐ ܢܚ̈ܙܝܢ ܡܛܠ ܕܟܠܗܘܢ ܥܒܕ̈ܘܗܝ ܐܢܘܢ ܘܡܪܢ ܡܠܟܐ ܠܡ̇ܢܘ ܐܨܛܒܝ ܒܗ̇ ܒܡܠܬܐ ܗܕܐ

4ܘܡܠܬܗ ܕܡܠܟܐ ܥܫܢܬ ܥܠ ܝܘܐܒ ܘܢܦܩ ܝܘܐܒ ܘܗܠܟ ܒܟܠܗ ܐܝܣܪܝܠ ܘܗܦܟ ܐܬܐ ܠܐܘܪܫܠܡ

5ܘܝܗܒ ܝܘܐܒ ܡܢܝܢܐ ܘܚܘܫܒܢܐ ܕܥܡܐ ܠܕܘܝܕ ܘܗܘܐ ܚܘܫܒܢܐ ܕܒ̈ܢܝ ܐܝܣܪܝܠ ܐܠܦ ܐ̈ܠܦܝܢ ܘܡܐܐ ܐ̈ܠܦܝܢ ܓܒܪ̈ܐ ܪ̈ܓܠܝܐ ܫ̇ܡ̈ܛܝ ܣܝܦܐ ܘܫܒܛܐ ܕܒܝܬ ܝܗܘܕܐ ܗܘܘ ܒܡܢܝܢܐ ܐܪܒܥܡܐܐ ܘܫܒܥܝܢ ܐ̈ܠܦܝܢ ܓܒܪ̈ܐ ܫ̇ܡܛܝ ܣܝܦܐ

6ܘܠܘ̈ܝܐ ܘܟܗ̈ܢܐ ܘܫܒܛܐ ܕܒܝܬ ܒܢܝܡܝܢ ܠܐ ܐܬܡܢܝ ܥܡܗܘܢ ܡܛܠ ܕܐܣܠܝ ܝܘܐܒ ܡܠܬܗ ܕܡܠܟܐ ܘܠܐ ܨܒܐ ̇—̇— ܝܘܐܒ ܠܡܡܢܐ ܐܢܘܢ

7ܘܐܬܒܐܫ ܦܬܓܡܐ ܒܥܝ̈ܢܝ ܡܪܝܐ ܥܠ ܕܡܢܐ ܕܘܝܕ ܠܐܝܣܪܝܠ

8ܘܐܡܪ ܕܘܝܕ ܠܡܪܝܐ ܚܛܝܬ ܛܒ ܒܡܕܡ ܕܥܒܕܬ ܒܦܬܓܡܐ ܗܢܐ ܘܐܦ ܗܫܐ ܐܥܒܪ ܚܘܒ̈ܘܗܝ ܕܥܒܕܟ ܡܛܠ ܕܐܣܟܠܬ ܛܒ

9ܘܩܕܡ ܕܘܝܕ ܒܨܦܪܐ ܘܡܠܬܗ ܕܡܪܝܐ ܗܘܬ ܥܠ ܓܕ ܢܒܝܐ ܘܐܡܪ ܠܗ

10ܙܠ ܘܐܡܪ ܠܕܘܝܕ ܗܟܢܐ ܐܡ̇ܪ ܡܪܝܐ ܬܠܬ ܒܝ̈ܫܢ ܡܝܬܐ ܐܢܐ ܥܠܝܟ ܓܒܝ ܠܟ ܚܕܐ ܡܢܗܝܢ ܘܐܥܒܕ ܠܟ

11ܘܐܬܐ ܓܕ ܢܒܝܐ ܠܘܬ ܕܘܝܕ ܘܐܡܪ ܠܗ ܗܟܢܐ ܐܡ̇ܪ ܡܪܝܐ ܩܒܠ ܠܟ

12ܐܘ ܬܠܬ ܫܢ̈ܝܢ ܟܦܢܐ ܒܐܪܥܟ ܐܘ ܬܠܬܐ ܝܪ̈ܚܝܢ ܬܬܡܣܪ ܩܕܡ ܒܥܠܕܒܒܟ ܘܗܘ ܢܗܘܐ ܪܕ̇ܦ ܠܟ ܘܗܘ ܢܗܘܐ ܫܠܝܛ ܒܟ ܐܘ ܬܠܬܐ ܝܘܡ̈ܝܢ ܚܪܒܗ ܕܡܪܝܐ ܒܐܝܣܪܝܠ ܘܐܦ ܗܫܐ ܕܥ ܘܚܙܝ ܡܢܐ ܝܗ̇ܒ ܐܢܬ ܦܬܓܡܐ ܠܘܬ ܡ̇ܢ ܕܫܕܪܢܝ ܠܘܬܟ

13ܘܐܡܪ ܕܘܝܕ ܠܓܕ ܥܩܬ ܠܝ ܛܒ ܢܫܬܠܡ ܒܐܝܕ̈ܘܗܝ ܕܡܪܝܐ ܕܣܓܝܐ̈ܝܢ ܪ̈ܚܡܘܗܝ ܛܒ ܘܒܐܝܕܐ ܕܒܢܝܢ̈ܫܐ ܠܐ ܢܫܬܠܡ

14ܘܝܗܒ ܡܪܝܐ ܡܘܬܢܐ ܒܐܝܣܪܝܠ ܘܢܦܠܘ ܡܢ ܐܝܣܪܐܝܠ ܫܒܥ̈ܝܢ ܐ̈ܠܦܝܢ ܓܒܪ̈ܐ

15ܘܫܕܪ ܡܪܝܐ ܡܠܐܟܐ ܠܐܘܪܫܠܡ ܠܡܚܒܠܘܬܗ̇ ܘܟܕ ܡܚܒܠ ܠܗ̇ ܚܙܝܗܝ ܡܪܝܐ ܘܐܬܒܝܐ ܡܢ ܒܝܫܬܐ ܘܐܡܪ ܠܡܠܐܟܐ ܕܡܚܒܠ ܣܓܝ ܚܒܠܬ ܡܟܝܠ ܩܦܘܣ ܐܝܕܟ ܘܡܠܐܟܗ ܕܡܪܝܐ ܫܪܐ ܗܘܐ ܠܘܬ ܐܕܪܗ ܕܐܪܢ ܝܒܘܣܝܐ

16ܘܐܪܝܡ ܕܘܝܕ ܥܝܢ̈ܘܗܝ ܘܚܙܐ ܠܡܠܐܟܗ ܕܡܪܝܐ ܩܐ̇ܡ ܒܝܬ ܫܡܝܐ ܠܐܪܥܐ ܘܣܝܦܗ ܫܡܝܛ ܘܐܚܝܕ ܒܐܝܕܗ ܘܩܐ̇ܡ ܠܥܠ ܡܢ ܐܘܪܫܠܡ ܘܢܦܠ ܕܘܝܕ ܘܩܫܝ̈ܫܐ ܕܐܝܬ ܗܘܘ ܥܡܗ ܡܟܣܝܢ ܗܘܘ ܣܩ̈ܐ ܘܢܦܠܘ ܥܠ ܐܦܝ̈ܗܘܢ

17ܘܐܡܪ ܕܘܝܕ ܠܡܪܝܐ ܐܢܐ ܗܘ ܕܐܡܪܬ ܕܐܡܢܐ ܠܥܡܐ ܘܐܢܐ ܗܘ ܚܛܝܬ ܘܛܒ ܪܒܐ ܗܝ ܣܟܠܘܬܐ ܕܐܣܟܠܬ ܗܠܝܢ ܕܝܢ ܥܢܐ ܬܡܝ̈ܡܬܐ ܡܢܐ ܥܒܕܘ ܡܪܝܐ ܐܠܗܝ ܬܗܘܐ ܠܗ̇ ܐܝܕܟ ܒܝ ܘܒܒܝܬ ܐܒܝ ܘܡܢ ܥܡܐ ܢܬܟܠܐ ܡܘܬܢܐ

18ܘܡܠܐܟܗ ܕܡܪܝܐ ܐܡܪ ܠܓܕ ܢܒܝܐ ܣܩ ܐܡܪ ܠܕܘܝܕ ܣ̇ܠܩ ܒ̇ܢܐ ܡܕܒܚܐ ܠܡܪܝܐ ܒܐܕܪܗ ܕܐܪܢ ܝܒܘܣܝܐ

19ܘܣܠܩ ܕܘܝܕ ܐܝܟ ܦܬܓܡܗ ܕܓܕ ܕܐܡܪ ܒܫܡܗ ܕܡܪܝܐ

20ܘܚܙܐ ܕܘܝܕ ܠܡܠܐܟܐ ܕܡܚܒܠ ܒܥܡܐ ܕܩܦܣ ܐܝܕܗ ܘܠܐ ܚ̇ܒܠ ܬܘܒ

21ܘܐܬܐ ܕܘܝܕ ܠܘܬ ܐܪܢ ܘܐܬܦܢܝ ܐܪܢ ܘܚܙܐ ܠܡܠܟܐ ܕܘܝܕ ܘܣܓܕ ܠܕܘܝܕ ܥܠ ܐܦܘ̈ܗܝ ܥܕܡܐ ܠܐܪܥܐ ܘܢܦܩ ܐܪܢ ܡܢ ܐܕܪܗ

22ܘܐܡܪ ܕܘܝܕ ܠܐܪܢ ܗܒ ܠܝ ܕܘܟܬܐ ܕܐܕܪܐ ܗܢܐ ܘܐܒܢܐ ܒܗ̇ ܡܕܒܚܐ ܠܡܪܝܐ ܒܟܣܦܐ ܘܒܕܡ̈ܝܐ ܛܒ̈ܐ ܗܒܝܗ̇ ܠܝ ܘܢܬܟܠܐ ܡܘܬܢܐ ܡܢ ܥܡܐ

23ܘܐܡܪ ܐܪܢ ܠܕܘܝܕ ܣܒ ܠܟ ܡܪܝ ܡܠܟܐ ܘܢܥܒܕ ܡܪܝ ܡܠܟܐ ܡܕܡ ܕܫܦܝܪ ܒܥܝܢ̈ܘܗܝ ܘܐܢܐ ܝܗ̇ܒ ܐܢܐ ܬܘܪ̈ܐ ܠܥܠܬܐ ܘܓܪܓܪܐ ܠܩܝܣ̈ܐ ܘܚ̈ܛܐ ܠܩܘܪܒܢܐ ܘܟܠ ܡܕܡ ܕܡܬܒܥܐ ܐܢܐ ܝ̇ܗܒ

24ܘܐܡܪ ܡܠܟܐ ܕܘܝܕ ܠܐܪܢ ܚܣ ܠܝ ܡܙܒܢ ܙܒ̇ܢ ܐܢܐ ܡܢܟ ܒܟܣܦܐ ܘܒܕܡ̈ܝܐ ܐܝܟ ܕܫ̇ܘܐ ܡܛܠ ܕܠܐ ܢܣ̇ܒ ܐܢܐ ܕܝܠܟ ܘܡܣܩ ܐܢܐ ܠܡܪܝܐ ܥܠܬܐ ܕܡܓܢ

25ܘܙܒܢ ܕܘܝܕ ܡܢ ܐܪܢ ܕܘܟܬܐ ܗ̇ܝ ܕܐܕܪܐ ܒܚܡܫܝܢ ܐܣܬܪ̈ܝܢ

26ܘܒܢܐ ܕܘܝܕ ܬܡܢ ܡܕܒܚܐ ܠܡܪܝܐ ܘܩܪܒ ܥܠܘ̈ܬܐ ܘܫܠܡ̈ܐ ܐܡܪ̈ܐ ܘܨܠܝ ܩܕܡ ܡܪܝܐ ܘܥܢܝܗܝ ܘܢܚܬܬ ܢܘܪܐ ܡܢ ܫܡܝܐ ܘܐܟܠܬ ܥܠܘ̈ܬܐ ܕܐܝܬ ܗܘ̈ܝ ܥܠ ܡܕܒܚܐ

27ܘܐܡܪ ܡܪܝܐ ܠܡܠܐܟܐ ܟܕ ܚܙܐ ܐܗܦܟ ܣܝܦܟ ܠܚܠܬܗ

28ܒܙܒܢܐ ܗ̇ܘ ܟܕ ܚܙܐ ܕܘܝܕ ܕܥܢܝܗܝ ܡܪܝܐ ܒܐܕܪܗ ܕܐܪܢ ܝܒܘܣܝܐ ܘܕܒܚ ܬܡܢ ܕܒܚ̈ܐ ܪ̈ܘܪܒܐ

29ܘܨܠܝ ܬܡܢ ܩܕܡ ܡܫܟܢܐ ܕܥܒܕ ܗܘܐ ܡܘܫܐ ܒܡܕܒܪܐ ܒܡܦܩܢܐ ܕܒ̈ܢܝ ܐܝܣܪܐܝܠ ܡܢ ܡܨܪܝܢ

30ܒܗ ܒܙܒܢܐ ܗ̇ܘ ܕܚܠ ܗܘܐ ܕܘܝܕ ܛܒ ܘܠܐ ܡܫܟܚ ܗܘܐ ܠܡܐܙܠ ܠܡܨܠܝܘ ܩܕܡ ܡܪܝܐ ܡܛܠ ܕܕܚܠ ܗܘܐ ܡܢ ܩܕܡ ܚܪܒܐ ܕܡܠܐܟܗ ܕܡܪܝܐ

1ܘܐܡܪ ܕܘܝܕ ܕܗ̇ܢܘ ܒܝܬܗ ܕܡܪܝܐ ܐܠܗܐ ܘܗܢܐ ܗܘ ܡܕܒܚܐ ܕܥܠܘ̈ܬܐ ܕܐܝܣܪܝܠ

2ܘܐܡܪ ܕܘܝܕ ܠܡܟܢܫܘ ܠܟܠܗܘܢ ܓܝܘܪ̈ܐ ܕܐܝܬ ܗܘܘ ܒܐܪܥܐ ܕܐܝܣܪܝܠ ܘܢܥܒܕܘܢ ܡܢܗܘܢ ܦܣܘ̈ܠܐ ܘܢܦܣܩܘܢ ܟܐܦ̈ܐ ܠܒܝܬܗ ܕܡܪܝܐ

3ܘܠܡܥܒܕ ܡܢܗܘܢ ܩܝܢ̈ܝܐ ܥ̇ܒ̈ܕܝ ܦܪܙܠܐ ܠܡܥܒܕ ܦܕ̈ܘܥܐ ܘܐܟܣ̈ܝܕܐ ܘܡܘܟ̈ܠܐ ܕܦܪܙܠܐ ܬܩܢ ܕܘܝܕ ܘܢܚܫܐ ܣܓܝܐܐ ܕܠܝܬ ܠܗ ܡܬܩܠܐ

4ܘܩܝܣ̈ܐ ܕܐܪܙܐ ܕܠܝܬ ܠܗܘܢ ܡܢܝܢܐ ܡܛܠ ܕܐܝܬܝܘ ܨܘܪ̈ܝܐ ܘܨܝܕܢ̈ܝܐ ܩܝ̈ܣܐ ܕܐܪܙܐ ܣܘܓܐܐ ܕܛܒ ܠܕܘܝܕ

5ܘܐܡܪ ܕܘܝܕ ܫܠܝܡܘܢ ܒܪܝ ܥܕܡܐ ܠܗܫܐ ܛܠܝܐ ܗܘ ܙܥܘܪܐ ܘܥܠܘܗܝ ܗܘ ܐܡܝܪ ܒܟܬܒܐ ܕܢܒܢܐ ܒܝܬܐ ܠܡܪܝܐ ܕܢܘܪܒܝܘܗܝ ܠܥܠ ܠܫܡܐ ܘܠܪܒܘܬܐ ܘܠܬܫܒܘܚܬܐ ܠܟܠܗܝܢ ܡܕܝܢ̈ܬܐ ܐܛܝܒ ܠܗ ܐܢܐ ܟܘܠ ܡܕܡ ܕܡܬܒܥܐ ܠܗ ܡܢ ܚܝ̈ܝ ܘܛܝܒ ܕܘܝܕ ܟܘܠ ܡܕܡ ܕܡܬܒܥܐ ܗܘܐ ܠܗ ܠܒܝܬܐ ܘܡܕܡ ܠܐ ܚܣܪ

6ܘܩܪܐ ܠܫܠܝܡܘܢ ܒܪܗ ܘܐܡܪ ܠܗ ܐܢܬ ܬܒܢܐ ܒܝܬܐ ܠܡܪܝܐ ܐܠܗܐ ܡܪܐ ܡܪ̈ܘܬܐ ܕܐܝܣܪܝܠ

8ܡܛܠ ܕܫܕܪ ܥܠܝ ܒܐܝܕܐ ܕܢܒܝܐ ܘܐܡܪ ܠܝ ܕܡܐ ܣܓܝܐܐ ܐܫܕܬ ܘܩܐܪ̈ܣܐ ܪ̈ܘܪܒܐ ܥܒܕܬ ܐܢܬ ܠܐ ܬܒܢܐ ܒܝܬܐ ܠܫܡܝ ܡܛܠ ܕܕܡܐ ܣܓܝܐܐ ܐܫܕܬ ܥܠ ܐܪܥܐ ܩܕܡܝ

9ܒܪܐ ܕܝܢ ܕܡܬܝܠܕ ܠܟ ܗܘ ܢܗܘܐ ܓܒܪܐ ܕܢܝܚܐ ܘܐܢܝܚ ܠܗ ܡܢ ܟܠܗܘܢ ܒܥܠܕܒܒ̈ܘܗܝ ܕܚܕܝܪܝܢ ܠܗ ܘܫܠܝܡܘܢ ܢܗܘܐ ܫܡܗ ܘܫܠܡܐ ܘܢܝܚܐ ܢܗܘܐ ܥܠ ܟܠܗ ܐܝܣܪܝܠ ܒܝܘܡ̈ܬܗ

10ܘܗܘ ܢܒܢܐ ܒܝܬܐ ܠܫܡܝ ܘܗܘ ܢܗܘܐ ܠܝ ܐܝܟ ܒܪܐ ܘܐܢܐ ܐܗܘܐ ܠܗ ܐܝܟ ܐܒܐ ܘܐܬܩܢ ܟܘܪܣܝܐ ܕܡܠܟܘܬܗ ܥܠ ܐܝܣܪܝܠ ܠܥܠܡ ܥܠܡܝܢ

11ܘܐܦ ܗܫܐ ܒܪܝ ܢܗܘܐ ܡܪܝܐ ܥܡܟ ܘܬܟܫܪ ܘܬܒܢܐ ܒܝܬܐ ܕܡܪܝܐ ܐܠܗܟ ܐܝܟܢܐ ܕܐ̇ܡܪ ܠܟ

12ܘܗܘ ܢܬܠ ܠܟ ܚܟܡܬܐ ܘܢܒܝܘܬܐ ܘܢܦܩܕܟ ܥܠ ܐܝܣܪܝܠ ܘܬܛܪ ܢܡܘܣ̈ܘܗܝ ܕܡܪܝܐ ܐܠܗܟ ܐܝܟܢܐ ܕܦܩܕܢܝ

13ܘܗܝܕܝܢ ܬܟܫܪ ܘܐܢ ܗܘ ܕܬܛܪ ܘܬܥܒܕ ܦܘܩ̈ܕܢܐ ܗܠܝܢ ܘܢܡܘ̈ܣܐ ܘܕܝ̣ܢ̈ܐ ܐܝܟܢܐ ܕܦܩܕ ܡܪܝܐ ܠܡܘܫܐ ܠܡܠܦܘ ܠܐܝܣܪܝܠ ܗܝܕܝܢ ܐܬܥܫܢ ܘܐܬܓܒܪ ܘܠܐ ܬܕܚܠ ܘܐܦܠܐ ܬܙܘܥ

14ܘܟܠܡܕܡ ܗܐ ܐܢܐ ܛܝܒܬ ܠܟ ܟܠܡܕܡ ܕܡܬܒܥܐ ܠܒܢܝܢܐ ܕܒܝܬܗ ܕܡܪܝܐ ܛܝܒܬ ܠܟ ܟܟܪ̈ܐ ܕܕܗܒܐ ܡܐܐ ܐܠܦ̈ܝܢ ܛܝܒܬ ܠܟ ܣܐܡܐ ܒܡܢܝܢܐ ܐܠܦ ܐܠܦ̈ܝܢ ܟܟܪ̈ܝܢ ܘܢܚܫܐ ܘܦܪܙܠܐ ܛܝܒܬ ܠܟ ܕܠܐ ܐܝܬ ܠܗ ܡܢܝܢܐ ܘܟܠ ܒܢ̈ܝ ܐܢܫܐ ܕܡܗܠܟܝܢ ܥܠ ܐܪܥܐ ܠܐ ܝ̇ܕܥܝܢ ܠܡܚܫܒ ܣܟܐ ܕܠܝܛܪ̈ܘܗܝ ܡܛܠ ܕܣܓܝ ܗܘ ܘܩܝ̈ܣܐ ܘܟܐܦ̈ܐ ܛܝܒܬ ܠܟ ܘܥܠܝܗܝܢ ܬܘܣܦ

15ܘܐܣܓܐ ܥ̇ܒ̈ܕܝ ܥܒܝ̈ܕܬܐ ܦܣܘ̈ܠܐ ܘܐܪ̈ܕܟܠܐ ܘܢܓܪ̈ܐ ܕܩܝܣܐ

16ܘܥ̇ܒ̈ܕܝ ܕܗܒܐ ܘܥ̇ܒ̈ܕܝ ܣܐܡܐ ܘܥ̇ܒ̈ܕܝ ܢܚܫܐ ܘܥ̇ܒ̈ܕܝ ܦܪܙܠܐ ܕܠܐ ܐܝܬ ܠܗܘܢ ܡܢܝܢܐ ܘܐܫܬܪܪ ܘܥܒ̣ܕ ܘܢܗܘܐ ܡܪܝܐ ܒܥܘܕܪܢܟ

17ܘܦܩܕ ܕܘܝܕ ܠܟܘܠܗܘܢ ܩܫܝ̈ܫܐ ܕܐܝܣܪܝܠ ܘܐܡܪ ܠܗܘܢ ܥܕܪܘ ܠܫܠܝܡܘܢ ܒܪܝ

18ܡܛܠ ܕܗܐ ܡܪܝܐ ܐܠܗܟܘܢ ܥܡܟܘܢ ܘܡܥܕܪ ܠܟܘܢ ܘܡܣܝܥ ܠܟܘܢ ܡܢ ܟܘܠܗܘܢ ܚܕܪ̈ܝܟܘܢ ܘܗܐ ܐܫܠܡ ܩܕܡܝܟܘܢ ܟܠܗܘܢ ܥܡܘܪ̈ܝܗ̇ ܕܐܪܥܐ ܘܬܬܟܒܫ ܐܪܥܐ ܩܕܡ ܡܪܝܐ ܘܩܕܡ ܥܡܗ

19ܘܐܦ ܗܫܐ ܐܬܩܢܘ ܠܒܟܘܢ ܘܢܦܫܟܘܢ ܠܡܨܠܝܘ ܩܕܡ ܡܪܝܐ ܐܠܗܟܘܢ ܘܩܘܡܘ ܘܒܢܘ ܡܩܕܫܐ ܕܡܪܝܐ ܐܠܗܐ ܘܐܥܠܘ ܠܬܡܢ ܩܒܘܬܐ ܕܒܗ̇ ܣܝܡܐ ܕܝܬܩܐ ܕܡܪܝܐ ܐܠܗܢ ܘܡܐ̈ܢܝ ܩܘܕܫܐ ܕܡܪܝܐ ܐܠܗܢ ܘܒܢܘ ܒܝܬܐ ܡܛܠ ܫܡܗ ܪܒܐ ܕܐܬܩܪܝ ܥܠܝܢ

1ܘܕܘܝܕ ܩܫ ܘܣܒܥ ܝܘܡ̈ܬܗ ܘܐܩܝܡ ܠܫܠܝܡܘܢ ܒܪܗ ܒܡܠܟܘܬܐ ܥܠ ܐܝܣܪܝܠ

2ܘܟܢܫ ܟܠܗܘܢ ܩܫܝ̈ܫܐ ܕܟܗ̈ܢܐ ܘܕܠܘ̈ܝܐ

3ܘܐܬܡܢܝܘ ܠܘ̈ܝܐ ܡܢ ܒܪ ܬܠܬܝܢ ܫܢ̈ܝܢ ܘܠܥܠ ܘܗܘܐ ܡܢܝܢܐ ܕܓܒܪ̈ܐ ܠܪܝܫ ܐܢܫ ܬܠܬܝܢ ܘܬܡܢܝܐ ܐ̈ܠܦܝܢ

4ܘܐܩܝܡ ܡܢܗܘܢ ܕܘܝܕ ܫܠܝ̈ܛܐ ܥܠ ܥܒܝ̈ܕܬܐ ܕܒܝܬܗ ܕܡܪܝܐ ܥܣܪܝܢ ܘܐܪ̈ܒܥܐ ܓܒܪ̈ܝܢ ܥܠ ܐܠܦ ܘܕ̇ܝ̈ܢܐ ܘܣ̇ܦܪ̈ܐ ܫܬܐ ܫܬܐ ܓܒܪ̈ܝܢ ܥܠ ܡܐܬܐ ܕܢܗܘܘܢ ܚ̇ܙܝܢ ܒܢܝܢܐ ܘܩ̇ܝܡܝܢ ܘܪܗ̇ܛܝܢ ܒܚܝܠܗܘܢ ܘܒܡܪ̈ܗܛܝܗܘܢ ܘܒܥܒܝ̈ܕܬܗܘܢ ܘܒܚܘܫ̈ܒܢܝܗܘܢ ܘܒܢܟܣ̈ܝܗܘܢ ܘܒܙܕ̈ܩܬܐ ܕܢܗܘܘܢ ܡܦܪܢܣܝܢ ܠܡܣܟ̈ܢܐ ܘܐܩܝܡ ܕܘܝܕ ܥܠ ܡܣܟ̈ܢܐ ܘܥܠ ܒ̇ܝ̈ܫܐ ܡܦܪ̈ܢܣܢܐ ܘܩܝܘ̈ܡܐ ܕܢܗܘܘܢ ܙܝ̇ܢܝܢ ܘܡܦܪܢܣܝܢ ܡܣܟ̈ܢܐ ܚܕ ܥܠ ܥܣܪܐ ܘܡܕܡ ܠܐ ܡܚܣܪܝܢ ܠܗܘܢ

6ܘܐܩܝܡ ܐܢܘܢ ܕܘܝܕ ܠܟܘܠܗܘܢ ܒܫܘܠܛܢ̈ܝܗܘܢ ܠܒܢ̈ܘܗܝ ܕܠܘܝ ܓܪܫܘܢ ܘܩܗܬ ܘܡܪܪܝ

7ܠܓܪܫܘܢ ܠܥܕܢ ܘܫܡܥܝ

8ܒܢܘ̈ܗܝ ܕܠܥܕܢ ܩܫܝܫܗ ܢܚܢܐܝܠ ܝܘܬܡ ܝܘܐܝܠ ܬܠܬܐ

9ܒܢ̈ܘܗܝ ܕܫܡܥܝܐ ܣܠܡܘܬ ܘܚܙܐܝܠ ܘܐܪܢ ܬܠܬܐ ܗܠܝܢ ܪ̈ܫܝ ܐܒܗ̈ܬܐ ܕܫܡܥܝ

10ܒܢܘ̈ܗܝ ܕܫܡܥܝ ܢܚܬ ܙܒܝܕܐ ܝܥܘܫ ܒܪܝܥܐ ܗܠܝܢ ܒܢ̈ܘܗܝ ܕܫܡܥܝ ܐܪܒܥܐ

11ܘܗܘܐ ܢܚܬ ܩܫܝܫܗ ܘܙܒܝܕܐ ܬܢܝܢܐ ܘܝܥܘܫ ܘܒܪܝܥܐ ܘܒܪܝܥܐ ܠܐ ܐܣܓܝ ܠܗ ܒܢ̈ܝܐ ܘܗܘܐ ܠܒܝܬ ܐܒܘܗܘܢ ܠܫܪܒܬܐ ܚܕܐ

12ܒܢ̈ܘܗܝ ܕܩܗܬ ܥܡܪܡ ܘܝܨܗܪ ܘܚܒܪܘܢ ܘܥܙܘܐܝܠ ܐܪ̈ܒܥܐ

13ܒܢܘ̈ܗܝ ܕܥܡܪܡ ܐܗܪܘܢ ܘܡܘܫܐ ܘܐܬܓܒܝ ܐܗܪܘܢ ܠܡܫܡܫܘ ܒܩܕܘܫ ܩܘܕ̈ܫܐ ܗܘ ܘܒܢ̈ܘܗܝ ܥܕܡܐ ܠܥܠܡ ܠܡܩܪܒܘ ܩܕܡ ܡܪܝܐ ܩܛܪ̈ܘܩܐ ܕܒܣ̈ܡܐ ܠܡܫܡܫܘܬܗ ܘܠܡܒܪܟܘ ܒܫܡܗ ܥܕܡܐ ܠܥܠܡ

14ܘܡܘܫܐ ܢܒܝܐ ܕܡܪܝܐ ܐܬܩܪܝ ܡܢ ܫܒܛܐ ܕܒܝܬ ܠܘܝ

15ܒܢ̈ܘܗܝ ܕܡܘܫܐ ܓܪܫܘܡ ܘܐܠܝܥܙܪ

16ܒܢ̈ܘܗܝ ܕܓܪܫܘܡ ܫܡܘܐܝܠ ܩܫܝܫܗ

17ܘܗܘܘ ܒܢܘ̈ܗܝ ܕܐܠܝܥܙܪ ܪܚܡܝܐ ܩܫܝܫܗ ܘܠܐ ܗܘܘ ܠܐܠܝܥܙܪ ܒܢ̈ܝܐ ܐܚܪ̈ܢܐ ܘܒܢ̈ܘܗܝ ܕܪܚܡܝܐ ܪܝܒܝ ܩܫܝܫܗ

18ܘܒܢܘ̈ܗܝ ܕܝܨܗܪ ܣܠܡܘܬ ܩܫܝܫܗ

19ܘܒܢܘ̈ܗܝ ܕܚܒܪܘܢ ܝܘܕܐ ܩܫܝܫܗ ܐܡܪܝܐ ܬܢܝܢܐ ܢܚܙܐܝܠ ܬܠܝܬܝܐ ܢܩܡܐܝܡ ܪܒܝܥܝܐ

20ܒܢܘ̈ܗܝ ܕܥܙܐܝܠ ܡܝܟܐ ܩܫܝܫܗ ܫܘܚ ܬܢܝܢܐ

21ܒܢܘ̈ܗܝ ܕܡܪܪܝ ܡܚܠܝ ܘܡܘܫܝ ܒܢܘ̈ܗܝ ܕܡܚܠܝ ܐܠܝܥܙܪ ܘܩܝܫ

22ܘܡܝܬ ܐܠܝܥܙܪ ܘܠܐ ܗܘܘ ܠܗ ܒܢ̈ܝܐ ܐܠܐ ܒܢ̈ܬܐ ܘܢܣܒܘ ܐܢ̈ܝܢ ܒܢܘ̈ܗܝ ܕܩܝܫ ܕܕܗܝܢ

23ܒܢܘ̈ܗܝ ܕܡܘܫܝ ܡܚܠܝ ܘܥܕܪ ܘܝܪܡܘܢ ܬܠܬܐ

24ܗܠܝܢ ܒܢܘ̈ܗܝ ܕܠܘܝ ܠܒܝܬ ܐܒܗ̈ܝܗܘܢ ܪ̈ܝܫܝ ܐܒܗ̈ܬܐ ܠܡܢܝܢܗܘܢ ܒܡܢܝܢܐ ܕܫܡܗ̈ܝܗܘܢ ܠܪܝܫ ܐܢܫ ܩ̇ܝܡ̈ܝ ܥܠ ܥܒܝ̈ܕܬܐ ܕܡܬܒ̈ܥܝܢ ܒܒܝܬܗ ܕܡܪܝܐ ܡܢ ܒܪ ܥܣܪܝܢ ܫܢܝ̈ܢ ܘܠܥܠ

25ܡܛܠ ܕܐܡܪ ܕܘܝܕ ܕܐܢܝܚ ܡܪܐ ܡܪ̈ܘܬܐ ܠܐܝܣܪܝܠ ܥܡܗ ܘܫܪܐ ܒܐܘܪܫܠܡ ܡܟܝܠ ܘܥܕܡܐ ܠܥܠܡ

26ܘܐܦ ܠܘ̈ܝܐ ܗ̇ܢܘܢ ܢܫܩܠܘܢ ܡܫܟܢܐ ܘܟܠܗܘܢ ܡܐ̈ܢܝ ܥܒܝ̈ܕܬܗ

27ܡܛܠ ܕܒܡ̈ܠܘܗܝ ܕܕܘܝܕ ܐܚܪ̈ܝܬܐ ܫܠܡ ܡܢܝܢܐ ܕܒ̈ܢܝ ܠܘܝ ܡܢ ܒܪ ܥܣܪܝܢ ܫܢ̈ܝܢ ܘܠܥܠ

28ܡܛܠ ܕܐܩܝܡ ܐܢܘܢ ܥܠ ܓܢܒ ܒ̈ܢܝ ܐܗܪܘܢ ܕܢܗܘܘܢ ܫܠܝܛܝܢ ܒܒܝܬܗ ܕܡܪܝܐ ܥܠ ܐܝܠܝܢ ܕܩ̇ܪܝܢ ܒܩܪ̈ܢܬܐ ܦܫܝ̈ܛܬܐ ܘܟܦܝ̈ܦܬܐ ܘܥܠ ܦܪ̈ܕܣܩܐ ܕܚܡ̇ܠܝܢ ܒܗܘܢ ܡܐ̈ܢܝ ܩܘܕܫܐ ܕܡܪܝܐ

29ܘܠܠܚܡܐ ܕܣܕܪ̈ܐ ܘܠܢܫܝܦܐ ܘܠܟܡ̈ܝܣܐ ܦܛܝܪ̈ܐ ܘܠܟܠ ܕܡܫܒܚܝܢ ܘܡܘܕܝܢ

30ܕܢܗܘܘܢ ܩ̇ܝܡܝܢ ܒܟܘܠ ܨܦܪ ܘܨܦܪ ܘܡܘܕܝܢ ܘܡܫܒܚܝܢ ܠܡܪܝܐ ܘܐܦ ܒܟܠ ܪܡܫ ܘܪܡܫ

31ܘܠܡܣܩܘ ܥܠܘ̈ܬܐ ܠܡܪܝܐ ܒܫܒ̈ܐ ܘܒܪܝܫ ܝܪ̈ܚܐ ܘܒܥܐ̈ܕܐ ܒܡܢܝܢܗܘܢ ܐܝܟ ܕܙ̇ܕܩ ܠܗܘܢ ܐܡܝܢܐܝܬ ܩܕܡ ܡܪܝܐ

32ܢܗܘܘܢ ܢ̇ܛܪܝܢ ܡܛܪܬܐ ܕܡܐ̈ܢܝ ܡܫܟܢܐ ܘܡܐ̈ܢܝ ܩܘܕܫܐ ܘܢܗܘܘܢ ܢ̇ܛܪܝܢ ܡܛܪܬܐ ܕܒ̈ܢܝ ܐܗܪܘܢ ܐܚܝ̈ܗܘܢ ܐܡܬܝ ܕܡܬܒܥܝܢ ܠܡܫܡܫܘ ܒܒܝܬܗ ܕܡܪܝܐ

1ܘܠܒܢ̈ܘܗܝ ܕܐܗܪܘܢ ܦܠܓܘܬܗܘܢ ܒܢܘ̈ܗܝ ܕܐܗܪܘܢ ܢܕܒ ܘܐܒܝܗܘ ܘܐܠܝܥܙܪ ܘܐܝܬܡܪ

2ܘܡܝܬܘ ܢܕܒ ܘܐܒܝܗܘ ܒܚܝ̈ܘܗܝ ܕܐܗܪܘܢ ܐܒܘܗܘܢ ܘܒܢ̈ܝܐ ܠܐ ܗܘܘ ܠܗܘܢ ܘܫܡܫܘ ܐܠܝܥܙܪ ܘܐܝܬܡܪ

3ܘܦܠܓ ܐܢܘܢ ܕܘܝܕ ܣܕܘܩ ܡܢ ܒ̈ܢܝ ܐܠܝܥܙܪ ܘܐܚܝܡܠܟ ܡܢ ܒ̈ܢܝ ܐܝܬܡܪ ܠܡܢܝܢܗܘܢ ܒܫܘܠܛܢܗܘܢ

4ܘܐܫܬܟܚܘ ܒܢܘ̈ܗܝ ܕܐܠܝܥܙܪ ܕܣ̈ܓܝܐܝܢ ܠܪܝܫ ܐܢܫ ܡܢ ܒ̈ܢܝ ܐܝܬܡܪ ܘܦܠܓ ܐܢܘܢ ܠܒܢ̈ܘܗܝ ܕܐܠܝܥܙܪ ܠܪܝܫ ܐܢܫ ܠܒܝܬ ܐܒܗ̈ܝܗܘܢ ܘܗܘܘ ܒܡܢܝܢܐ ܫܬܬܥܣܪ ܘܠܒܢ̈ܘܗܝ ܕܐܝܬܡܪ ܠܒܝܬ ܐܒܗ̈ܝܗܘܢ ܠܪܝܫ ܐܢܫ ܬܡܢܝܐ

5ܘܦܠܓ ܐܢܘܢ ܒܦ̈ܨܐ ܗܠܝܢ ܥܡ ܗܠܝܢ ܡܛܠ ܕܗܢܘܢ ܗܘܘ ܪ̈ܘܪܒܢܝ ܩܘܕܫܐ ܘܫܠܝ̈ܛܝ ܟܗ̈ܢܐ ܘܡܢ ܒܢ̈ܘܗܝ ܕܐܠܝܥܙܪ ܘܡܢ ܒܢ̈ܘܗܝ ܕܐܝܬܡܪ

6ܘܟܬܒ ܐܢܘܢ ܫܡܥܝܐ ܒܪ ܡܬܠܥܝܠ ܣ̇ܦܪܐ ܡܢ ܠܘ̈ܝܐ ܩܕܡ ܡܠܟܐ ܕܘܝܕ ܘܩܕܡ ܩܫܝ̈ܫܐ ܕܐܝܣܪܝܠ ܘܨܕܘܩ ܟܗܢܐ ܘܐܚܝܡܠܟ ܒܪ ܐܒܝܬܪ ܪ̈ܫܝ ܐܒܗ̈ܬܐ ܕܟܗ̈ܢܐ ܘܕܠܘ̈ܝܐ ܒܝܬ ܐܒܐ ܩܕܡܝܐ ܚܕ ܐܠܝܥܙܪ ܘܚܕ ܐܚܪܢܐ ܐܝܬܡܪ

7ܘܣܠܩܬ ܦܨܬܐ ܩܕܡܝܬܐ ܠܝܗܘܝܕܥ ܬܢܝܢܐ ܠܝܕܝܥܐ

8ܠܬܠܝܬܝܐ ܚܕܡ ܠܪܒܝܥܝܐ ܣܥܘܪܝܡ

9ܠܚܡܝܫܝܐ ܡܠܟܝܐ ܠܫܬܝܬܝܐ ܡܡܝܢ

10ܠܫܒܝܥܝܐ ܐܩܘܨ ܠܬܡܝܢܝܐ ܐܒܝܐ

11ܠܬܫܝܥܝܐ ܐܠܝܫܥ ܠܥܣܝܪܝܐ ܫܟܢܝܐ

12ܠܕܚܕܥܣܪ ܐܠܝܫܥ ܠܕܬܪܥܣܪ ܐܠܝܩܪܒ

13ܠܕܬܠܬܥܣܪ ܚܘܦܐ ܠܕܐܪܒܬܥܣܪ ܚܕܝܐ

14ܠܕܚܡܫܬܥܣܪ ܒܓܠܐ ܠܕܐܫܬܬܥܣܪ ܐܡܪ

15ܠܕܫܒܬܥܣܪ ܐܚܙܝܐ ܠܕܬܡܢܬܥܣܪ ܦܨܝܢ

16ܠܕܬܫܬܥܣܪ ܦܬܝܚܐ ܠܕܥܣܪܝܢ ܚܙܩܝܐܝܠ

17ܠܕܚܕ ܘܥܣܪܝܢ ܢܟܢܡ ܠܕܬܪܝܢ ܘܥܣܪܝܢ ܓܡܘܠ

18ܠܕܬܠܬܐ ܘܥܣܪܝܢ ܕܠܝܐ ܠܕܐܪܒܥܐ ܘܥܣܪܝܢ ܡܥܕܝܐ

19ܗܠܝܢ ܡܢܝܢܗܘܢ ܠܥܒܝܕ̈ܬܗܘܢ ܥ̇ܠܝܢ ܠܒܝܬܗ ܕܡܪܝܐ ܐܝܟ ܢܡܘܣ̈ܝܗܘܢ ܐܝܟ ܕܡܬܒܥܐ ܠܗܘܢ ܒܡ̣ܠܟܗ ܕܐܗܪܘܢ ܐܒܘܗܘܢ ܐܝܟܢܐ ܕܦܩܕ ܡܪܐ ܡܪ̈ܘܬܐ ܕܐܝܣܪܝܠ

20ܘܠܒܢ̈ܘܗܝ ܕܠܘܝ ܕܐܫܬܚܪܘ ܘܠܒܢ̈ܘܗܝ ܕܥܡܪܡ ܫܘܒܠ ܠܒܢܘ̈ܗܝ ܕܫܘܒܠ ܝܚܝܕܝܐ

21ܘܐܪܚܒܝܐ ܠܒܢ̈ܘܗܝ ܕܐܪܚܒܝܐ ܩܫܝܫܗ ܫܘܐ

22ܘܝܨܗܪ ܘܣܠܡܘܬ ܠܒܢ̈ܘܗܝ ܕܣܠܡܘܬ ܢܚܬ

23ܘܐܪܡܝܐ ܘܚܙܐܝܠ ܢܩܡܐܡ

24ܒܢܘ̈ܗܝ ܕܚܙܐܝܠ ܡܝܟܐ ܠܒܢ̈ܘܗܝ ܕܡܝܟܐ ܫܡܝܪ

25ܘܝܫܘܐ ܠܒܢ̈ܘܗܝ ܕܝܫܘܐ ܙܟܪܝܐ

26ܒܢܘ̈ܗܝ ܕܥܙܝܡ ܒܪܗ.

30ܗܠܝܢ ܐܢܘܢ ܒ̈ܢܝ ܠܘ̈ܝܐ . ܠܒܝܬ ܐܒܗܝ̈ܗܘܢ.

31ܘܐܪܡܝܘ ܐܦ ܗܢܘܢ ܦܨ̈ܐ ܠܘܩܒܠ ܐܚܝ̈ܗܘܢ܃ ܘܒܢܘ̈ܗܝ ܕܐܗܪܘܢ ܩܕܡ ܕܘܝܕ ܡܠܟܐ. ܘܨܕܘܩ ܘܐܚܝܡܠܟ. ܘܪ̈ܝܫܝ ܐܒܗ̈ܬܐ ܕܟܗ̈ܢܐ ܘܕܠܘ̈ܝܐ. ܒܚܘܫܒܢܐ ܘܒܡܢܝܢܐ . ܙܥܘܪܐ ܐܝܟ ܐܚܘܗܝ ܩܫܝܫܐ ܗܟܢܐ ܐܬܚܫܒ.

1ܘܗܘܐ ܡܢܝܢܐ ܕܓܒܪ̈ܐ ܥ̇ܒܕ̈ܝ ܥܒܕܐ ܠܥܒܝܕ̈ܬܗܘܢ

2ܒܢ̈ܘܗܝ ܕܐܣܦ ܙܟܘܪܝ ܘܝܘܣܦ ܘܢܬܢܝܐ ܘܐܝܣܪܝܠ ܘܒܢܘ̈ܗܝ ܕܐܣܦ ܗܠܝܢ ܕܐܫܠܡ ܡܠܟܐ

3ܠܝܪܬܘܢ ܒܬܫܒܚ̈ܬܐ ܒܢܘ̈ܗܝ ܕܝܪܬܘܢ ܥܙܪܝܐ ܘܐܫܥܝܐ ܚܫܒܝܐ ܘܡܬܝܬܐ ܘܝܪܬܘܢ ܫܬܐ ܗܠܝܢ ܐܫܬܠܡܘ ܠܝܪܬܘܢ ܐܒܘܗܘܢ ܕܗܘܘ ܡܫܒܚܝܢ ܒܟܢܪ̈ܐ ܘܡܘܕܝܢ ܠܡܪܝܐ

4ܘܡܢ ܒܢܘ̈ܗܝ ܕܗܡܢ ܒܩܢܝܐ ܡܬܢܝܐ ܥܙܝܠ ܫܘܒܠ ܝܪܡܘܬ ܚܢܢܝܐ

7ܘܗܘܐ ܡܢܝܢܗܘܢ ܥܡ ܐܚܝ̈ܗܘܢ ܘܡܫܒܚܝܢ ܗܘܘ ܬܫܒ̈ܚܬܐ ܠܡܪܝܐ ܘܗܘܘ ܡܢ̈ܝܢܐ ܕܗܠܝܢ ܡܫܒܚ̈ܢܐ ܡܐܬܝܢ ܘܬܡܢܐܝܢ ܘܬܡܢܝܐ

8ܙܥܘܪܐ ܐܝܟ ܩܫܝܫܐ ܐܬܚܫܒ ܝܠܘܦܐ ܐܝܟ ܡܠܦܢܐ

9ܘܣܠܩܬ ܦܨܬܐ ܩܕܡܝܬܐ ܠܐܣܦ ܠܝܘܣܦ ܓܕܠܝܐ ܬܢܝܢܐ ܗܘ ܘܐܚܘܗ̈ܝ ܘܒܢ̈ܘܗܝ ܬܪܥܣܪ

10ܬܠܝܬܝܐ ܙܥܘܪܝ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

11ܪܒܝܥܝܐ ܢܨܪܝ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

12ܚܡܝܫܝܐ ܢܬܢܝܐ ܘܒܢ̈ܘܗܝ ܘܐܚܘ̈ܗܝ ܬܪܥܣܪ

13ܫܬܝܬܝܐ ܒܩܥܝܐ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

14ܫܒܝܥܝܐ ܠܣܪܝܠ ܘܒܢ̈ܘܗܝ ܘܐܚܘ̈ܗܝ ܬܪܥܣܪ

15ܬܡܝܢܝܐ ܐܫܥܝܐ ܘܒܢ̈ܘܗܝ ܘܐܚܘ̈ܗܝ ܬܪܥܣܪ

16ܬܫܝܥܝܐ ܡܬܢܝܐ ܘܒܢ̈ܘܗܝ ܘܐܚܘ̈ܗܝ ܬܪܥܣܪ

17ܥܣܝܪܝܐ ܫܡܥܠܝ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

18ܕܚܕܥܣܪ ܥܙܝܠ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

19ܕܬܪܥܣܪ ܚܫܒܝܐ ܘܒܢ̈ܘܗܝ ܘܐܚܘ̈ܗܝ ܬܪܥܣܪ

20ܕܬܠܬܥܣܪ ܫܘܒܠ ܘܒܢ̈ܘܗܝ ܘܐܚܘ̈ܗܝ ܬܪܥܣܪ

21ܕܐܪܒܬܥܣܪ ܡܬܝܬܐ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

22ܕܚܡܫܬܥܣܪ ܝܪܡܘܬ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

23ܕܫܬܬܥܣܪ ܚܢܢܝܐ ܘܒܢ̈ܘܗܝ ܘܐܚܘ̈ܗܝ ܬܪܥܣܪ

24ܕܫܒܬܥܣܪ ܐܠܝܫܒ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

25ܕܬܡܢܬܥܣܪ ܚܢܢܝ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

26ܕܬܫܬܥܣܪ ܡܠܘܬ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

27ܕܥܣܪܝܢ ܐܠܝܒ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

28ܕܚܕ ܘܥܣܪܝܢ ܝܬܪ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

29ܕܬܪܝܢ ܘܥܣܪܝܢ ܝܪܒܝ ܘܒܢ̈ܘܗܝ ܘܐܚ̈ܘܗܝ ܬܪܥܣܪ

1ܦܠܓܘܬܐ ܕܬܪ̈ܥܐ ܕܐܩܝܡ ܕܘܝܕ ܡܠܟܐ ܢܛܘܪ̈ܐ ܡܫܠܝܐ ܡܢ ܒܢ̈ܘܗܝ ܕܝܘܣܦ

2ܘܠܡܫܠܝܐ ܗܘܘ ܒܢ̈ܝܐ ܕܟܪ̈ܐ ܫܒܥܐ ܙܟܪܝܐ ܒܘܟܪܗ ܝܕܥܐܝܠ ܬܢܝܢܐ ܙܟܪܝܐ ܬܠܝܬܝܐ ܢܬܢܝܐܝܠ ܪܒܝܥܝܐ

3ܥܝܠܡ ܚܡܝܫܝܐ ܝܘܚܢܢ ܫܬܝܬܝܐ ܝܕܥܝ ܫܒܝܥܝܐ

4ܘܠܥܘܒܪ ܐܕܘܡ ܗܘܘ ܒܢ̈ܝܐ ܫܡܥܝܐ ܒܘܟܪܗ ܝܗܘܙܒܢ ܬܢܝܢܐ ܝܘܐܚ ܬܠܝܬܝܐ ܫܒܪ ܪܒܝܥܝܐ ܡܛܠܠ ܚܡܝܫܝܐ

5ܓܡܝܠ ܫܬܝܬܝܐ ܐܝܣܟܪ ܫܒܝܥܝܐ ܦܥܠܝ ܬܡܝܢܝܐ ܡܛܠ ܕܒܪܟܗ ܡܪܝܐ

6ܘܠܫܡܥܝܐ ܒܪܗ ܐܬܝܠܕܘ ܒܢ̈ܝܐ ܕܫܠܝܛܝܢ ܥܠ ܒܝܬ ܐܒܗ̈ܝܗܘܢ ܡܛܠ ܕܓܢܒܪ̈ܝ ܚܝܠܐ ܐܢܘܢ

7ܒܢ̈ܘܗܝ ܕܫܡܥܝܐ ܓܥܬܐܝܠ ܘܓܕܚܐܝܠ ܘܥܘܒܕܐܝܠ ܘܙܟܪܝܐ ܓܢܒܪ̈ܝ ܚܝܠܐ ܐܠܝܐ ܘܣܡܟܝܐ

8ܘܟܠܗܘܢ ܗܠܝܢ ܡܢ ܒܢ̈ܘܗܝ ܕܥܘܒܪ ܐܕܘܡ ܗܢܘܢ ܘܒܢܝ̈ܗܘܢ ܘܐܚܝ̈ܗܘܢ ܓܢܒܪ̈ܝ ܚܝܠܐ ܕܚܝܠܐ ܕܥܒܝ̈ܕܬܐ ܕܒܝܬ ܩܘܕܫܐ ܫܬܝܢ ܘܬܪܝܢ ܒܢ̈ܘܗܝ ܕܥܘܒܪ ܐܕܘܡ

9ܘܠܡܫܠܝܐ ܒܪܗ ܩܫܝܫܐ ܗܘܘ ܒܢ̈ܝܐ ܓܢܒܪ̈ܝ ܚܝܠܐ ܬܡܢܬܥܣܪ

10ܘܠܚܣܐ ܡܢ ܒ̈ܢܝ ܡܪܪܝ ܗܘܘ ܒܢ̈ܝܐ ܓܢܒܪ̈ܝ ܚܝܠܐ ܘܒܪܗ ܩܫܝܫܐ ܡܝܬ ܗܘܐ ܠܗ ܘܐܩܝܡ ܐܒܘܗܝ ܠܕܒܬܪܗ ܪܫܐ ܘܠܐ ܩܪܝܗܝ ܒܫܡܐ ܕܩܫܝܫܘܬܐ

11ܚܠܩܝܐ ܬܢܝܢܐ ܛܒܠܝܐ ܬܠܝܬܝܐ ܙܟܪܝܐ ܪܒܝܥܝܐ ܟܠ ܒܢܘ̈ܗܝ ܘܐܚ̈ܘܗܝ ܕܚܣܐ ܬܠܬܥܣܪ

12ܠܗܠܝܢ ܐܬܦܠܓܘ ܬܪ̈ܥܐ ܠܪܝܫ ܐܢܫ ܡܛܪܬܐ ܠܘܩܒܠ ܐܚܝ̈ܗܘܢ ܕܢܗܘܘܢ ܡܫܡܫܝܢ ܒܝܬ ܡܩܕܫܐ

13ܘܐܪܡܝܘ ܦܨ̈ܐ ܙܥܘܪܐ ܐܝܟ ܪܒܐ ܠܒܝܬ ܐܒܗ̈ܝܗܘܢ ܠܬܪܥܐ ܘܬܪܥܐ

14ܘܢܦܠܬ ܦܨܬܐ ܠܡܕܢܚܐ ܠܫܠܡܝܐ ܘܙܟܪܝܐ ܒܪܗ ܡܠܘܟܐ ܒܣܘܟܠܐ ܐܪܡܝܘ ܦܨ̈ܐ ܘܢܦܩܬ ܦܨܬܗ ܠܓܪܒܝܐ

15ܠܥܘܒܪ ܐܕܘܡ ܠܬܝܡܢܐ ܘܠܒܢ̈ܘܗܝ ܒܝܬ ܣ̈ܦܐ

16ܠܫܘܦܝܡ ܘܠܚܘܣܝܐ ܠܡܥܪܒܐ ܥܕܡܐ ܠܬܪܥܐ ܕܡܬܩܢ ܒܫܒܝܠܐ ܕܣ̇ܠܩ ܡܛܪܬܐ ܠܘܩܒܠ ܡܛܪܬܐ

17ܠܡܕܢܚܐ ܠܘ̈ܝܐ ܫܬܐ ܠܡܕܢܚܐ ܠܝܘܡ̈ܐ ܐܪ̈ܒܥܐ ܠܬܝܡܢܐ ܝܘܡ̈ܐ ܐܪ̈ܒܥܐ ܘܠܒܝܬ ܣ̈ܦܐ ܬܪܝܢ

18ܠܦܪܒܪ ܠܡܥܪܒܐ ܐܪ̈ܒܥܐ ܠܫܒܝ̈ܠܐ ܬܪܝܢ ܠܦܪܒܪ

19ܗܠܝܢ ܦܠܓܘ̈ܬܐ ܕܬܪ̈ܥܐ ܕܒܢ̈ܘܗܝ ܕܩܘܪܚ ܘܕܒܢ̈ܘܗܝ ܕܡܪܪܝ

20ܠܘ̈ܝܐ ܐܚܝܐ ܥܠ ܐܘܨܪ̈ܐ ܕܒܝܬ ܐܠܗܐ ܘܥܠ ܐܘܨܪ̈ܐ ܕܩܘܕܫܐ

21ܒܢܘ̈ܗܝ ܕܠܥܕܢ ܡܢ ܒ̈ܢܝ ܓܪܫܘܢ ܠܠܥܕܢ ܪ̈ܝܫܝ ܐܒܗ̈ܬܐ ܠܠܥܕܢ ܓܪܫܘܢܝܐ ܢܚܠܝ

22ܒܢܘ̈ܗܝ ܕܢܚܠܝ ܙܝܬܡ ܘܝܘܐܠ ܐܚܘܗܝ ܥܠ ܐܘܨܪ̈ܐ ܕܒܝܬ ܡܪܝܐ

23ܠܥܡܪ̈ܡܝܐ ܠܝܨܗܪ̈ܝܐ ܠܚܒܪ̈ܘܢܝܐ ܠܥܘܙܝ̈ܠܝܐ

24ܘܫܡܘܐܝܠ ܒܪ ܓܪܫܘܢ ܒܪ ܡܘܫܐ ܡܩܡ ܥܠ ܐܘܨܪ̈ܐ

25ܘܐܚܘܗܝ ܐܠܝܥܙܪ ܪܚܒܝܐ ܒܪܗ ܐܫܥܝܐ ܒܪܗ ܝܘܪܡ ܒܪܗ ܙܟܪܝ ܒܪܗ ܫܠܘܡܝܬ ܒܪܗ

26ܗܘ ܫܠܘܡܝܬ ܘܐܚ̈ܘܗܝ ܥܠ ܟܘܠ ܐܘܨܪ̈ܐ ܕܩܘ̈ܕܫܐ ܕܩܕܫ ܕܘܝܕ ܡܠܟܐ ܘܪ̈ܝܫܝ ܐܒܗ̈ܬܐ ܘܪ̈ܘܪܒܢܐ ܕܐ̈ܠܦܐ ܘܕܡܐܘ̈ܬܐ ܘܪ̈ܘܪܒܢܐ ܕܚܝܠܐ

27ܡܢ ܩܪܒܐ ܘܡܢ ܒܙܬܐ ܩܕܫܘ ܠܚܘܝܠܐ ܕܒܝܬܗ ܕܡܪܝܐ

28ܘܟܘܠ ܕܩܕܫ ܫܡܘܐܝܠ ܚ̇ܙܝܐ ܘܫܐܘܠ ܒܪ ܩܝܫ ܘܐܒܢܝܪ ܒܪ ܢܝܪ ܘܝܘܐܒ ܒܪ ܨܘܪܝܐ ܘܟܠ ܕܡܩܕܫ ܥܠ ܐܝܕܘ̈ܗܝ ܕܫܠܘܡܝܬ ܘܕܐܚ̈ܘܗܝ

29ܠܨܗܪ̈ܝܐ ܟܘܢܢܝܐ ܘܒܢ̈ܘܗܝ ܠܥܒܝܕܬܐ ܒܪܝܬܐ ܥܠ ܐܝܣܪܝܠ ܠܫܠܝ̈ܛܢܐ ܘܠܕ̇ܝ̈ܢܐ

30ܠܚܒܪ̈ܘܢܝܐ ܚܫܒܝܐ ܘܐܚ̈ܘܗܝ ܒ̈ܢܝ ܚܝܠܐ ܐܠܦ ܘܫܒܥܡܐܐ ܥܠ ܡܢܝܢܐ ܕܐܝܣܪܝܠ ܡܢ ܥܒܪܐ ܕܝܘܪܕܢܢ ܘܠܡܥܪܒܐ ܠܟܠ ܥܒܝ̈ܕܬܐ ܕܡܪܝܐ ܘܠܦܘܠܚܢܐ ܕܡܠܟܐ

31ܠܚܒܪ̈ܘܢܝܐ ܢܪܝܐ ܪܫܐ ܠܚܒܪ̈ܘܢܝܐ ܠܬܘ̈ܠܕܬܗܘܢ ܠܒܝܬ ܐܒܗ̈ܝܗܘܢ ܒܫܢܬ ܐܪ̈ܒܥܝܢ ܠܡܠܟܘܬܗ ܕܕܘܝܕ ܐܬܬܒܥܘ ܘܐܫܬܟܚܘ ܒܗܘܢ ܓܢܒܪ̈ܝ ܚܝܠܐ ܒܝܥܙܝܪ ܕܓܠܥܕ

32ܘܐܚܘ̈ܗܝ ܒܢ̈ܝ ܚܝܠܐ ܬܪܝܢ ܐ̈ܠܦܝܢ ܘܫܒܥܡܐܐ ܪ̈ܝܫܝ ܐܒܗ̈ܬܐ ܘܐܫܠܛ ܐܢܘܢ ܕܘܝܕ ܡܠܟܐ ܥܠ ܒ̈ܢܝ ܪܘܒܝܠ ܘܒ̈ܢܝ ܓܕ ܘܥܠ ܦܠܓܗ ܕܫܒܛܐ ܕܡܢܫܐ ܠܟܠ ܦܬܓܡܐ ܕܐܠܗܐ ܘܦܬܓܡܐ ܕܡܠܟܐ

1ܘܒܢ̈ܝ ܐܝܣܪܝܠ ܠܡܢܝܢܗܘܢ ܪ̈ܫܝ ܐܒܗ̈ܬܐ ܘܪ̈ܘܪܒܢܐ ܕܐ̈ܠܦܐ ܘܕܡܐܘ̈ܬܐ ܘܫܠܝܛܢܝ̈ܗܘܢ ܕܡܫܡܫܝܢ ܠܡܠܟܐ ܠܟܠ ܦܬܓܡܐ ܕܦܠܓܘܬܐ ܕܥ̇ܐܠܐ ܘܢ̇ܦܩܐ ܝܪܚܐ ܒܝܪܚܐ ܠܟܠ ܝܪ̈ܚܐ ܕܫܢܬܐ ܦܠܓܘܬܐ ܚܕܐ ܥܣܪܝܢ ܘܐܪܒܥܐ ܐ̈ܠܦܝܢ

2ܥܠ ܦܠܓܘܬܐ ܩܕܡܝܬܐ ܠܝܪܚܐ ܩܕܡܝܐ ܫܒܥܡ ܒܪ ܙܒܕܐܝܠ ܘܥܠ ܦܠܓܘܬܗ ܥܣܪ̈ܝܢ ܘܐܪ̈ܒܥܐ ܐ̈ܠܦܝܢ

3ܡܢ ܒܢܘ̈ܗܝ ܕܦܪܨ ܪ̈ܫܢܐ ܕܟܠ ܪ̈ܘܪܒܢܝ ܚܝ̈ܠܘܬܐ ܕܝܪܚܐ ܩܕܡܝܐ

4ܘܥܠ ܦܠܓܘܬܐ ܕܝܪܚܐ ܬܢܝܢܐ ܕܘܝܕ ܚܘܚܝܐ ܘܦܠܓܘܬܗ ܘܡܩܠܘܬ ܫܠܝܛܐ ܘܥܠ ܦܠܓܘܬܗ ܥܣܪܝܢ ܘܐܪܒܥܐ ܐ̈ܠܦܝܢ

5ܪܒ ܚܝܠܐ ܬܠܝܬܝܐ ܠܝܪܚܐ ܬܠܝܬܝܐ ܒܢܝܐ ܒܪ ܝܘܕܥ ܟܗܢܐ ܪܫܝܐ ܘܥܠ ܦܠܓܘܬܗ ܥܣܪܝܢ ܘܐܪ̈ܒܥܐ ܐ̈ܠܦܝܢ

6ܗܘ ܒܢܝܐ ܓܒܪܐ ܕܬܠܬܝܢ ܘܥܠ ܬܠܬܝܢ ܘܦܠܓܘܬܗ ܡܝܙܒܪ ܒܪܗ

7ܪܒܝܥܝܐ ܠܝܪܚܐ ܪܒܝܥܝܐ ܥܫܐܝܠ ܐܚܘܗܝ ܕܝܘܐܒ ܘܙܒܕܐܝܠ ܒܪܗ ܡܢ ܒܬܪܗ ܘܥܠ ܦܠܓܘܬܗ ܥܣܪܝܢ ܘܐܪܒܥܐ ܐ̈ܠܦܝܢ

8ܚܡܝܫܝܐ ܠܝܪܚܐ ܚܡܝܫܝܐ ܪܒܐ ܫܡܗܘܬ ܢܙܪܚܝܐ ܘܥܠ ܦܠܓܘܬܗ ܥܣܪ̈ܝܢ ܘܐܪ̈ܒܥܐ ܐ̈ܠܦܝܢ

9ܫܬܝܬܝܐ ܠܝܪܚܐ ܫܬܝܬܝܐ ܥܝܪܐ ܒܪ ܥܩܝܣ ܬܩܘܥܝܐ ܘܥܠ ܦܠܓܘܬܗ ܥܣܪܝܢ ܘܐܪܒܥܐ ܐ̈ܠܦܝܢ

10ܫܒܝܥܝܐ ܠܝܪܚܐ ܫܒܝܥܝܐ ܚܠܨ ܦܠܘܢܝܐ ܡܢ ܒܢܘܗ̈ܝ ܕܐܦܪܝܡ ܘܥܠ ܦܠܓܘܬܗ ܥܣܪ̈ܝܢ ܘܐܪ̈ܒܥܐ ܐ̈ܠܦܝܢ

11ܬܡܝܢܝܐ ܠܝܪܚܐ ܬܡܝܢܝܐ ܣܒܟܝ ܚܘܫܬܝܐ ܕܡܢ ܒܝܬ ܙܪܚܝ ܘܥܠ ܦܠܓܘܬܗ ܥܣܪܝܢ ܘܐܪ̈ܒܥܐ ܐ̈ܠܦܝܢ

12ܬܫܝܥܝܐ ܠܝܪܚܐ ܬܫܝܥܝܐ ܐܒܝܥܙ ܥܢܬܘܬܝܐ ܡܢ ܕܒܝܬ ܒܢܝܡܝܢ ܘܥܠ ܦܠܓܘܬܗ ܥܣܪܝܢ ܘܐܪܒܥܐ ܐ̈ܠܦܝܢ

13ܥܣܝܪܝܐ ܠܝܪܚܐ ܥܣܝܪܝܐ ܡܗܪܝ ܢܛܘܦܬܝܐ ܡܢ ܕܒܝܬ ܙܪܚܝ ܘܥܠ ܦܠܓܘܬܗ ܥܣܪܝܢ ܘܐܪ̈ܒܥܐ ܐ̈ܠܦܝܢ

14ܕܚܕܥܣܪ ܠܝܪܚܐ ܕܚܕܥܣܪ ܒܢܝܐ ܦܪܥܬܘܢܝܐ ܡܢ ܒܢܘܗ̈ܝ ܕܐܦܪܝܡ ܘܥܠ ܦܠܓܘܬܗ ܥܣܪܝܢ ܘܐܪ̈ܒܥܐ ܐ̈ܠܦܝܢ

15ܕܬܪܥܣܪ ܠܝܪܚܐ ܕܬܪܥܣܪ ܚܠܕܝ ܢܛܘܦܬܝܐ ܡܢ ܕܒܝܬ ܥܢܬܘܢܐܝܠ ܘܥܠ ܦܠܓܘܬܗ ܥܣܪܝܢ ܘܐܪ̈ܒܥܐ ܐ̈ܠܦܝܢ

16ܘܥܠ ܫܒ̈ܛܐ ܕܐܝܣܪܝܠ ܠܪ̈ܘܒܠܝܐ ܡܕܒܪܢܐ ܐܠܝܥܙܪ ܒܪ ܙܟܪܝ ܠܫܡ̈ܥܘܢܝܐ ܫܦܛܝܐ ܒܪ ܡܥܟܐ

17ܠܠܘܝ ܚܫܒܝܐ ܒܪ ܡܩܘܐܝܠ ܠܐܗܪܘܢ ܨܕܘܩ

18ܠܝܗܘܕܐ ܐܠܝܗܘ ܡܢ ܐܚܘ̈ܗܝ ܕܕܘܝܕ ܠܐܝܣܟܪ ܥܡܘܪܝ ܒܪ ܡܝܟܐܝܠ

19ܠܙܒܘܠܘܢ ܫܡܥܝܐ ܒܪ ܥܘܒܕܝܐ. ܠܢܦܬܠܝ ܝܪܡܘܬ ܒܪ ܥܙܪܐܝܠ

20ܠܒܢܘ̈ܗܝ ܕܐܦܪܝܡ ܗܘܫܥ ܒܪ ܥܙܪܝܐ ܠܦܠܓܘܬ ܫܒܛܐ ܕܡܢܫܐ ܝܘܐܝܠ ܒܪ ܦܪܝܐ

21ܘܠܦܠܓܘܬܐ ܕܡܢܫܐ ܕܒܓܠܥܕ ܝܕܘ ܒܪ ܙܟܪܝܐ ܠܒܢܝܡܝܢ ܝܥܣܝܠ ܒܪ ܐܒܢܝܪ

22ܠܕܢ ܥܙܪܐܝܠ ܒܪ ܝܪܚܘܡ ܗܠܝܢ ܪ̈ܘܪܒܢܐ ܕܫ̈ܒܛܐ ܕܐܝܣܪܝܠ

23ܘܠܐ ܫܩܠ ܕܘܝܕ ܡܢܝܢܗܘܢ ܡܢ ܒܪ ܥܣܪܝܢ ܫܢ̈ܝܢ ܘܠܬܚܬ ܡܛܠ ܕܐܡܪ ܡܪܝܐ ܕܢܣܓܝܘܗܝ ܠܝܣܪܝܠ ܐܝܟ ܟܘܟ̈ܒܐ ܕܒܫܡܝܐ

24ܝܘܐܒ ܒܪ ܨܘܪܝܐ ܫܪܝ ܕܢܡܢܐ ܘܠܐ ܫܠܡ ܘܗܘܐ ܒܗܕܐ ܪܘܓܙܐ ܥܠ ܐܝܣܪܝܠ ܘܠܐ ܣܠܩ ܡܢܝܢܐ ܐܝܟ ܡܢܝܢܐ ܕܕܒܪ ܝܡܝܡ ܠܡܠܟܐ ܕܘܝܕ

25ܘܥܠ ܐܘܨܪ̈ܐ ܕܡܠܟܐ ܥܙܡܘܬ ܒܪ ܥܕܐܝܠ ܘܥܠ ܐܘܨܪ̈ܐ ܕܒܚܩܠܐ ܒܩܘܪ̈ܝܐ ܘܒܟܦܪ̈ܘܢܐ ܘܒܡ̈ܓܕܠܐ ܝܘܢܬܢ ܒܪ ܥܘܙܝܐ

26ܘܥܠ ܥ̇ܒ̈ܕܝ ܥܒ̈ܝܕܬܐ ܕܚܩܠܐ ܠܦܘܠܚܢܐ ܕܐܪܥܐ ܥܙܪܝ ܒܪ ܟܠܘܒ

27ܘܥܠ ܟܪ̈ܡܐ ܫܡܥܝܐ ܪܡܬܝܐ ܘܥܠ ܡܕܡ ܕܒܟܪܡܐ ܠܐܘܨܪ̈ܐ ܕܚ̣ܡܪܐ ܙܒܕܝ ܫܦܡܝܐ

28ܘܥܠ ܙܝ̈ܬܐ ܘܫܩ̈ܡܐ ܕܒܥܘܡܩܐ ܒܥܠܚܢܢ ܓܕܪܝܐ ܘܥܠ ܐܘܨܪ̈ܐ ܕܡܫܚܐ ܝܥܘܫ

29ܘܥܠ ܬܘܪ̈ܐ ܕܪܥ̇ܝܢ ܒܫܪ̈ܘܢܐ ܫܪܛܝ ܫܪܘܢܝܐ ܘܥܠ ܬܘܪ̈ܐ ܕܒܥܘܡܩܐ ܫܦܛ ܒܪ ܥܕܠܝ

30ܘܥܠ ܓܡ̈ܠܐ ܐܒܝܠ ܐܝܫܡܥܠܝܐ ܘܥܠ ܐܬ̈ܢܐ ܝܗܘܕܐ ܡܪܬܘܢܝܐ

31ܘܥܠ ܥ̈ܢܐ ܝܙܝܙ ܚܓܪܝܐ ܟܠܗܘܢ ܗܠܝܢ ܪ̈ܘܪܒܢܐ ܕܩܢܝܢܐ ܕܡܠܟܐ ܕܘܝܕ

32ܘܝܘܢܬܢ ܚܒܝܒܗ ܕܕܘܝܕ ܡܠܘܟܐ ܓܒܪܐ ܗܘܐ ܣܟܘܠܬܢܐ ܘܣ̇ܦܪܐ ܘܝܢܚܐܝܠ ܒܪ ܥܟܡܘܢܝ ܥܡ ܒܢܘ̈ܗܝ ܕܡܠܟܐ

33ܘܐܚܝܬܘܦܠ ܡܠܘܟܐ ܕܡܠܟܐ ܘܚܘܫܝ ܐܪܟܝܐ ܪܚ̇ܡܗ ܕܡܠܟܐ

34ܘܡܢ ܒܬܪ ܐܚܝܬܘܦܠ ܝܘܝܕܥ ܒܪ ܒܢܝܐ ܘܐܒܝܬܪ ܘܪܒ ܚܝܠܐ ܕܡܠܟܐ ܝܘܐܒ

1ܘܟܢܫ ܕܘܝܕ ܟܠܗܘܢ ܪ̈ܘܪܒܢܐ ܕܐܝܣܪܝܠ ܘܪ̈ܘܪܒܢܐ ܕܫܒ̈ܛܐ ܘܪ̈ܘܪܒܢܐ ܕܦܠܓ̈ܘܬܐ ܕܡܫܡܫܝܢ ܠܡܠܟܐ ܘܪܘܪ̈ܒܢܐ ܕܡܠܟܐ ܕܐ̈ܠܦܐ ܘܪ̈ܘܪܒܢܐ ܕܡܐܘ̈ܬܐ ܘܕܡܫܠܛܝܢ ܥܠ ܩܢܝܢܐ ܘܥܠ ܚܝܘ̈ܬܐ ܕܡܠܟܐ ܘܕܒܢ̈ܘܗܝ ܡܗܝ̈ܡܢܐ ܘܓܢܒܪ̈ܝ ܚܝܠܐ ܘܐܬܘ ܟܘܠܗܘܢ ܠܐܘܪܫܠܡ

2ܘܐܡܪ ܠܗܘܢ ܫܘܡܥܘܢܝ ܐܚ̈ܝ ܘܥܡܝ ܐܢܐ ܕܝܢ ܒܠܒܝ ܗܘܐ ܗܘܐ ܠܡܒܢܐ ܒܝܬܐ ܕܢܝܚܐ ܠܩܐܒܘܬܐ ܕܕܝܬܩܐ ܕܡܪܝܐ ܘܠܐܬܪܐ ܕܫܟܝܢܬܗ ܕܐܠܗܢ ܘܟܠܡܕܡ ܛܝܒܬ ܗܘܝܬ ܠܡܒܢܐ ܒܝܬܐ

3ܘܡܪܝܐ ܐܡܪ ܠܝ ܕܠܐ ܬܒܢܐ ܒܝܬܐ ܠܫܡܝ ܡܛܠ ܕܓܒܪܐ ܐܢܬ ܩܪܒܬܢܐ ܘܡܛܠ ܕܓܒܪܐ ܐܢܬ ܕܕܡܐ ܣܓܝܐܐ ܐܫܕܬ

4ܘܓܒܢܝ ܡܪܝܐ ܐܠܗܐ ܕܐܝܣܪܝܠ ܡܢ ܟܠܗ ܒܝܬ ܐܒܝ ܕܐܗܘܐ ܡܠܟܐ ܥܠ ܐܝܣܪܝܠ ܠܥܠܡ ܡܛܠ ܕܡܢ ܒܝܬ ܝܗܘܕܐ ܓܒܐ ܠܗ ܡܠܟܐ ܘܡܢ ܫܪܒܬܐ ܕܒܝܬ ܝܗܘܕܐ ܓܒܐ ܠܗ ܒܝܬ ܐܒܝ ܘܡܢ ܒܝܬ ܐܒܝ ܠܝ ܓܒܐ ܕܐܗܘܐ ܡܠܟܐ ܥܠ ܐܝܣܪܝܠ

5ܘܡܢ ܟܠܗܘܢ ܒ̈ܢܝ ܕܣܓ̈ܝܐܝܢ ܒܢ̈ܝܐ ܕܝܗܒ ܠܝ ܡܪܝܐ ܓܒܐ ܠܫܠܝܡܘܢ ܒܪܝ ܠܡܬܒ ܥܠ ܟܘܪܣܝܐ ܕܡܠܟܘܬܐ ܪܡܬܐ ܕܐܝܣܪܝܠ

6ܘܐܡܪ ܠܝ ܕܫܠܝܡܘܢ ܒܪܟ ܗܘ ܢܒܢܐ ܒܝܬܝ ܘܕܪܬܝ ܡܛܠ ܕܠܗ ܓܒܝܬ ܕܢܗܘܐ ܠܝ ܒܪܐ ܘܐܢܐ ܐܗܘܐ ܠܗ ܐܒܐ

7ܘܐܬܩܢ ܟܘܪܣܝܐ ܕܡܠܟܘܬܗ ܠܥܠܡ ܘܐܢܗܘ ܕܠܐ ܢܨܒܐ ܠܡܛܪ ܦܘܩ̈ܕܢܝ ܘܕܝ̣̈ܢܝ ܐܝܟ ܝܘܡܢܐ

8ܘܐܦ ܗܫܐ ܠܥܝܢ ܟܠܗ ܐܝܣܪܝܠ ܥܡܐ ܕܡܪܝܐ ܘܩܕܡ ܡܪܝܐ ܐܠܗܢ ܛܪܘ ܘܬܒܥܘ ܦܘܩܕܢ̈ܘܗܝ ܘܐܢܬܘܢ ܬܐܪܬܘܢ ܐܪܥܐ ܗܕܐ ܠܥܠܡ ܥܠܡܝܢ ܘܬܘܪܬܘܢ ܠܒܢܝ̈ܟܘܢ ܠܥܠܡ ܥܠܡܝܢ ܘܠܐ ܬܬܚܒܠ

9ܘܐܢܬ ܫܠܝܡܘܢ ܒܪܝ ܕܥ ܟܠ ܡܐ ܕܦܩܕܢ ܡܪܝܐ ܐܠܗܢ ܘܦܠܘܚܝܗܝ ܒܠܒܐ ܫܠܡܐ ܘܒܨܒܝܢܐ ܕܢܦܫܟ ܕܠܐ ܡܢ ܐܘܠܨܢ ܡܛܠ ܕܟܠ ܕܐܝܬ ܒܠܒܐ ܝ̇ܕܥ ܡܪܝܐ ܘܟܠ ܕܡܬܪܥܝܢ ܒܢܝ̈ܢܫܐ ܒܪܥܝܢܗܘܢ ܡܣܬܟܠ ܐܢ ܬܒܥܝܘܗܝ ܢܫܬܟܚ ܠܟ ܘܐܢ ܬܫܒܩܝܘܗܝ ܢܘܒܕܟ

10ܕܥ ܘܚܙܝ ܕܡܪܝܐ ܓܒܟ ܠܡܒܢܐ ܒܝܬܐ ܠܫܡܐ ܕܩܘܕܫܗ ܕܡܪܝܐ ܐܬܥܫܢ ܘܐܬܓܒܪ ܘܥܒܕ

11ܘܝܗܒ ܕܘܝܕ ܠܫܠܝܡܘܢ ܒܪܗ ܕܡܘܬܐ ܕܦܪ̈ܘܣܛܕܐ ܘܡܘܫ̈ܚܬܐ ܕܒܝܬܐ ܘܕܟܣܣܛܪܘܢ ܘܕܥ̈ܠܝܬܐ ܘܕܐܣ̈ܛܘܐ ܓܘ̈ܝܐ ܘܕܐܣ̈ܛܘܐ ܒܪ̈ܝܐ ܘܕܥ̈ܠܝܐ ܘܕܬܚ̈ܬܝܐ ܘܕܒܝܬ ܓܙܐ ܘܕܒܝܬ ܬܫܡܫܬܐ ܕܒܝܬܗ ܕܡܪܝܐ ܘܕܒܝܬ ܛܒ̈ܚܐ ܘܕܒܝܬ ܫܩܘ̈ܬܐ ܘܕܒܝܬ ܫܪ̈ܓܬܢܐ ܕܘܟܬܐ ܕܣܝܡܝܢ ܒܗ̇ ܡܢܪ̈ܬܐ ܕܕܗܒܐ ܘܫܪ̈ܓܝܗܝܢ ܕܕܗܒܐ ܘܒܘ̈ܨܝܢܝܗܝܢ ܘܨܒܬܗܝܢ ܘܡܐ̈ܢܝܗܝܢ ܕܡܫܚܐ ܟܠܡܕܡ ܟܬܒ ܕܘܝܕ ܘܝܗܒ ܠܫܠܝܡܘܢ ܒܪܗ ܦܬܘܪ̈ܐ ܕܣܐܡܐ ܘܦܬܘܪ̈ܐ ܕܕܗܒܐ ܠܓ̈ܐ ܕܣܐܡܐ ܘ̈ܠܓܐ ܕܕܗܒܐ ܐܪ̈ܬܠܢܐ ܘܡܫ̈ܠܘܬܐ ܘܫܚ̈ܠܐ ܕܣܐܡܐ ܘܠܐ ܗܘܐ ܡܢܝܢܐ ܠܡܬܩܠܗ ܕܕܗܒܗܘܢ ܕܡܐ̈ܢܐ ܗܠܝܢ

20ܘܐܡܪ ܕܘܝܕ ܠܫܠܝܡܘܢ ܒܪܗ ܥܫܢ ܘܐܬܓܒܪ ܘܥܒܕ ܘܠܐ ܬܕܚܠ ܘܠܐ ܬܙܘܥ ܡܛܠ ܕܡܪܐ ܡܪ̈ܘܬܐ ܥܡܟ ܠܐ ܢܪܦܝܟ ܘܠܐ ܢܫܒܩܟ ܥܕܡܐ ܠܐܝܟܐ ܕܬܓܡܪ ܠܡܒܢܐ ܟܘܠܗܝܢ ܥܒܝ̈ܕܬܐ ܕܒܝܬܗ ܕܡܪܝܐ

21ܘܗܐ ܦܠܓܘ̈ܬܐ ܕܟܗ̈ܢܐ ܘܕܠܘ̈ܝܐ. ܐܫܠܛܬ ܥܠ ܟܘܠܗܝܢ ܥܒܝ̈ܕܬܐ ܕܒܝܬܗ ܕܡܪܝܐ. ܘܥܡܟ ܐܢܘܢ ܘܗܢܘܢ ܡܫܠܛܝܢ ܥܠ ܟܠܗܝܢ ܥܒܝ̈ܕܬܐ. ܕܓܪܫܘܢ ܓܙܒܪܐ. ܘܗܢܘܢ ܥ̇ܒܕܝܢ ܠܗܝܢ ܒܚܟܝܡܘܬܐ. ܟܠ ܥܒܝ̈ܕܬܐ ܕܡܬܒ̈ܥܝܢ ܠܥܒܝ̈ܕܬܐ ܕܒܝܬܗ ܕܡܪܝܐ ܘܗܐ ܐܩܝܡܬ ܥܠܝܗܘܢ ܫܠܝ̈ܛܢܐ ܘܪܘܪ̈ܒܢܐ. ܕܗܢܘܢ ܢܬܒܥܘܢ ܘܢܥܒܕܘܢ ܟܘܠ ܥܒܝ̈ܕܬܐ ܕܡܬܒ̈ܥܝܢ.

1ܘܐܡܪ ܕܘܝܕ ܡܠܟܐ ܠܟܘܠܗܝܢ ܟܢܘܫ̈ܬܐ ܕܐܝܣܪܐܝܠ ܫܠܝܡܘܢ ܗܢܐ ܒܪܝ ܛܠܝܐ ܗܘ ܙܥܘܪܐ ܘܠܗ ܓܒܐ ܡܪܝܐ ܡܢ ܟܠܗܘܢ ܒܢ̈ܝ ܡܛܠ ܕܛܠܝܐ ܚܟܝܡ ܘܣܟܘܠܬܢ ܗܘ ܘܥܒܝܕܬܐ ܗܕܐ ܕܐܬܝܗܒܬ ܠܗ ܠܐ ܗܘܬ ܙܥܘܪܝܐ ܪܒܐ ܗܝ ܡܛܠ ܕܠܒܪܢܫܐ ܠܐ ܐܬܝܗܒܬ ܗܟܢܐ ܐܬܥܫܢܘ ܘܐܬܓܒܪܘ ܒܗ̇ ܡܛܠ ܕܕܡܪܝܐ ܗܝ ܐܠܗܢ

2ܘܟܠ ܚܝ̈ܠܝ ܘܟܠ ܢܟܣ̈ܝ ܛܝܒܬ ܟܘܠ ܡܕܡ ܕܡܬܒܥܐ ܠܒܝܬܗ ܕܡܪܝܐ ܐܠܗܝ ܕܗܒܐ ܠܕܗܒܐ ܘܣܐܡܐ ܠܣܐܡܐ ܘܢܚܫܐ ܠܢܚܫܐ ܘܦܪܙܠܐ ܠܦܪܙܠܐ ܘܩܝ̈ܣܐ ܠܩܝ̈ܣܐ ܘܐܪ̈ܙܐ ܠܐܪ̈ܙܐ ܘܟܐ̈ܦܐ ܛܒ̈ܬܐ ܘܡܪ̈ܓܢܝܬܐ

3ܘܟܠ ܡܕܡ ܕܡܬܒܥܐ ܠܗ ܠܒܝܬܐ ܛܝܒܬ ܘܬܩܢܬ ܠܗ ܡܢ ܡܣܟܢܘܬܝ ܘܟܣܦܐ ܛܝܒܬ ܠܢܦܩܬܗ ܕܒܝܬܐ ܕܐܠܗܝ ܡܢ ܡܣܟܢܘܬܝ

4ܐܠܦ ܐܠܦܝ̈ܢ ܟܟܪ̈ܐ ܕܕܗܒܐ ܡܢ ܕܗܒܐ ܛܒܐ ܬܪܬܝܢ ܙܒܢܝ̈ܢ ܐܠܦ ܐܠܦܝ̈ܢ ܟܟܪ̈ܐ ܕܟܣܦܐ ܠܡܩܪܡ ܐܣ̈ܐ ܕܒܝܬܐ

5ܠܐܝܟܐ ܕܡܬܒܥܐ ܕܗܒܐ ܢܐܙܠ ܕܗܒܐ ܘܠܐܝܟܐ ܕܡܬܒܥܐ ܣܐܡܐ ܢܐܙܠ ܣܐܡܐ ܘܠܟܠܗܝܢ ܥܒ̈ܝܕܬܐ ܕܬܫܠܡ ܥܒܝܕܬܐ ܒܝܪܚܗ̇ ܥܒܝܕܬܐ ܠܐ ܬܫܬܘܚܪ ܐܠܐ ܕܬܫܠܡ ܐܝܟܢܐ ܕܡܬܒܥܐ ܠܗ̇ ܒܚܘܫܒܢܗ̇

6ܘܐܬܟܢܫܘ ܪ̈ܘܪܒܢܐ ܕܐܒܗ̈ܬܐ ܘܪ̈ܘܪܒܢܐ ܕܫܒ̈ܛܐ ܕܐܝܣܪܝܠ ܘܪ̈ܘܪܒܢܐ ܕܐ̈ܠܦܐ ܘܕܡܐ̈ܘܬܐ ܘܕܐܝܠܝܢ ܕܫܠܝܛܝܢ ܥܠ ܥܒܝ̈ܕܬܐ ܕܡܠܟܐ

7ܘܝܗܒܘ ܠܥܒܝ̈ܕܬܐ ܕܒܝܬܗ ܕܡܪܝܐ ܕܗܒܐ ܟܟܪ̈ܐ ܚܡܫܐ ܐܠܦܝ̈ܢ ܘܐܢܟܐ ܛܒܐ ܠܣܝ̈ܠܘܢܐ ܡܐܬܝܢ ܐܠܦܝ̈ܢ ܘܣܐܡܐ ܟܟܪ̈ܐ ܥܣܪ̈ܝܢ ܐ̈ܠܦܝܢ ܘܢܚܫܐ ܩܘܪܝܢܬܝܐ ܟܟܪ̈ܐ ܫܒܥܝܢ ܐܠܦܝ̈ܢ ܘܦܪܙܠܐ ܡܐܐ ܐܠܦܝ̈ܢ ܟܟܪ̈ܝܢ

8ܘܟܣܦܐ ܘܕܗܒܐ ܐܝܟܢܐ ܕܡܬܒܥܐ ܗܘܐ ܠܗ ܝܗܒܘ ܒܝܬ ܓܙܐ ܕܒܝܬܗ ܕܡܪܝܐ ܥܠ ܐܝܕܐ ܕܓܪܫܘܢ ܓܙܒܪܐ

9ܘܚܕܝܘ ܟܘܠܗ ܥܡܐ ܕܐܝܣܪܝܠ ܒܡܘ̈ܗܒܬܐ ܟܘܠܗܝܢ ܡܛܠ ܕܒܠܒܐ ܫܠܡܐ ܝܗܒ ܐܢ̈ܝܢ ܕܘܝܕ ܩܕܡ ܡܪܝܐ ܘܐܦ ܕܘܝܕ ܚܕܝ ܚܕܘܬܐ ܪܒܬܐ ܘܫܒܚ ܬܫܒ̈ܚܬܐ ܪ̈ܘܪܒܬܐ ܠܡܪܝܐ

10ܘܒܪܟ ܕܘܝܕ ܠܡܪܝܐ ܩܕܡ ܟܘܠܗܝܢ ܟܢܘܫ̈ܬܐ ܕܐܝܣܪܝܠ ܘܐܡܪ ܕܘܝܕ ܒܪܝܟ ܐܢܬ ܡܪܝܐ ܐܠܗܗ ܕܐܝܣܪܝܠ ܐܒܘܢ ܡܢ ܥܠܡ̈ܐ ܘܥܕܡܐ ܠܥܠܡ̈ܐ

11ܡܛܠ ܕܕܝܠܟ ܗܝ ܡܪܝܐ ܪܒܘܬܐ ܘܓܢܒܪܘܬܐ ܘܬܫܒܘܚܬܐ ܘܝܐܝܘܬܐ ܘܗܕܪܐ ܘܐܝܩܪܐ ܡܛܠ ܕܐܢܬ ܫܠܝܛ ܒܫܡܝܐ ܘܒܐܪܥܐ ܕܝܠܟ ܗܝ ܡܪܝܐ ܡܠܟܘܬܐ ܘܐܢܬ ܫܠܝܛ ܥܠ ܟܠܡܕܡ ܘܚܟܡܬܐ ܘܓܢܒܪܘܬܐ ܘܐܝܕܥܬܐ

12ܘܥܘܬܪܐ ܘܐܝܩܪܐ ܡܢ ܩܕܡܝܟ ܗܘ ܘܐܢܬ ܫܠܝܛ ܒܟܠܡܕܡ ܘܕܝܠܟ ܗܘ ܚܝܠܐ ܘܓܢܒܪܘܬܐ ܘܐܢܬ ܡܘܪܒ ܘܡܥܫܢ ܠܟܠܗܝܢ ܒܪ̈ܝܬܐ ܕܐܢܬ ܒܪܝܬ

13ܘܐܦ ܗܫܐ ܡܪܝܐ ܐܠܗܢ ܡܘܕܝܢܢ ܠܟ ܘܡܫܒܚܝܢ ܚܢܢ ܠܫܡܐ ܕܪܒܘܬܟ

14ܡܛܠ ܕܡܢܐ ܐܢܐ ܘܡܢܐ ܥܡܝ ܡܛܠ ܕܡܢ ܟܠܗܘܢ ܡܠܦܢ̈ܝ ܝܠܦܬ ܡܛܠ ܕܐܘܪܚܟ ܕܚ̈ܝܐ ܗܝ ܥܕܪܬܢܝ ܘܐܢܬ ܗܘ ܣܒܪܢ ܡܪܝܐ ܐܠܗܢ

15ܡܛܠ ܕܚܢܢ ܡܡܬܠܝܢ ܚܢܢ ܒܠܗܓܐ ܕܩܕܪܐ ܘܥܡܘܪ̈ܐ ܚܢܢ ܩܕܡܝܟ ܙܥܘܪܝܢ ܒܥܠܡܐ ܘܐܢܬ ܫܠܛܬ ܒܐܒܗ̈ܬܢ ܩܕܡܝܬ ܘܦܩܕܬ ܐܢܘܢ ܒܐ̇ܝܕܐ ܐܘܪܚܐ ܢܐܙܠܘܢ ܘܢܚܘܢ

16ܘܚܢܢ ܠܟ ܡܫܒܚܝܢܢ ܡܪܝܐ ܐܠܗܢ ܕܬܦܪܩܢ ܡܢ ܟܠ ܕܡܗܪܝܢ ܠܢ ܘܡܚܣܕܝܢ ܠܢ ܥܡ̈ܡܐ ܘܐ̇ܡܪܝܢ ܠܢ ܕܐܝܟܘ ܐܠܗܟܘܢ ܕܦ̇ܠܚܝܢ ܐܢܬܘܢ ܠܗ

17ܘܝ̇ܕܥ ܐܢܐ ܐܠܗܝ ܕܐܢܬ ܒ̇ܕܩ ܠܒܐ ܘܒܗܝܡܢܘܬܐ ܐܢܬ ܪܥ̇ܐ ܘܐܢܐ ܒܗܝܡܢܘܬܐ ܕܠܒܝ ܫܒܚܬ ܗܠܝܢ ܟܠܗܝܢ ܘܐܦ ܗܫܐ ܥܡܟ ܕܐܫܬܟܚ ܗܪܟܐ ܚ̇ܙܝܬ ܕܒܚܕܘܬܐ ܪܒܬܐ ܡܫܒܚܝܢ ܠܟ ܘܐܡ̇ܪܝܢ

18ܡܪܝܐ ܐܠܗܗ ܕܐܒܪܗܡ ܘܕܐܝܣܚܩ ܘܕܐܝܣܪܝܠ ܐܒ̈ܗܬܢ ܛܪ ܗܠܝܢ ܟܘܠܗܝܢ ܕܐܫܬܘܕܝܬ ܠܢ ܠܥܠܡ ܘܐܦܢܐ ܠܒܢ ܡܢ ܒܝܫܬܐ ܕܠܐ ܢܚܛܐ ܩܕܡܝܟ ܘܐܬܩܢ ܠܒܢ ܠܕܚܠܬܟ ܐܢܐ ܕܘܝܕ ܥܢܝܬ ܘܐܡܪܬ ܗܟܢܐ

19ܡܪܝܐ ܐܠܗܝ ܐܦ ܠܫܠܝܡܘܢ ܒܪܝ ܗܒ ܠܒܐ ܫܠܡܐ ܠܡܛܪ ܦܘܩ̈ܕܢܝܟ ܘܣܗ̈ܕܘܬܟ ܘܩܝܡܟ ܘܠܡܥܒܕ ܟܘܠ ܡܕܡ ܕܦܩܕܬ ܘܠܡܒܢܐ ܒܝܬܐ ܕܛܝܒܬ ܡܛܘܠ ܕܢܬܩܕܫ ܫܡܟ ܪܒܐ ܘܢܫܬܒܚ ܒܥܠܡܐ ܕܒܪܝܬ ܩܕܡ ܕ̇ܚ̈ܠܝܟ

20ܘܐܡܪ ܕܘܝܕ ܠܟܠܗ ܥܡܐ ܕܐܝܣܪܐܝܠ ܒܪܟܘ ܠܡܪܝܐ ܐܠܗܟܘܢ ܘܒܪܟܘ ܟܠܗ ܥܡܐ ܠܡܪܝܐ ܐܠܗܐ ܕܐܒܗ̈ܬܗܘܢ ܘܢܦܠܘ ܘܣܓܕܘ ܠܡܪܝܐ ܘܒܪܟܘ ܐܦ ܠܡܠܟܐ ܕܘܝܕ

21ܘܕܒܚܘ ܕܒܚ̈ܐ ܩܕܡ ܡܪܝܐ ܘܩܪܒܘ ܥܠܘ̈ܬܐ ܩܕܡ ܡܪܝܐ ܡܢ ܒܬܪ ܝܘܡܐ ܗ̇ܘ ܬܘܪ̈ܐ ܐܠܦ ܘܕܟܪ̈ܐ ܐܠܦ ܘܐܡܪ̈ܐ ܐܠܦ ܘܢܘܩܝܐ ܣܓܝ ܘܐܦ ܠܗܘܢ ܕܒܚܘ ܕܒܚܬܐ ܣܓܝ ܒܢ̈ܝ ܐܝܣܪܐܝܠ ܣܓܝ

22ܘܐܟܠܘ ܘܐܫܬܝܘ ܩܕܡ ܡܪܝܐ ܒܝܘܡܐ ܗ̇ܘ ܒܚܕܘܬܐ ܪܒܬܐ ܘܐܩܝܡܘ ܒܡܠܟܘܬܐ ܠܫܠܝܡܘܢ ܒܪܗ ܕܕܘܝܕ ܘܠܨܕܘܩ ܐܩܝܡܘ ܟܗܢܐ

23ܘܝܬܒ ܫܠܝܡܘܢ ܥܠ ܟܘܪܣܝ ܡܠܟܘܬܗ ܕܡܪܝܐ ܠܡܩܡ ܒܡܠܟܘܬܐ ܚܠܦ ܕܘܝܕ ܐܒܘܗܝ ܘܐܨܠܚ ܘܐܫܬܡܥ ܠܗ ܟܠܗ ܐܝܣܪܝܠ

24ܘܟܠܗܘܢ ܓܢܒܪ̈ܐ ܘܟܠܗܘܢ ܒܢ̈ܘܗܝ ܕܡܠܟܐ ܕܘܝܕ ܐܫܠܡܘ ܠܫܠܝܡܘܢ ܒܪܗ

25ܘܐܘܪܒܗ ܡܪܝܐ ܠܫܠܝܡܘܢ ܠܥܠ ܠܥܝܢ ܟܠܗ ܐܝܣܪܝܠ ܘܝܗܒ ܥܠܘܗܝ ܙܝܘܐ ܕܡܠܟܘܬܐ ܕܠܚܕ ܡܢ ܡܠܟ̈ܐ ܕܐܝܣܪܝܠ ܕܗܘܘ ܩܕܡܘܗܝ ܠܐ ܕܡܐ

26ܘܕܘܝܕ ܒܪܗ ܕܐܝܫܝ ܐܩܝܡ ܒܡܠܟܘܬܐ ܠܫܠܝܡܘܢ ܒܪܗ ܥܠ ܟܠܗ ܐܝܣܪܝܠ

27ܘܝܘܡ̈ܬܐ ܕܩܡ ܕܘܝܕ ܒܡܠܟܘܬܐ ܥܠ ܟܘܠܗ ܐܝܣܪܝܠ ܐܪ̈ܒܥܝܢ ܫܢ̈ܝܢ ܒܚܒܪܘܢ ܩܡ ܒܡܠܟܘܬܐ ܫܒܥ ܫܢ̈ܝܢ ܘܒܐܘܪܫܠܡ ܩܡ ܒܡܠܟܘܬܐ ܬܠܬܝܢ ܘܬܠܬ ܫܢ̈ܝܢ ܥܠ ܟܘܠܗ ܐܝܣܪܝܠ ܘܝܗܘܕܐ

28ܘܡܝܬ ܕܘܝܕ ܒܪܗ ܕܐܝܫܝ ܒܣܝ̈ܒܘܢ ܛܒ̈ܢ ܣܐܒ ܘܣܒܥ ܝܘܡ̈ܝ ܚܝܘ̈ܗܝ ܘܝܪܒ ܒܥܘܬܪܐ ܕܥܠܡܐ ܘܒܐܝܩܪܗ ܘܩܡ ܒܡܠܟܘܬܐ ܫܠܝܡܘܢ ܒܪܗ ܒܬܪܗ

29ܘܦܬܓ̈ܡܘܗܝ ܕܕܘܝܕ ܡܠܟܐ ܕܐܝܣܪܝܠ ܩܕܡ̈ܝܐ ܘܐܚܪ̈ܝܐ ܗܢܘܢ ܟܬܝܒܝܢ ܒܦܬܓ̈ܡܘܗܝ ܕܫܡܘܐܝܠ ܢܒܝܐ ܘܒܦܬܓ̈ܡܘܗܝ ܕܢܬܢ ܢܒܝܐ ܘܒܦܬܓ̈ܡܘܗܝ ܕܓܕ ܢܒܝܐ

30ܟܠܗ̇ ܡܠܟܘܬܗ ܘܓܢܒܪ̈ܘܬܗ ܘܙܒ̈ܢܐ ܕܥܒܪܘ ܥܠܘܗܝ ܘܥܠ ܐܝܣܪܝܠ ܘܥܠ ܟܘܠܗ̇ ܡܠܟܘܬ ܐܪܥܗ ܡܛܠ ܕܥܒܕ ܕܘܝܕ ܕܫܦܝܪ ܩܕܡ ܡܪܝܐ ܘܠܐ ܥܒܪ ܡܢ ܟܠܡܕܡ ܕܦܩܕܗ ܟܠܗܘܢ ܝܘܡ̈ܬܐ ܕܚܝܘ̈ܗܝ